Éksondo̱ 24:10 - Xo̱jo̱n eén Néná

^10-11 Kó ki̱a̱a̱ ngayeje kui xota̱ Israee̱l kamábe Néná, kó iskjiniejo̱ nichinie, kó katsꞌejo̱ ni ꞌyó, ta̱nga Néná jmí ni katsꞌénjo̱jín. Ngindie se Néná kisꞌijña ngo ni xi achichí ꞌna̱ kamá xikó maá nkꞌajmii̱, ¡ngaskande bo̱a̱ má kisꞌie xikoó ngo tꞌanangi xi ndi̱jo̱ aso xi chi̱tsen kamándani!

Éksondo̱ 24:10 ပူးပေါင်းရင်းမြစ်များ

Jenesii̱s 32:30

kó kuíni nga Jakoo̱b, Penuee̱l, ítꞌajaꞌén kuí ngi̱ndiee̱, ngatꞌa̱ bi̱ katsó: «¡Kamábe tíkje̱n tíkje̱n an Néná, kó ta̱kó tikòn an!»

Jenesii̱s 32:31

Kó nga jatjo tsꞌueé, jatjo Jakoo̱b kui ngi̱ndiee̱ xi ꞌmí Penuee̱l, kó kijí katsꞌo.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 33:20

Ta̱nga ka̱májín xchi̱e̱ ji kje̱n án, ngatꞌa̱ ngayeje xota̱ xi sku̱i̱e̱ kje̱n án, ko̱yà. Ki̱a̱ ti̱ndyinra ji tꞌa kui ndi̱jo̱ xi tikóntꞌana.

Éksondo̱ 33:23

Jaskan kjoaꞌaxín an ndsa̱ án, kó ka̱ma xchi̱e̱ ji nga̱xto̱n án, ta̱nga ka̱májín xchi̱e̱ ji kje̱n án.

Én xí nda xi ꞌniú tsjatsó ngasee̱ 5:14

Tjiaa̱, bo̱a̱ má kón xikoó sti̱ngaro to̱nsinié xi tjikítsie maá ndi̱jo̱ tsjakon. Yojoo̱ bo̱a̱ má kjiꞌi xikoó ndi̱ja̱a̱ ki̱ña̱ xi je kiniꞌánchoo̱n nga akjatꞌaa̱ ndi̱jo̱ safiro̱.

Én xí nda xi ꞌniú tsjatsó ngasee̱ 6:10

ꞌYání bo̱a̱ xi kjifotjokjà xikó maá nga ndibáꞌásie̱én, achichí tsjákjiꞌi xikó maá saá, tikón ꞌna̱ ꞌna̱ xikó maá tsꞌueé, ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Kjo̱a̱chaꞌaá 4:7

Xota̱ xi je kachjeꞌéjin ji kui ngi̱ndiee̱, tsjie ngase kamá, ta̱bo̱a̱jiín nchꞌaàn, ko̱jo tiboa ngase kamá ta̱bo̱a̱jiín ntsjeén, naxórsa̱ ngase kamá yojoo̱ ta̱bo̱a̱jiín koraa̱l, kó yojoo̱ tsja ngase kisꞌie ta̱bo̱a̱jiín ndi̱jo̱ safiroo̱.

Matioo̱ 17:2

kó ngindyi̱ko̱n kui jaá kje̱ꞌe kisꞌie Kjisoo̱, kó kje̱n ꞌna̱ kamá xikó maá tsꞌueé, kó ńjño xi yajá tiboa xó xó kamá.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 6:46

Kji̱e̱ ngo xota̱ xi be kókjiꞌi Na̱ꞌmii̱, ta̱kuítsí xi katsangiya Néná xí be kókjiꞌi Na̱ꞌmii̱.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

1 Xo̱jo̱o̱n Juaa̱ 4:12

Kji̱e̱ ngo xi je kamábe kókjiꞌi Néná, ta̱nga tsi ja̱kꞌi̱e̱ ja̱ngaján tjóná xingi̱, kjiꞌá boá nga Néná tikónjinná, kó kjo̱a̱tjoó kjimando̱jo kjin kjin ngi̱jinná.

Ni xi akakoo̱ 1:16

ngi̱ya tsja kixi̱ tsꞌényaꞌa yito ńño, kó ngi̱ya tsꞌoa jatjo ngo ki̱cha̱ xi yojó nga jó ngoboaá, kó kje̱n bo̱a̱ má kjiꞌi xikó maá nga ꞌniú tíngá ndoboaá.

Ni xi akakoo̱ 21:11

kui na̱xi̱ńdáꞌniuú ꞌna̱ kamá ta̱ngatꞌanii̱ kjo̱a̱jee̱ Néná, ꞌna̱ kamáyà xikó maá ngo ndi̱jo̱ xi tsjakjiꞌi, xikoó ngo ndi̱jo̱ xi ꞌmí jaspe̱, ꞌna̱ kamá xikoó ngo chi̱tsen,

Ni xi akakoo̱ 4:3

kó nínga tikón xi botixómaá ꞌna̱ xikó maá ngo ndi̱jo̱ xi ꞌmí jaspe̱, ko̱jo tsi xikó maá ngo ndi̱jo̱ xi ꞌmí kornalina̱, kó nga ngo foaꞌatjiyajoo̱n kui xi botixómaá tikón ngo ndi̱ꞌya̱ xi ꞌna̱ xikó maá ngo ndi̱jo̱ xi ꞌmí esmeralnda̱.