Éksondo̱ 23:24 - Xo̱jo̱n eén Néná

²⁴ »Ka̱májín si̱ꞌantsjajnúu̱ kje̱ꞌe ne xi tjiín kui xotaa̱ na̱xi̱ńdaá. Ta̱sá ti̱ꞌankjatsónjnú ni xi ne tsoó kui xotaa̱ ko̱jo ṉchandikoón.

Éksondo̱ 23:24 ပူးပေါင်းရင်းမြစ်များ

Xo̱jo̱n Salmoo̱ 101:3

Nde ngojín nii̱ xindajín xi koaꞌaxki̱ an, ngatꞌa̱ chꞌóna ni xi tsꞌén xota̱ xi xín ndi̱yà kjien, kó tsjandièjín an nga ki̱a̱ nijan sa̱ꞌínkamajo̱na.

Éksondo̱ 20:3

»Ngata̱ ꞌbejínjnú kje̱ꞌe Ne tsi ánjín.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Éksondo̱ 23:32

»Ka̱májín ngo ni kꞌuíndajo̱jnú kui xotaa̱, ti̱nde ngata̱ boeꞌéndièjínjnúu̱ nga ki̱a̱ kꞌuíndojin ngasejnú, ngatꞌa̱ tsi ki̱a̱ kꞌuíndojinrajnú, kuí boá xi sa̱ꞌín nga jún si̱ꞌanjéjnú kondra̱ tsa̱ꞌa̱n. Ti̱nde ngata̱ niꞌantsjájínjnúu̱ ne xi tsi̱ꞌe̱, ngatꞌa̱ tsi bo̱a̱ si̱ꞌánjnú, ka̱ma ko̱yàjnú ki».

Éksondo̱ 32:20

Sꞌe̱ jaskan iskjíbé kuí cho̱yojo toroo̱ kó ngi̱jin ndiꞌií katsanginjin, kó katsꞌénxi̱ nga ngaskande ndso̱ko̱a̱n má kamá kui nii̱, kó ngi̱jin ndáfoaa̱ atítsojo kui ndso̱ko̱a̱a̱n, kósꞌe̱ bi̱ katsoó xota̱ Israee̱l: «¡Tꞌi̱o̱jnú kui ndáfoaa̱ ꞌne̱!»

Lebitiko̱ 18:3

Jún xota̱ Israee̱l xi ki̱a̱ kixindyionjnú nangi Ejipto̱ ngasꞌe̱, kó ngotꞌe̱ ꞌne̱ ki̱a̱ nangi Kanaa̱n tsꞌénfijo̱jnúꞌun. Ka̱májín bo̱a̱ si̱ꞌánjnú xikó tsꞌén xota̱ Ejiptoo̱, ko̱jo tsi xikó tsꞌén xota̱ Kanaa̱n.

Lebitiko̱ 26:1

»Ngata̱ niꞌándajínjnú ngayeje to̱ko̱ya ni xi ne kꞌuínjnúu̱, ti̱nde ngata̱ niꞌándikónjínjnú, ngatꞌa̱ án boá xi Nejnú an.

Xki̱ 25:2

Kui ínchjiín katsóyaà kui xotaa̱ tsi̱ꞌe̱ nga ko̱e̱je̱ sꞌué xí tsꞌén. Kó ki̱a̱ nijan iskjinie nichinie, kó nijan katsꞌéndikón ne xi tjiín xota̱ tji̱e̱e̱ Moaa̱b.

Xki̱ 33:52

chjiéngá ko̱ngatji̱ngii̱ xota̱ xi síndo ki̱a̱a̱. Kó ti̱ chjiéngá ngatsꞌénkjátsón ngayeje ni ndi̱jo̱ xi tsꞌéndíkón, ko̱jo ni xi a̱sie̱én xota̱, ko̱jo ṉchan nínga tsꞌéndíkón kuí nii̱.

Ndeuteronomio̱ 7:5

»Chjiéngá jún xi si̱ꞌankjatsónjnú ṉchandikoón kui xotaa̱, kó tꞌítíjnú ni xi ne ndyi̱tsoó, kuí má a̱sie̱én kui xi na̱ ne Astarteé ndyi̱tsoó.