Éksondo̱ 24:12 - Xo̱jo̱n eén Néná

¹² Jaskan Néná bi̱ katsoó Moisee̱: «Ndibénijíngí ji na̱xi̱i̱, kó ki̱a̱ chiyéní, ngatꞌa̱ ki̱a̱ sa̱ꞌinkꞌasꞌiee̱n ndi̱jo̱ tie nínga kjitꞌa kjo̱a̱kitii̱ ko̱jo kjo̱a̱botíxoma xi katsꞌenꞌindó an tsi̱ꞌe̱ nga ko̱ko̱yée̱ xota̱ Israee̱l».

Éksondo̱ 24:12 ပူးပေါင်းရင်းမြစ်များ

Xo̱jo̱n Salmoo̱ 19:12

ꞌYá xí ka̱maa̱ nga ti̱ kuii̱ sku̱i̱e̱ soboá ni xi ndajín xi tsꞌén. ¡Ti̱ꞌinjetakínní ji Ne, kjo̱a̱a̱ kui jé xí bejín an nga tsꞌen an!

Éksondo̱ 19:3

Ngo ndi̱yà Moisee̱ kijínijíngí na̱xi̱i̱ tsi̱ꞌe̱ nga ki̱a̱ sa̱ko̱ó Néná. Kó nga jachó ki̱a̱ nínga ꞌniú nkꞌaá na̱xi̱i̱, Néná tsíchji̱a̱a̱ Moisee̱ kó bi̱ katsoó: «Bi̱ má tꞌíi̱n xota̱ Israee̱l:

Éksondo̱ 24:15

Jaskan ngije katsó kui nii̱, Moisee̱ kijínijíngí na̱xi̱ Sinaii̱. Kó ki̱a̱ nínga ꞌniú nkꞌaa̱ na̱xi̱i̱, Néná akó ngayeje ngaꞌniuú. Ngayeje xota̱ Israee̱l kamábe kjo̱a̱jee̱ Néná nga ja̱kjiꞌi ndiꞌí xi tsꞌenkjiéná má kisꞌie. Jun ni̱xtjin nga kui na̱xi̱i̱ kisꞌijñajin ngo ṉdi̱, kó xi ma yito ni̱xtjin Néná tsíchji̱a̱a̱ Moisee̱ ngi̱jii̱n kui ṉdi̱i̱.

Éksondo̱ 24:18

Kó Moisee̱ tsꞌasꞌienjin kui ṉdi̱i̱, kó ki̱a̱ kisꞌijñajin yichán ni̱xtjin, yichán ni̱xtji̱e̱n.

Éksondo̱ 31:18

Kó ki̱a̱ na̱xi̱ Sinaii̱, Néná katsꞌénkꞌasꞌiee̱n Moisee̱ kjo̱a̱botíxoma xi chjiéngá sa̱ꞌínkjatjosón xota̱ na̱xi̱ńdaá. Kó Néná má xi katsꞌénꞌindó kui kjo̱a̱botíxomaa̱, kó jó tie ndi̱jo̱ ítꞌa.

Éksondo̱ 32:1

Kó nga Moisee̱ achichí tsꞌandíyaá ki̱a̱ na̱xi̱ Sinaii̱, xota̱ Israee̱l kijíkoón Aaroo̱n, kó bi̱ katsoó: —Moisee̱ boá xi tsꞌaxiéjne̱ nangi Ejipto̱, ta̱nga yàjínjne̱ mí ni xi kamaá. Ta̱sá ndatsi ngo ne si̱ꞌindejne̱, tsi̱ꞌe̱ nga kui xi ko̱e̱je̱tjónjne̱ ko̱jo skónjne̱.

Éksondo̱ 34:1

Kó Néná bi̱ katsoó Moisee̱: «Ndibéje̱ní jó tie ndi̱jo̱, xikoó xi tjón katsjaa. Ki̱a̱ ka̱maa̱ nga ki̱a̱ sa̱ꞌinꞌindó an ti̱ kuii̱ kjo̱a̱kiti xi kjitꞌa kui tie ndi̱jo̱ xi akakjen ji.

Matioo̱ 5:19

Kuíni nga ta̱ꞌya xota̱ní xi sa̱ꞌínkjatjosónjín ngo kui kjo̱a̱botíxomaa̱, ndatsi ngo xi ta̱nisién ꞌniú chichií, kó tsi ko̱kóyaá xotaa̱ tsi̱ꞌe̱ nga sa̱ꞌínkjatjosónjín, kuí boá xi chichí si̱ꞌan nínga botíxomaa̱ Néná. Ta̱nga ta̱ꞌya xota̱ní xi sa̱ꞌínkjatjosón, ko̱jo xi ko̱kóyaá kje̱ꞌe xota̱ nga sa̱ꞌínkjatjosón kui kjo̱a̱botíxomaa̱, achichí je si̱ꞌan ki̱a̱ nínga botixómá Néná.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

2 Xota̱ Korinto̱ 3:7

Kó tsi xá xí kisꞌiee̱ kjo̱a̱kiti xí fíjo̱ná kjo̱a̱bo̱yaa̱ xi kiniꞌánꞌindóni nga̱soón ngo tie ndi̱jo̱o̱, kisꞌiee̱ kjo̱a̱je, kó ngaskande xota̱ xi chji̱a̱ni Israee̱l kamájín kamábe kje̱n Moisee̱, ta̱ngatꞌanii̱ kui kjo̱a̱je xi tikónjin kje̱n, kó kui kjo̱a̱jee̱ tsiejín kamaá,

Ndeuteronomio̱ 4:14

Sꞌe̱ jaskan atíxomana tsi̱ꞌe̱ nga an kokoyájnúꞌun kjo̱a̱botíxoma xi chjiéngá si̱ꞌankjatjosónjnú jún nga ku̱i̱ndyionjnú kui tꞌanangi xi je si̱ꞌankꞌasꞌienjnú.

Ndeuteronomio̱ 5:22

»Kuí bí kui kjo̱a̱botíxoma xi ꞌniú tsíchji̱a̱jojnú nga katsóyàjnú Néná kjiꞌanga kixindyionjnú ngindiee̱ na̱xi̱i̱. Nda̱a̱ Néná ki̱a̱ jatjoni ngi̱jii̱n ngo ndiꞌí ko̱jo ngo ṉdi̱ xi achichí jñó. Néná jó tie ndi̱jo̱ ítꞌa kjo̱a̱botíxomaa̱, kósꞌe̱ an katsꞌénkꞌasꞌienna, kó jmí ni yísónjín ngasee̱.

Ndeuteronomio̱ 5:31

ta̱nga ji ndibé nginí, kó kꞌi̱e̱ nijan ti̱ndyi̱nje̱ní. Án boá xi sa̱ꞌinkꞌasꞌiee̱n kjo̱a̱botíxoma xi chjiéngá ko̱ko̱yée̱, tsi̱ꞌe̱ nga ngayejee̱ nga sa̱ꞌínkjatjosón nga kꞌuíndo ngi̱ndie nínga tsjàa̱”.

Xota̱ Ebreo̱ 9:4

nínga kisꞌijña ṉchandikón xí to̱nsinié nínga ikꞌítí ni sije̱e̱n, kó ti̱ ki̱a̱ kisꞌijña koxa̱a̱ kjo̱a̱ꞌbíndaa̱ xi to̱nsinié akjajon yeje. Ngi̱yaa̱ kui koxa̱a̱ kixindyia manaa̱, ko̱jo ki̱a̱ kisꞌiya yá xí tsaꞌa Aaroo̱n xi ja̱bo̱a̱ je íntsꞌién, ko̱jo yátie nínga kjitꞌa kjo̱a̱kitii̱,