Éksondo̱ 23:17 - Xo̱jo̱n eén Néná

¹⁷ »Ngayeje jáxíꞌín xi xchaá chjiéngá ngindyi̱ko̱n an ngatjíkindyia nga ján ndi̱yà nga má kui sꞌueé.

Éksondo̱ 23:17 ပူးပေါင်းရင်းမြစ်များ

Xo̱jo̱n Salmoo̱ 122:4

¡Ngaskande nínga tindyin ji fochó xota̱ tji̱e̱e̱, ngayeje xota̱ tji̱e̱ xi chji̱a̱ni Israee̱l! ¡Ngaskande nínga tindyin ji fochó xota̱ na̱xi̱ńdaá tsi̱ꞌe̱ nga sa̱ꞌíntsjaá Néná, xikó má katsó kuí nga atíxoma!

Xo̱jo̱n Salmoo̱ 42:2

Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Xo̱jo̱n Salmoo̱ 42:3

Ndándyíkón án boá xi kamá ni chiniena ko̱jo ni xi katsꞌe an nga ni̱xtjin ni̱xtji̱e̱n, tji̱e̱nga nga ngo ni̱xtjii̱n nga bi̱ kiꞌmína: «¡Ñá tikón Nèe̱ ngotꞌe̱ ꞌne̱!»

Xo̱jo̱n Salmoo̱ 84:7

Tji̱e̱nga ndyi̱fí, tsie ngase ngaꞌniú kꞌuieé, kó sku̱i̱e̱ Néná nga kjo̱chó na̱xi̱ńdáꞌniú Sioo̱n.

Éksondo̱ 23:14

»Xki̱ nó, ján ndi̱yà si̱ꞌánjnúꞌun ngo sꞌué nganda tsa̱ꞌa̱n.

Éksondo̱ 34:23

»Ngayeje jáxíꞌiín, chjiéngá ján ndi̱yà nga ngo noó kjo̱e̱ꞌétsꞌendíkónna. Án boá xi Nee̱ xota̱ Israee̱l.

Rkaa̱ 2:42

Kó nga kamá tiejó noó Kjisoo̱, kijí na̱xi̱ńdáꞌniú Jerusale̱n, xikótsꞌèn tikón kjo̱a̱xcha̱á.

Ndeuteronomio̱ 12:5

»Néná kjo̱a̱ꞌájin ngo ngi̱ndie nínga kꞌuijñá nga kꞌuijñájinjnú kuí, kó ki̱a̱ boá nínga kongínjnú tsi̱ꞌe̱ nga si̱ꞌantsjajnúu̱, nga xꞌi̱a̱jnú kjo̱a̱tjó xi kꞌuitíjnú nganda tsi̱ꞌe̱. Kó ti̱ ki̱a̱a̱ chjiéngá kongínjo̱jnú tie nga úchaán ngayeje ni xi si̱ꞌánjnú, ko̱jo chji̱e̱ xi ngayeje ini̱ma̱jnú nga si̱ꞌankꞌasꞌienjnú, ko̱jo ndí xí tjoón cho̱yojojnú, ko̱jo cho̱tsa̱nga̱jnú, ko̱jo kje̱ꞌe ngase kjo̱a̱tjó xi kiꞌmíyatjónjnú nga ko̱e̱ꞌéjnúu̱.

Ndeuteronomio̱ 16:16

»Ján má sꞌué xí má xki̱ nó, xi chjiéngá nde ngojín xota̱ xi je tsꞌatio tiejó noó xi xcha̱ja, kuí bí kui sꞌueé xi xian an: Sꞌué paskuaa̱, sꞌueé cha̱a̱n ni xi kamáxchaá, ko̱jo sꞌueé ndiꞌa nkꞌieén. Nga ján kui sꞌueé, chjiéngá ki̱a̱ ka̱ma ki̱a̱ ndiꞌandikoón, kó chjiéngá ngayeje xotaa̱ nga ko̱a̱ꞌa ngo kjo̱a̱tjó tsi̱ꞌe̱ Néná. Ta̱ xikótsꞌèn tjítsꞌénchíkonñé Néná, bo̱a̱ kjiꞌi kjo̱a̱tjó xi sa̱ꞌínkꞌasꞌiee̱n.