Éksondo̱ 23:20 - Xo̱jo̱n eén Néná

²⁰ Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Éksondo̱ 23:20 ပူးပေါင်းရင်းမြစ်များ

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 24:40

Kósꞌe̱ bi̱ katsóna ndi̱a̱na: “Ngatsjéni̱xtjin tsꞌéntꞌièꞌée̱n Néná, kó kuíni nga kuí boá xi sa̱ngíyá ndítsjiee̱ nga kjo̱joo̱ ji, kó nga nda ko̱e̱je̱e̱ ndi̱yà xí tiꞌmi. Ta̱nga jí xí ku̱i̱ndyi̱sée̱ ngo chjo̱on ndína ki̱a̱ ngi̱jii̱n xota̱ xingi̱ án.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Xo̱jo̱n Salmoo̱ 91:11

Ngatꞌa̱ Néná sa̱ngíyá ndítsjiee̱ tiña nínga tindyin ji, tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.

Éksondo̱ 14:19

Kósꞌe̱ xota̱ Israee̱l kijí xtji̱e̱e̱n nínga tikón ndáchíkoón. Tji̱e̱nga kui ndítsjiee̱ Néná xi kijítjoón kui xotaa̱, xtji̱e̱e̱n nga̱xto̱n kisꞌijña, kó ngamasiee̱n xota̱ Israee̱l ko̱jo xota̱ Ejiptoo̱ kisꞌijña kui, kó kui ṉdi̱ xi ja̱kjiꞌi yásé má kjiꞌii̱, ti̱ ki̱a̱ kisꞌijña nga̱xto̱n xota̱ Israee̱l nga,

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Éksondo̱ 15:17

Ne tsa̱ꞌa̱n, jí boá xi kꞌuínje̱jne̱ na̱xi̱ xi ji kachjeꞌéjin ji xi tse̱ ka̱ma, kó ki̱a̱ boá nínga si̱ꞌinkꞌíndejne̱ ngatsjéni̱xtjin. ¡Ti̱ jíní xi kiniꞌínde ji! ¡Ti̱ jíní xi ki̱a̱ ikꞌíjñinde ji ndiꞌàa̱!

Éksondo̱ 23:23

Ndítsjiena boá xi kjo̱jojnú nangi Kanaa̱n, nínga ngotꞌe̱ achichí má xota̱ na̱xi̱ńdá xi síndo, kui xi sa̱ꞌinkjié ndo̱jò ndójo̱ an.

Éksondo̱ 32:34

Kuíni nga ta̱sá tꞌen ji ngotꞌe̱, kó tꞌenje̱ ji kui xota̱ na̱xi̱ńdaá ki̱a̱ nangi xi katsóyàtjóo̱n nga tsjàa̱. Ndítsjiena ko̱e̱je̱tjoón nínga kꞌuin, ta̱nga nga kjo̱chó ni̱xtjin, án boá xi sa̱ꞌinjée̱ kjo̱a̱a̱ jé xí katsꞌén.

Éksondo̱ 33:14

Kó Néná bi̱ katsoó Moisee̱: —Án má bo̱a̱ xi kjuínjòo̱, tsi̱ꞌe̱ nga kꞌuieé kjo̱a̱xió ini̱ma̱a̱.

Xki̱ 20:16

Kósꞌe̱ kichjiáꞌájne̱ nga ko̱síko̱jojne̱ Néná, kó kui tsintꞌiéjne̱ kósꞌe̱ katsangiya ngo ndítsjiee̱, tsi̱ꞌe̱ nga kꞌo̱xiéjne̱ nangi Ejipto̱. Kó kꞌi̱e̱ tindyionjne̱ ngotꞌe̱ ꞌne̱. Kꞌi̱e̱ tindyionjne̱ na̱xi̱ńdá Kandee̱, nínga tikón tsindioó na̱xi̱ńdáa̱.

Xki̱ 22:22

Ta̱nga Néná achichí katsꞌénxchánjo̱ Balaa̱n ngatꞌa̱ kijíjo̱ kui jaá. Kuíni nga ndítsjiee̱ Néná ki̱a̱ kisꞌijñachjá ndi̱ya̱à tsi̱ꞌe̱ nga tsja̱ndièjiín nga kjo̱a̱ꞌa. Balaa̱n kisꞌijñasoón kui bórró chjo̱on, kó jó má já xi asíko̱jo xi nijan kijíjo̱.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Juaa̱ 14:3

Kó tsi kjuínkꞌijñandajnúꞌun ngo ngi̱ndie, kjoéꞌe̱ ngiñá an nga kjoéꞌe̱kjaꞌajnúꞌun, tsi̱ꞌe̱ nga nínga kotíjña̱ an ki̱a̱ ku̱i̱ndyionjnú nga.

Ndeuteronomio̱ 33:2

nga bi̱ katsoó: «Néná ki̱a̱ tsꞌéndibání na̱xi̱ Sinaii̱, kó ndiꞌií ki̱a̱ ndibánií ndeskande nangi Endoo̱n. Ndeskande na̱xi̱i̱ Paraa̱n ya ꞌna̱ ꞌna̱ nga je ndibá, kó ngaskande Meribaa̱ fochó, ki̱a̱ nangi Kandee̱. Ndiꞌí boá xi tjiyátsjà xi kixi̱i̱, kó achichí kjín mi̱ ma já tamá xí kján xi tsꞌéndibájo̱.