Éksondo̱ 21:2 - Xo̱jo̱n eén Néná

² «Kjiꞌanga ngo moso̱ xi stiñá xi nda̱ Israee̱l si̱ꞌantsiéjnú, ta̱ jun tsí nó nga si̱ꞌánjnúu̱ kjo̱a̱ꞌniú nga sa̱ꞌínxájo̱jnú, ta̱nga xi ma yito noó, kꞌuijñándéjnú, kó jmí ni ku̱i̱ꞌíchjíjín tsi̱ꞌe̱ nga sꞌi̱jñandé.

Éksondo̱ 21:2 ပူးပေါင်းရင်းမြစ်များ

Jenesii̱s 27:28

¡Néná ngatsjaá tsie stsé, kó ngatsjaá ngo tꞌanangi xi nda! ¡Nga tsjaá nga kꞌuieé tsie to ndso̱ko̱a̱n ṉño̱pan, ko̱jo nga kꞌuieé tsie bino̱!

Jenesii̱s 27:36

Kó Esauu̱ bi̱ katsó: —¡Kuíni nga Jakoo̱b ꞌmíni, ngatꞌa̱ nda̱ maña̱ boá! ¡Jè jó ndi̱yànií nga ꞌboṉcha̱jona! Nga tjón tjón iskjíbé kui kjo̱a̱nda xi tsoboána nga ndí tjón an, kósꞌe̱ ngotꞌe̱ ꞌne̱ iskjíbé kjo̱a̱niꞌánchikonñéna nga. Kó a ka̱májín si̱ꞌinchikonñíní ndatsa an nga.

Éksondo̱ 21:3

»Tsi jachó soboá kjiꞌanga kitsꞌítsié, kjo̱tjo soboá, tsi tjiín chjo̱on nga jachó, ko̱jo chjo̱ón chjiéngá kjo̱tjojo̱.

Éksondo̱ 21:7

»Tsi tjín xí ko̱tíñá ndí chjo̱ón nga moso̱ ka̱ma, chjiéngá ko̱ójinkon nga kui tsa̱kji̱ín ka̱májín sꞌi̱jñandé xikó niꞌánjo̱ ngo moso̱ xi stiñá xi xi̱ꞌin.

Lebitiko̱ 25:54

»Tsi kui nda̱ Israee̱l xi atíñá yojoo̱ nga moso̱ kamá, kó tsi bo̱a̱jín tsꞌén sꞌi̱jñandé, chjiéngá kjiꞌa kꞌuijñándé kjiꞌanga kjo̱chó noó kjo̱a̱ndeé, kó ti̱ bo̱a̱ ka̱maa̱ ndií nga.

Matioo̱ 18:25

Kó kui mosoo̱ jmíjín kamaá to̱n xi ku̱i̱ꞌíchjínií, sꞌe̱ nda̱ ree̱ katsjákjo̱a̱ tsi̱ꞌe̱ nga sti̱iñá kui mosoo̱, ko̱jo chjo̱ón, ko̱jo ndií, ko̱jo ngayeje ni xi tjiín, tsi̱ꞌe̱ nga ku̱i̱ꞌíchjí ngayeje to̱n xi tjitjieén.

1 Xota̱ Korinto̱ 6:20

Ngatꞌa̱ Néná je tsꞌatsiejnú nga katsjá ngo chjí, kó kuíni nga ti̱ꞌankjiénjnú yojojnú tsi̱ꞌe̱ nga ko̱e̱ꞌéjnúu̱ kjo̱a̱je Néná.

Ndeuteronomio̱ 15:1

Moisee̱ bi̱ katsó ngasee̱ xota̱ na̱xi̱ńdaá: «Xki̱ yito nó, chjiéngá si̱ꞌanjetakónjnúu̱ xota̱ xi tjitjieén tsa̱jún. Tsi ngo ni kiniꞌánkíyájnúu̱ ngo xota̱ Israee̱l, ka̱májín chje̱ꞌéchjíjnúu̱ nga ku̱i̱ꞌíchjíjnú kui ni xi tjitjieén. Néná boá xi je atíxoma nga kui noó, chjiéngá si̱ꞌanjetakoón ngayeje xi tjitjieén tsa̱ñá. Tsi si̱ꞌankjatjosónjnú kui kjo̱a̱botíxomaa̱ Néná, sa̱ꞌínchikonñé tꞌanangi xi je katsjájnú, kó jmíni̱xtjin kꞌuié xota̱ ni̱ma̱ ki̱a̱ Israee̱l. Ka̱má chje̱ꞌéchjíjnúu̱ xota̱ xi xín nangi xi síndo ki̱a̱ na̱xi̱ńdáꞌniuú, ta̱nga ka̱májín chje̱ꞌéchjíjnúu̱ xota̱ Israee̱l xi ntsꞌiejnú. »Kjiꞌa ngije ki̱a̱ tindyiónjnú na̱xi̱ńdá xi Néná tsja̱ajnú,

Ndeuteronomio̱ 15:18

»Ngata̱ niꞌánxchánjínjnú kjiꞌanga je kꞌuijñándéjnú moso̱jnú. Jé jun nó katsꞌénxájo̱jnú, kó jún ngayeje kui ni̱xtjii̱n, ta̱ masien tsí to̱n xi tsꞌén ngo moso̱ xi nda xi ikꞌíchjíjnúu̱, Ti̱ꞌankjatjosónjnú kui nii̱, kó Néná sa̱ꞌínchikonñé ngayeje ni xi si̱ꞌánjnú.

Ndeuteronomio̱ 31:10

Sꞌe̱ jaskan katsjaá kui kjo̱a̱botíxomaa̱: «Xki̱ yito nó, chjiéngá si̱ꞌan sꞌueé nó kjiꞌanga si̱ꞌanjetakoón xota̱ xi tjitjieén. Kjiꞌanga kjo̱chó kui noó, kó nga je síndotikó ngayeje xota̱ Israee̱l ki̱a̱ ndiꞌandikoón Néná tsi̱ꞌe̱ nga sa̱ꞌín sꞌueé ndiꞌańkꞌieén, ki̱a̱ si̱ꞌanya kui kjo̱a̱bokoyaá.