Éksondo̱ 21:26 - Xo̱jo̱n eén Néná

^26-27 »Kó tsi tjín ndi̱a̱ xí sa̱ꞌínꞌoón ngo ndyi̱ko̱n mosoo̱ tsi xi chjo̱on ko̱jo tsi xi xi̱ꞌin, kó tsi ka̱mati̱ka̱, chjiéngá ku̱i̱ꞌíjñandé ta̱ngatꞌanii̱ ndyi̱ko̱n. Kó ti̱ kuii̱ kjo̱a̱kitii̱ si̱ꞌankjién tsi ngo ṉꞌni̱u̱ skjítꞌó.

Éksondo̱ 21:26 ပူးပေါင်းရင်းမြစ်များ

Xo̱jo̱n Salmoo̱ 10:14

Ta̱nga tiye jí, ngatꞌa̱ titsitsijìi̱n kjo̱a̱ni̱ma̱ ko̱jo ni xi ndajín xi kjimataꞌin, tsi̱ꞌe̱ nga ji ko̱e̱ꞌée̱ ni xi tsoboaá. Jí boá xi kjima ꞌniákoón xota̱ xi jmíjiín xi bosikójoo̱, jí boá xi ꞌnaxiéꞌé ji xota̱ xi xꞌi̱a̱a̱n.

Xo̱jo̱n Salmoo̱ 10:18

kó ꞌmijindeje̱ ji xota̱ xi síndo xꞌi̱a̱a̱n, ko̱jo xota̱ xi ndajín kjimataꞌii̱n, tsi̱ꞌe̱ nga ingojín xota̱ nga̱sondiee̱ xi sa̱ꞌiín ni xi ꞌniú ndajín kje̱ꞌe xota̱.

Xo̱jo̱n Salmoo̱ 9:12

Ngatꞌa̱ kui xi tsꞌéngojo nga niꞌánkjiesón xota̱ xi jmí jéjiín, jè jaꞌátsjiee̱n kui, kó kji̱e̱ chíyájiín nga ni̱ma̱ ndyi̱tsó xota̱ xi ndyi̱foaꞌatio kjo̱a̱ni̱ma̱a̱.

Éksondo̱ 21:20

»Tsi tjín xí ngo yá ko̱ꞌon moso̱ xi stiñaá tsi chjo̱on ko̱jo tsi xi̱ꞌin, kó tsi ti̱ kjiꞌaa̱ kꞌien, chjiéngá ka̱majeé kjo̱a̱a̱ kui ini̱ma̱ xi katsꞌénkꞌieén.

Éksondo̱ 21:24

tsi ngo ndyi̱ko̱n kꞌo̱xié, ti̱ chjiéngá ngo tsi̱ꞌe̱ ko̱ꞌna̱xié nga, kó tsi ngo ṉꞌni̱u̱ skjítꞌó, ti̱ chjiéngá ngo tsi̱ꞌe̱ chjátꞌó nga. Tsi ngo tsja skjítꞌó, ti̱ ngo chjátꞌó tsi̱ꞌe̱ nga, ko̱jo tsi ngo se skjítꞌó, ti̱ ngo chjátꞌó tsi̱ꞌe̱ nga,

Éksondo̱ 21:25

ko̱jo tsi ngo ndiè yojoo̱ tjín xí sa̱ꞌínchjaán, ti̱ ngo ndiè yojoo̱ kui xi bo̱a̱ katsꞌeén si̱ꞌanchjaán nga, tsi ngo ndiè yojoo̱ sa̱ꞌínꞌoón, ti̱ ngo ndiè yojoo̱ xi bo̱a̱ katsꞌeén si̱ꞌanꞌoo̱n nga, kó tsi ngo tji̱ngo̱ ku̱i̱e̱ꞌeé, ti̱ ngo tji̱ngo̱ kꞌuieé ndatsi kui nga.

Xota̱ Éfeso̱ 6:9

Kó jún xi ndi̱a̱jnú, jè yàjnú nga ta̱ ngo tsí má Ndi̱a̱ xi tikón ndiꞌakꞌajmii̱ xi botixómájnú jún, ko̱jo moso̱ xi kastiñaá, kó Ndi̱a̱ná skjánjín tsꞌénjo̱ xota̱a̱, kuíni nga bo̱a̱ ti̱ ti̱ꞌanjo̱jnú moso̱jnú kó ngata̱ mindyiandikónjínjnúu̱.

Xota̱ Kolosa̱ 4:1

Jún xi ndi̱a̱jnú, ta̱ són ngatamajnú ko̱jo ni xi kixi̱ ti̱ꞌanjo̱jnú moso̱jnú, ngatjaꞌátsjienjnú nga jún ti̱ tikónjnú ngo Ndi̱a̱ ndiꞌakꞌajmi jàn nga.