Éksondo̱ 23:13 - Xo̱jo̱n eén Néná

¹³ »Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Éksondo̱ 23:13 ပူးပေါင်းရင်းမြစ်များ

Xo̱jo̱n Salmoo̱ 16:4

Ta̱nga achichí kjo̱a̱ni̱ma̱ kjo̱a̱ꞌatio xota̱ xi ndyi̱fítji̱ngi kje̱ꞌe ne. ¡Jmí ni̱xtjin sa̱ꞌinkꞌasꞌièe̱n kjo̱a̱tjó ni xi nénájín! ¡Jmí ni̱xtjin sa̱ꞌinkaxoma an jaꞌeén!

Xo̱jo̱n Salmoo̱ 39:1

An bi̱ kixian an: Skóo̱n ni xi sa̱ꞌin an, tsi̱ꞌe̱ nga sa̱ꞌinjéjín an najén án, kokjo an ndso̱ꞌba án tji̱e̱nga xota̱ xi ꞌniú ndajiín ki̱a̱ síndo ngindyikón án.

Éksondo̱ 23:24

»Ka̱májín si̱ꞌantsjajnúu̱ kje̱ꞌe ne xi tjiín kui xotaa̱ na̱xi̱ńdaá. Ta̱sá ti̱ꞌankjatsónjnú ni xi ne tsoó kui xotaa̱ ko̱jo ṉchandikoón.

Éksondo̱ 23:32

»Ka̱májín ngo ni kꞌuíndajo̱jnú kui xotaa̱, ti̱nde ngata̱ boeꞌéndièjínjnúu̱ nga ki̱a̱ kꞌuíndojin ngasejnú, ngatꞌa̱ tsi ki̱a̱ kꞌuíndojinrajnú, kuí boá xi sa̱ꞌín nga jún si̱ꞌanjéjnú kondra̱ tsa̱ꞌa̱n. Ti̱nde ngata̱ niꞌantsjájínjnúu̱ ne xi tsi̱ꞌe̱, ngatꞌa̱ tsi bo̱a̱ si̱ꞌánjnú, ka̱ma ko̱yàjnú ki».

Xki̱ 32:38

Neboo̱, Baa̱l-Meoo̱n, ko̱jo Sibmaa̱. Tjín kuí na̱xi̱ńdáꞌniuú xi asíkjoo̱ jaꞌeén, kuí má xi kiniꞌándayaa̱.

Xota̱ Éfeso̱ 5:12

Ngatꞌa̱ ngaskande soboá má máná nga ndokjo̱a̱ kjo̱a̱a̱ ni ꞌma xi ndyi̱tsꞌèn.

Xota̱ Éfeso̱ 5:15

Tsitsíjen cha̱n cha̱njnúu̱ kótsꞌèn tińtja̱jnú, jmí tsi ku̱i̱ndyionjnú xikoó xota̱ xi makjínjiín ni xi tsi̱ꞌe̱ Néná, ta̱sá ti̱ndyiónjnú xikoó xota̱ xi kjínkón.

Ndeuteronomio̱ 4:15

»Ni̱xtjin kjiꞌanga Néná tsíchji̱a̱jojnú ki̱a̱ na̱xi̱ Oree̱b, ki̱a̱ ngi̱jii̱n ndiꞌií, jmí a̱si̱én kamáyàjínjnú. Kuíni nga ngata̱ niꞌándajínjnú a̱si̱én xí ne kꞌuínjnúu̱, tsi tsi̱ꞌe̱ xi xi̱ꞌin ko̱jo tsi tsi̱ꞌe̱ xi ínchjín, ko̱jo tsi tsi̱ꞌe̱ cho̱, ko̱jo tsi tsi̱ꞌe̱ cho̱ xi tjiín tsja̱nga̱, ko̱jo tsi tsi̱ꞌe̱ cho̱ xi ꞌbifé yojoo̱, ko̱jo tsi tsi̱ꞌe̱ tji̱o̱.

Ndeuteronomio̱ 4:23

Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Ndeuteronomio̱ 6:1

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,