Éksondo̱ 23:1 - Xo̱jo̱n eén Néná

¹ »Ngata̱ ꞌbíndisójínjnú, ti̱nde ngata̱ én ndisojín boeꞌéjnúu̱ xi ko̱siko̱jo xota̱ xi ndajín nga kꞌo̱ṉcha̱jo nendiꞌamasiee̱n.

Éksondo̱ 23:1 ပူးပေါင်းရင်းမြစ်များ

Jenesii̱s 39:17

Nga jachó Potifaa̱r ti̱ bi̱ ti̱ katsoó nga: «Kui moso̱ ebreo̱ xi jéꞌe̱je ji, kamámejeén nga kjojñájo̱ kjo̱a̱ꞌniúna.

Xo̱jo̱n Salmoo̱ 101:5

Sa̱ꞌinkjié kui xi én tsꞌéndataꞌin xota̱ xi xkjín, sa̱ꞌinchíkjo̱a̱jáa̱n kui xota̱ xi nkꞌa ngase, ko̱jo xi kjínkón ngase ka̱maa̱ yojoo̱.

Xo̱jo̱n Salmoo̱ 120:3

¡Achichí nga ndajín ka̱majnú jún xota̱ xi ndiso! ¡Néná ko̱tíjéjnú!

Xo̱jo̱n Salmoo̱ 15:3

kui xi jmí xota̱ chji̱a̱taꞌinjín, kui xi jmí ni xi ndajín tsꞌénjo̱jín xota̱ xkjín, ko̱jo xi tsꞌénꞌónjiín xota̱ xi ngasee̱,

Xo̱jo̱n Salmoo̱ 27:12

Ngata̱ boeꞌéndièjín ji nga kondra̱na ta̱ ni xi mejénrií sa̱ꞌínjo̱na. Ngatꞌa̱ chistiko̱ ndiso ko̱jo xota̱ xi tsꞌén ni xi ndajiín je jatjokjà kondra̱ tsa̱ꞌa̱n.

Xo̱jo̱n Salmoo̱ 35:11

Fostjíe̱n chistiko̱ xi ndajiín xi ndyi̱ꞌbindísótaꞌinna, kó ni xi nde bejín an bosíyána.

Éksondo̱ 20:16

»Ngata̱ chꞌójín tsꞌén ndokjo̱a̱taꞌínjnú ngo xota̱, ti̱nde ngata̱ ꞌbíndisotaꞌínjínjnú.

Éksondo̱ 23:7

»Ngata̱ fongitaꞌínjínjnú jé ngo xota̱ nga kꞌuindísójnú, ti̱nde ngata̱ niꞌánkꞌiénjínjnú ngo xota̱ xi jmí jéjiín ko̱jo xi kixi̱, ngatꞌa̱ an sa̱ꞌinjetakónjáa̱n xota̱ xi tjiín jé.

Énkjínkón 10:18

Xota̱ ndiso boá xi ꞌbíꞌmá nga tjín xí chꞌoo̱, kó xi tsꞌéntsójó kjo̱a̱ndisoo̱, xota̱ xi kitikjo̱a̱ boá.

Énkjínkón 12:17

Xota̱ xi kixi̱i̱, kjo̱a̱kixi̱ boá chji̱a̱, ta̱nga chistiko̱ ndisoo̱, kjo̱a̱ndiso boá xi chji̱a̱.

Énkjínkón 14:5

Chistiko̱ xi kixi̱i̱, ni xi ja̱koxi̱ boá xi chji̱a̱, ta̱nga chistiko̱ xi ndisoo̱, ni xi ndiso boá xi chji̱a̱.

Énkjínkón 17:4

Xota̱ xi ndajiín tsꞌensíjin ni xi chji̱a̱ xota̱ xi ndajiín, kó xota̱ xi ndisoo̱ tsꞌensíjin ni xi chji̱a̱ xota̱ xi ndisoo̱.

Énkjínkón 19:28

Chistiko̱ xi ꞌniú ndajiín, mojnókie kjo̱a̱kixi̱i̱, kó én xí chji̱a̱ xota̱ xi ꞌniú ndajiín ko̱óꞌmá ni xi ndajiín.

Énkjínkón 19:5

Chistiko̱ ndisoo̱, chjiéngá ka̱majeé, kó xota̱ xi éndísó chji̱a̱a̱, kjo̱tjongijiín yojoo̱.

Énkjínkón 19:9

Chistiko̱ ndisoo̱, chjiéngá ka̱majeé, kó xota̱ xi éndísó chji̱a̱a̱, si̱ꞌankꞌien.

Énkjínkón 21:28

Xi ntꞌieé chistiko̱ ndisoo̱, si̱ꞌankjie, ta̱nga xi ntꞌieé kjo̱a̱botíxoma xi ndaa̱, ngatsjéni̱xtjin kꞌuijñá.

Énkjínkón 24:28

Ngata̱ chistiko̱ ndisojín niꞌín ji yojòo̱, ti̱nde ngata̱ ꞌbíndisetaꞌinjín ji xota̱ xingi̱ ji.

Énkjínkón 25:18

Xota̱ xi chistiko̱ ndiso ka̱ma kondraa̱ xota̱ xkjín, kuí boá xi xikoó tsi ngo martiyo̱, ko̱jo tsi ngo kichiro̱, ko̱jo tsi ngo yáyojó ka̱ma.

Énkjínkón 25:23

Tjo̱ xi ndibání xtji̱e̱e̱n ta̱ꞌin, kuí boá xi foeꞌejo̱ stseé, kó xota̱ xi see̱n éndísoó, kui boá xi foeꞌejo̱ kjo̱a̱xti.

Énkjínkón 6:19

xota̱ xi chistiko̱ ndiso ma, ko̱jo xota̱ xi kjo̱a̱xti ꞌboxié ngi̱jii̱n xota̱ xkjín.

Lebitiko̱ 19:11

»Ngata̱ niꞌánchejéjínjnú. Ngata̱ ꞌbíndisójínjnú. Nga ja̱kꞌi̱e̱ ja̱ngajánjín chꞌíṉcha̱jojnú xingi̱jnú,

Lebitiko̱ 19:16

»Ngata̱ ényàjín niꞌánjnú, ta̱nga ni xi ja̱koxi̱ xí ndókjo̱a̱jnú, tsi tsi̱ꞌe̱ nga ko̱ꞌna̱xiéꞌá ngo xota̱. Án boá xi Nee̱ xota̱ Israee̱l.

Matioo̱ 19:18

Sꞌe̱ bi̱ katsó kui nda̱ xo̱ngo̱ò: –Ñá kjo̱a̱botíxoma. Kó Kjisoo̱, bi̱ katsoó: –Ka̱májín si̱ꞌinkꞌin ji xota̱, ka̱májín si̱ꞌintꞌée̱ kjo̱a̱ chjóo̱n, ka̱májín si̱ꞌinchejé, ka̱májín kꞌuindísétaꞌin ji ngo xota̱.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.

Rkaa̱ 3:14

Ti̱ bo̱a̱ ti̱ tsꞌén tjín jájún, xi bi̱ katsó nga asíyaá: –Kó ji̱n, mí ni xi si̱ꞌanjne̱. Kó Juaa̱, bi̱ katsoó: –Ngata̱ ta̱ꞌyajínni xi chjaꞌáxín kjo̱a̱ꞌniújnúu̱ ni xi tjiín, ti̱nde ngata̱ ꞌbíndisotaꞌínjínjnú xotaa̱, kó ngatamanijnú to̱n xi niꞌánjnú.

Juaa̱ 7:51

–A tsjandiè kjo̱a̱kitii̱ nga ka̱ma si̱ꞌanjée̱ ngo nda̱, tji̱e̱nga kji̱e̱ sakoséndi̱yàjínná mí ni xi katsꞌén.

Xota̱ Roma̱ 3:8

Ánní nga ka̱májín bi̱ kꞌuin: Si̱ꞌán ni xi ndajiín, tsi̱ꞌe̱ nga kji̱ndi̱bá ni xi ndaa̱. Kuí má ni xi̱ꞌbi̱ xi tsó chiboa xotaa̱, ja̱koxi̱ xò nga kuí xò nii̱ xi bokoyá ji̱n. Xi bo̱a̱ tsoó, ndakjíꞌí nga kasatíjeé.

Xota̱ Éfeso̱ 4:25

Kó kuíni nga ngiti̱ ꞌbíndisójínjnú, ta̱sá én xí ja̱koxi̱ xi ndókjo̱a̱jojnú xotaa̱, ngatꞌa̱ ngayeje ñá, ta̱ ngo tsí yojo ndokjo̱a̱.

Ndeuteronomio̱ 5:20

ti̱nde ngata̱ chꞌójín tsꞌén ndokjo̱a̱taꞌínjnú ngo xota̱, ti̱nde ngata̱ ꞌbíndisotaꞌínjínjnú,

2 Timoo̱ 3:3

Jmí kjo̱a̱tjó, ko̱jo jmí kjo̱a̱ni̱ma̱takón kꞌuiéjiín, ko̱jo ku̱i̱ꞌíndisotaꞌin xota̱ xi ngasee̱, ko̱jo ka̱májiín ku̱i̱ꞌíꞌniuú yojoo̱ nga ni xi ndajín sa̱ꞌín, ko̱jo tamá ka̱ma, ko̱jo kondra̱ ka̱maa̱ ngayeje ni xi ndaa̱.

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.

Ni xi akakoo̱ 12:10

Kó tsintꞌie an ngo nda̱ xi ꞌniú tsíchji̱a̱ ndiꞌakꞌajmii̱ xi bi̱ katsó: –Jè jeꞌe kjo̱a̱ꞌnaxiéꞌaá, ko̱jo ngaꞌniuú, ko̱jo kjo̱a̱botíxomaa̱ Néná, ko̱jo xaá Kristoo̱, ngatꞌa̱ jè ikiyotji̱ngii̱ kui xi tsꞌénbongítaꞌin ntsꞌié, kui xi nga ni̱xtjin ko̱jo nga ni̱xtji̱e̱n nga yíngítaꞌin ngindyi̱ko̱n Néná.