Éksondo̱ 22:31 - Xo̱jo̱n eén Néná

³¹ »Ngatsjéni̱xtjin ndaꞌyáꞌénjnúꞌun. »Ngata̱ chiniejínjnú yojo tꞌiuaá cho̱ xi je iskjinie cho̱ tamá xi tjín ngi̱jin kꞌijñaá. Kui yojoo̱, ńñaá te̱ꞌéjnúu̱.

Éksondo̱ 22:31 ပူးပေါင်းရင်းမြစ်များ

Lebitiko̱ 19:2

tsi̱ꞌe̱ nga tsja̱á kui eén xota̱ Israee̱l: «Án boá xi nee̱ xota̱ Israee̱l, kó bo̱a̱jín kón an xikoó ne xi ngasee̱. Kuíni nga jún, chjiéngá bo̱a̱jín kón ka̱majnú xikoó xota̱ na̱xi̱ńdá xí ngasee̱.

Lebitiko̱ 20:25

»Án boá xi Nee̱ xota̱ Israee̱l. Án boá xi indotꞌaxínjnúꞌun nínga síndo xota̱ na̱xi̱ńdá xí ngasee̱, tsi̱ꞌe̱ nga jún xi ka̱majnú xota̱ na̱xi̱ńdána. Kuíni nga jún chjiéngá xcha̱ cha̱n cha̱njnú ñá cho̱ xi tsjie ko̱jo xi tsjiejín, kó nga ka̱májín si̱ꞌanjo̱jnú cho̱ xi tsjiejín, tsi̱ꞌe̱ nga ko̱jo júnjín tsjiejín ka̱majnú. Chjiéngá xota̱ xi bo̱a̱jín kón ka̱majnú. Ngatꞌa̱ án boá xi Nee̱ xota̱ Israee̱l, kó bo̱a̱jín kón an, xikoó ne xi ngasee̱.

Lebitiko̱ 22:8

»Já chináꞌmii̱ ka̱májín skji̱ni̱e̱ yojoo̱ cho̱ xi jesón soboá, ko̱jo tsi tꞌiuaá yojoo̱ cho̱ xi cho̱ tamá katsꞌénkꞌién, tsi bo̱a̱ sa̱ꞌín, ngiti̱ tsjiejín ka̱ma. Án boá xi Nee̱ xota̱ Israee̱l.

Lebitiko̱ 7:24

Xinieé kui cho̱ xi cho̱ tamá katsꞌénxi̱ nga katsꞌénkꞌién, ka̱ma si̱ꞌankjiénjnú ta̱ xikótsꞌèn mejénjnú, ta̱nga ka̱májín xi̱ni̱e̱jnú.

Ni xi kamá 10:14

Ta̱nga Peé, bi̱ katsó: –Jmí Ndi̱a̱, kji̱e̱ ngo ndi̱yà kjíni̱e̱ an ngo ni xi ta̱xkiya ko̱jo ni xi ndándí.

Ni xi kamá 15:20

ta̱ ka̱ma ta̱ ngo tsi xo̱jo̱n si̱ꞌandàa̱ nínga kꞌuiyáa̱, tsi̱ꞌe̱ nga ku̱i̱ꞌíjñátꞌaxiín yojoo̱ ngayeje ni xi ndándí xi chji̱a̱ni ngo a̱sie̱én ngo ne xi tsꞌénda xotaa̱, kó nga sa̱ꞌínkamajo̱jín xi tondo̱, ko̱jo nga skji̱ni̱e̱jín yojoo̱ cho̱ xi niꞌánxíndo nga niꞌánkꞌién, ko̱jo yojo xi ndyi̱a̱a̱ jín.

Ndeuteronomio̱ 14:21

»Tsi ngo cho̱ ko̱yà soboá, ngata̱ chiniejínjnú yojoo̱, ngatꞌa̱ jún boá xi ngo xota̱ na̱xi̱ńdá xí jè tsi̱ꞌe̱ Néná, ngatꞌa̱ bo̱a̱ tsꞌén je atíxoma kui. Ta̱nga ka̱má ko̱e̱ꞌéjnúu̱ kui yojoo̱ xota̱ xi xín nangi xi síndo ngi̱jinjnú, ko̱jo tsi ko̱ti̱ñájnúu̱ ngo xota̱ xi xín nangi chji̱a̱ni xi jachó ngotjón ki̱a̱ nangi nínga tindyiónjnú. »Ti̱nde ka̱májín nga ki̱a̱ ngi̱jin ntsjeén na̱aa̱n ndí tindso̱ chichií si̱ꞌanchjánjinjnú.