Éksondo̱ 24:1 - Xo̱jo̱n eén Néná

^1-2 Néná bi̱ katsoó Moisee̱: «Mejénna nga kji̱ndi̱bénijíngí ji kui na̱xi̱i̱, tsi̱ꞌe̱ nga kꞌi̱e̱ ko̱ndókjo̱e̱jení. Ka̱ma kji̱ndi̱béje̱ ji Aaroo̱n, ko̱jo Nandaa̱b, ko̱jo Abiuu̱, ko̱jo ichítié ko̱jo kan xota̱ ngito̱ko̱o̱ na̱xi̱ńdá Israee̱l. Ta̱nga ka̱májín kji̱ndi̱bá boaꞌá kui xotaa̱ nínga tikòn an. Ta̱ jí tsí xi ka̱ma kji̱ndi̱béchin tiñaní. Nga kjóchójnú, mejénna nga ta̱ kjin ko̱si̱e̱nnijnú tikójnú. Ta̱nga ka̱májín kji̱ndi̱bá ngase kje̱ꞌe xota̱ kꞌi̱e̱e̱».

Éksondo̱ 24:1 ပူးပေါင်းရင်းမြစ်များ

Éksondo̱ 19:20

Kó jatjajenni Néná nkꞌa jàn, kó ki̱a̱ nínga ꞌniú nkꞌaá na̱xi̱i̱ kisꞌijña, kó tsíchji̱a̱a̱ Moisee̱ tsi̱ꞌe̱ nga ko̱e̱je̱nijíngí. Nga jachó Moisee̱,

Éksondo̱ 19:24

Kó Néná bi̱ katsoó: —Ti̱tjaje̱n ji kui na̱xi̱i̱, kó ndibénijíngí nginí ji, kó ndibéje̱ ji Aaroo̱n nga. Ta̱nga ta̱ꞌyajín xi ka̱ma kji̱ndi̱bá ngase kꞌi̱e̱e̱, nde chináꞌmii̱ ka̱májín kji̱ndi̱bá, tsi bo̱a̱ sa̱ꞌín, ko̱yà ki.

Éksondo̱ 20:21

Ndatsi bi̱ kiꞌmií xota̱ Israee̱l, ti̱ kuí xí ta̱ kjín kisꞌińdonii̱ na̱xi̱i̱. Ta̱kuítsí Moisee̱ xi kijíkóntiñaa̱ kui ṉdi̱ nínga tikón Néná.

Éksondo̱ 24:15

Jaskan ngije katsó kui nii̱, Moisee̱ kijínijíngí na̱xi̱ Sinaii̱. Kó ki̱a̱ nínga ꞌniú nkꞌaa̱ na̱xi̱i̱, Néná akó ngayeje ngaꞌniuú. Ngayeje xota̱ Israee̱l kamábe kjo̱a̱jee̱ Néná nga ja̱kjiꞌi ndiꞌí xi tsꞌenkjiéná má kisꞌie. Jun ni̱xtjin nga kui na̱xi̱i̱ kisꞌijñajin ngo ṉdi̱, kó xi ma yito ni̱xtjin Néná tsíchji̱a̱a̱ Moisee̱ ngi̱jii̱n kui ṉdi̱i̱.

Éksondo̱ 24:9

Kó Moisee̱ kijínijíngí nginí kui na̱xi̱i̱ ko̱jo Aaroo̱n ko̱jo Nandaa̱b, ko̱jo Abiuu̱ ko̱jo kui xi ichítié ko̱jo kan ngito̱ko̱o̱ xota̱ Israee̱l.

Éksondo̱ 28:1

»Ngi̱jii̱n ngayeje xota̱ Israee̱l, jè jaꞌajin an ntsꞌie ji Aaroo̱n ko̱jo ndií kui xi ꞌmí: Itamaa̱r, Nandaa̱b, Abiuu̱ ko̱jo Eleasaa̱, tsi̱ꞌe̱ nga ngayejee̱ nga ka̱ma chináꞌmina. Kuíni nga bo̱a̱ tꞌíi̱n nga ki̱a̱ ngatꞌíndo tiña nínga ku̱i̱ndyin ji.

Éksondo̱ 3:5

Kó Néná bi̱ katsoó: —¡Ngata̱ ndibéboeꞌéjín ji ngase! ¡ꞌNa̱xié ji tji̱xíndiée̱, ngatꞌa̱ ngindyikón án boá nínga tasín ji, kó ndikón kuí ngi̱ndiee̱!

Éksondo̱ 34:2

Tꞌínde yojòo̱, ngatꞌa̱ ndyiojón ta̱jñó kꞌuínnijíngí ji na̱xi̱ Sinaii̱, ki̱a̱ skoyaa nínga ꞌniú nkꞌaá kui na̱xi̱i̱.

Xki̱ 11:16

Kó Néná bi̱ katsoó Moisee̱: —Tꞌítikí jí ngi̱jii̱n xota̱ na̱xi̱ńdaá ichítié ko̱jo kan xota̱ xi xchá xí ngito̱ko̱. Tꞌenje̱ ji ki̱a̱ ndiꞌandikoón, kó ki̱a̱ nga koyara.

Rkaa̱ 10:1

Jaskan ngije kamá kui nii̱, Ndi̱a̱ná bo̱a̱ ti̱ tsꞌén jaꞌájin ngi ichítié ko̱jo kan jó já, kó jó jó katsangiyatjón ngayeje na̱xi̱ńdá nínga ko̱e̱je̱ kui.

Rkaa̱ 10:17

Kó achichí tsja kamaá nga jeꞌe nginí já xí ichítié ko̱jo kan joó, kó bi̱ katsó: –¡Ndi̱a̱, ngaskande xindajín ntꞌiéꞌénjne̱ nga ndokjo̱a̱jne̱ jaꞌée̱n!

Ndeuteronomio̱ 1:15

Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.