Éksondo̱ 23:21 - Xo̱jo̱n eén Néná

²¹ Ndaꞌyáꞌénjnúu̱ ngatsjéni̱xtjin, ngatꞌa̱ án boá xi katsjáa̱ xá tsi̱ꞌe̱ nga kui xi kꞌuijñá ngajona, kuí boá xi sa̱ꞌínjéjnú tsi ko̱nda̱ꞌyáꞌénjínjnúu̱.

Éksondo̱ 23:21 ပူးပေါင်းရင်းမြစ်များ

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Xo̱jo̱n Salmoo̱ 78:40

Achichí kjín ndi̱yà nga katsꞌénxtií Néná ki̱a̱ nangi kixií, kó Néná achichí ndasen kamaá kui nii̱.

Xo̱jo̱n Salmoo̱ 78:56

Ta̱nga kui xotaa̱ askotꞌayákón ko̱jo katsꞌénxtií Néná, kó tsintꞌiéꞌénjiín kjo̱a̱botíxomaa̱,

Xo̱jo̱n Salmoo̱ 83:18

¡Kó ngatamabe nga ta̱ jí tsí, ji xi ꞌmií Néná, nga jí boá xi Néná xí tikón nkꞌajmii̱ xi tsꞌénbotixómaá ngayeje nga̱sondiee̱!

Éksondo̱ 3:14

Kósꞌe̱ Néná bi̱ katsoó Moisee̱: —Bo̱a̱ tꞌíi̱n nga Án boá kui Ne xi tikón ngatsjéni̱xtjii̱n, kó Án boá xi ꞌmína AN XI AA̱N, bo̱a̱ tꞌíi̱n ngayejee̱ nga Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b, kui xi xota̱ xi xchájnú. »Kuíni nga tꞌen ji nangi Ejipto̱, kó tꞌítikí jí ngayeje xota̱ ngito̱ko̱o̱ xota̱ Israee̱l, kó bo̱a̱ tꞌíi̱n nga an, Nee̱ kui xotaa̱, ki̱a̱ jatjokjaà ji, kó nga jè kamábe an kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱.

Éksondo̱ 32:34

Kuíni nga ta̱sá tꞌen ji ngotꞌe̱, kó tꞌenje̱ ji kui xota̱ na̱xi̱ńdaá ki̱a̱ nangi xi katsóyàtjóo̱n nga tsjàa̱. Ndítsjiena ko̱e̱je̱tjoón nínga kꞌuin, ta̱nga nga kjo̱chó ni̱xtjin, án boá xi sa̱ꞌinjée̱ kjo̱a̱a̱ jé xí katsꞌén.

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Xki̱ 14:11

kó bi̱ katsoó Moisee̱: —Ngaskande kjiꞌání nga kui xota̱ na̱xi̱ńdaá sꞌi̱jii̱n nga ndikónjín an, ko̱jo nga jmíjínna ngaꞌniú. Achichí kjo̱a̱ndikón je katsꞌen an ngindyi̱ko̱n, kó a ta̱kó kji̱e̱ sꞌijinjiín an.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Juaa̱ 10:30

Na̱ꞌmina ko̱jo an ta̱ ngo tsí májne̱.

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

Ndeuteronomio̱ 18:19

Néná ko̱tíjeé kui xota̱ xi ku̱i̱ntꞌiéꞌénjiín kui kjo̱a̱botíxoma xi tsja̱á kui nda̱ chji̱ni̱e̱ꞌe̱én.

Ndeuteronomio̱ 9:7

»Ngata̱chiíjín niꞌánchíyájnú kui nii̱: Ndeskande ni̱xtjin nga ikitjaxi̱e̱jnú nangi Ejipto̱, kó ngaskande ngotꞌe̱, ngatsjéni̱xtjin nga ndyi̱ndaꞌyáꞌénjínjnúu̱ Néná. Kjiꞌanga kixindyionjnú nangi kixií ko̱jo ki̱a̱ na̱xi̱ Oree̱b kiniꞌánxtíjnúu̱ Néná, kó katsꞌénkjó Néná nga sa̱ꞌínkjiéjnú.

Xota̱ Kolosa̱ 2:9

Néná tikónjin ndo̱jò ndójo̱ ngi̱jin yojoo̱ Kristoo̱.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xota̱ Ebreo̱ 3:16

Ngatꞌa̱ ꞌyání xi katsꞌénkitikjo̱a̱ yojoo̱, ngije ja̱bo̱a̱ je tsintꞌieé nda̱a̱ Néná. A ngayejejín kuí xota̱ xi jatjoni nangi Ejipto̱ xi kijíjo̱ Moisee̱.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.

Ni xi akakoo̱ 1:8

“Án boá xi alfaa̱ ko̱jo xi omengaa̱, xi tjón ko̱jo xi fetꞌanii̱, xi kui, ko̱jo xi kui kamaá, ko̱jo xi jaskan ndibaá”, tsó Ndi̱a̱ná xí tsi̱ꞌe̱ ngayeje ngaꞌniuú.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.

Ni xi akakoo̱ 2:8

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Esmirnaa̱: “Kui nii̱ xi tsó kui xi tjoón ko̱jo kui xi fetꞌanii̱, kui xi je kꞌiee̱n, kó ti̱ jaꞌáꞌyá nginií:

Ni xi akakoo̱ 3:7

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Filandelfiaa̱: “Kui nii̱ xi tsó kui xi tsjie ko̱jo xi ja̱koxi̱i̱, kui xi tikoón yibii̱ nda̱ re Ndabii̱, kui xi kjiꞌanga tjín xi kjíxꞌá, ta̱ꞌyajín xi ka̱maa̱ ku̱i̱ꞌíchjá, kó kjiꞌanga tjín xi ꞌbíchjá, ta̱ꞌyajín xi ka̱maa̱ skjíxꞌá: