Éksondo̱ 22:22 - Xo̱jo̱n eén Néná

²² »Ka̱májín ndajín si̱ꞌanjo̱jnú ínchjín kꞌán xi je kꞌien xi̱ꞌii̱n ko̱jo xota̱ xi xꞌi̱a̱n xi jmíjiín na̱ꞌmi ko̱jo na̱an.

Éksondo̱ 22:22 ပူးပေါင်းရင်းမြစ်များ

Joo̱b 31:16

»Ngatsjéni̱xtjin nga asiko̱jo an xota̱ ni̱ma̱a̱, jmíni̱xtjin índomasien an ínchjín kꞌán xi je jesón xi̱ꞌii̱n tsi̱ꞌe̱ nga jesón kjindiá,

Joo̱b 34:28

achichí nga ndajín katsꞌénjo̱ xota̱ ni̱ma̱a̱, nga ngaskande Néná tsintꞌieé nga ndyi̱kjandayà nga ko̱siko̱jo.

Xo̱jo̱n Salmoo̱ 10:14

Ta̱nga tiye jí, ngatꞌa̱ titsitsijìi̱n kjo̱a̱ni̱ma̱ ko̱jo ni xi ndajín xi kjimataꞌin, tsi̱ꞌe̱ nga ji ko̱e̱ꞌée̱ ni xi tsoboaá. Jí boá xi kjima ꞌniákoón xota̱ xi jmíjiín xi bosikójoo̱, jí boá xi ꞌnaxiéꞌé ji xota̱ xi xꞌi̱a̱a̱n.

Xo̱jo̱n Salmoo̱ 34:7

Ndítsjiee̱ Néná boá xi konda nga ngo foaꞌatjiyajoo̱n xota̱ xi bendikón Néná, kó ꞌboxiéꞌá, tsi̱ꞌe̱ nga jmí ni ka̱májiín.

Énkjínkón 22:23

ngatꞌa̱ Néná boá xi kꞌo̱xiéꞌá kjo̱a̱a̱ ni xi kjimataꞌin, kó kuí boá xi sa̱ꞌínkꞌién xota̱ xi kjo̱a̱ꞌáxiín ngayeje ni xi tjiín xota̱ ni̱ma̱a̱.

Énkjínkón 23:10

Ngata̱ niꞌíntíyéjíi̱n tsindió xchá xí tikoón xoꞌbáa̱, kó ngata̱ chiboa chjábétꞌejín ji xoꞌbaa̱ xota̱ xi xꞌi̱a̱a̱n.

Énkjínkón 23:11

Ngatꞌa̱ tikónrií ngo Néná xí tjiín ngaꞌniú, kó kuí boá xi kꞌo̱xiéꞌá, ko̱jo xi kondra̱ tse̱ kꞌuijñáni ngijee̱.

Matioo̱ 23:14

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱niꞌánkjiéjnú ndiꞌaa̱ ínchjín kꞌán xi je kꞌien xi̱ꞌii̱n, kó ti̱xꞌi̱a̱n achichí ndojó ndyi̱niꞌánjnú énjnú nga ndyi̱ndokjo̱a̱jnúu̱ Néná. Ta̱ngatꞌanii̱ kui nii̱ nga tsie ngase ka̱majéjnú.

Ndeuteronomio̱ 10:18

»Néná kixi̱ tsꞌénjo̱ xota̱ xi je kamáxꞌi̱a̱n, ko̱jo ínchjín kꞌán xi je kꞌien xi̱ꞌii̱n, kó bokó nga tjoó nga tsjaá ńjño xi boajá ko̱jo nga tsjaá nichinie xota̱ xi xín nangi chji̱a̱ni xi ki̱a̱ síndojinjnú.

Ndeuteronomio̱ 24:17

»Nda ti̱ꞌanjo̱jnú xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n. »Tsi tjín ni xi si̱ꞌankíyájnúu̱ ngo xota̱chjo̱on kꞌán xi je kꞌien xi̱ꞌii̱n, nga ńjñoo̱jín chjiáꞌajnúu̱ tsi̱ꞌe̱ nga kui nii̱ xi ku̱i̱ꞌíjñangini.

Ndeuteronomio̱ 24:18

»Ngata̱chiíjín niꞌánchíyájnú nga xota̱ moso̱ kamájnú jún ki̱a̱ nangi Ejipto̱, kó nga Nejnú boá xi tsꞌaxiéꞌájnú. Kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.