Éksondo̱ 21:6 - Xo̱jo̱n eén Néná

⁶ chjiéngá ngindyi̱ko̱n Néná kongínjo̱, kó ki̱a̱ chjáxꞌá tji̱bo̱a̱nijon. Kuí boá kui chi̱bo̱a̱a̱ xi ko̱kó nga kui mosoo̱ je tsi̱ꞌe̱ ndi̱a̱a̱ ka̱ma ngatsjéni̱xtjin.

Éksondo̱ 21:6 ပူးပေါင်းရင်းမြစ်များ

Xo̱jo̱n Salmoo̱ 82:1

Néná boá xi tikóntjoón kui ngi̱ndie nínga botíxoma xi tikón ki̱a̱ nkꞌajmii̱, kó ngamasiee̱n ngayeje ne xi ki̱a̱ síndoo̱, kuí boá xi tsꞌénjeé:

Éksondo̱ 12:12

»Kui ni̱xtji̱e̱e̱n an kjo̱a̱ꞌa an ngi̱jii̱n ngayeje nangi Ejiptoo̱, kó sa̱ꞌinkꞌién an ngayeje ndí xíꞌín xi tjoón nga ngo nga ngo xtín xota̱ Ejiptoo̱, ko̱jo cho̱ tjié xi tjiín nga. Án boá xi Nee̱ xota̱ Israee̱l, kó án boá xi tsjachjíi̱ ne xi tjín nangi Ejipto̱.

Éksondo̱ 21:22

»Tsi kjín já xí skja̱n xtín, kó tsi ngo na̱ xi yaꞌa ndí sa̱ꞌínꞌoón, kuí nii̱ xi ka̱ma si̱ꞌan: Tsi jmí ni kamájiín kui naa̱, ta̱nga tsi stse̱n xtió ndií, kó ko̱yà, kui xi bo̱a̱ katsꞌeén chjiéngá ku̱i̱ꞌíchjií xi̱ꞌii̱n kui naa̱ xikó kjiꞌi ku̱i̱ꞌa, ta̱nga chjiéngá nendiꞌamasiee̱n skósoón nga ndakjiꞌi chjí xí ku̱i̱ꞌaa̱.

Éksondo̱ 21:5

»Kó tsi kui mosoo̱, ngayeje kon nga bi̱ ka̱tso̱: “Mejénjínna kotíjña̱ ndé án, ngatꞌa̱ tjóna chjo̱onna, ko̱jo ndína, ko̱jo ndi̱a̱na”,

Éksondo̱ 21:7

»Tsi tjín xí ko̱tíñá ndí chjo̱ón nga moso̱ ka̱ma, chjiéngá ko̱ójinkon nga kui tsa̱kji̱ín ka̱májín sꞌi̱jñandé xikó niꞌánjo̱ ngo moso̱ xi stiñá xi xi̱ꞌin.

Éksondo̱ 22:28

»Ngata̱ chꞌójín tsꞌén ndokjo̱a̱taꞌínjnú nendiꞌamasiee̱n, ti̱nde ngata̱ chꞌójín ꞌmíjnúu̱ xota̱ xi botixómaá nangijnú.

Lebitiko̱ 25:23

»Ngojín xi ka̱ma ko̱tíñá kjin kjin ni xi tsi̱ꞌe̱ xkjín. Án boá xi tsa̱ꞌa̱n tꞌanangii̱. Jún boá xota̱ xi síndo ndiꞌana, kó ta̱ ngotjón tsí nga tindyiónjnú ki̱a̱a̱.

Lebitiko̱ 25:40

Kuí boá xi mosoo̱ ndi̱a̱a̱ ka̱ma, kó xá xí tsi̱ꞌe̱ ndi̱a̱a̱ boá xi sa̱ꞌín, kó ki̱a̱ kꞌuijñá ndiꞌaa̱, kó ngaskande tsí nga kjo̱chó noó kjo̱a̱ndeé nga ka̱ma sa̱ꞌínxájo̱.

Ndeuteronomio̱ 1:16

»Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌín, an nga tsangiyana, tsi̱ꞌe̱ nga an sa̱ꞌindajin an.

Ndeuteronomio̱ 15:16

»Tsi kui moso̱ xi chjo̱on ko̱jo tsi xi̱ꞌii̱n xi nda ka̱mataꞌin, kó tsi ta̱ngatꞌanii̱ nga tjoó ndi̱a̱a̱ ko̱jo xota̱ ndiꞌaa̱, ka̱mamejénjiín kꞌuijñá ndé, ndi̱a̱a̱ kui mosoo̱ ngo ti̱xa̱ ku̱i̱ꞌíjñaá tji̱bo̱a̱nijon, kó kui nii̱ xi ko̱kó nga kui mosoo̱ tsi chjo̱on ko̱jo tsi xi̱ꞌin jè kui ndi̱a̱a̱ chji̱a̱ni ngatsjéni̱xtjin.

Ndeuteronomio̱ 16:18

»Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.