Éksondo̱ 21:1 - Xo̱jo̱n eén Néná

¹ Kó Néná ti̱ atíxomaa̱ Moisee̱ tsi̱ꞌe̱ nga tsja̱á xota̱ Israee̱l kui kjo̱a̱kitii̱ nga:

Éksondo̱ 21:1 ပူးပေါင်းရင်းမြစ်များ

Xo̱jo̱n Salmoo̱ 147:19

Néná boá xi akoó xota̱ Israee̱l kjo̱a̱botíxomaa̱ ko̱jo kjo̱a̱bokoyaá.

Éksondo̱ 19:7

Kó Moisee̱ ítikó ngito̱ko̱o̱ xota̱ na̱xi̱ńdaá, kó katsóyaà ngayeje ni xi katsoó Néná nga sa̱ꞌín.

Lebitiko̱ 20:22

»Tsi si̱ꞌankjatjosónjnú kjo̱a̱botíxomana, jmíni̱xtjin kongatji̱ngijnúꞌun ki̱a̱ tꞌanangi xi an tsjajnúꞌun xi na̱xi̱ńdájnú ka̱ma.

Xki̱ 35:24

»Kuí bí kui nii̱ xi si̱ꞌanjo̱ xota̱ xi chjiénjín nga si̱ꞌankꞌienni:

Xki̱ 36:13

Kuí bí kui kjo̱a̱botíxomaa̱ xi Néná katsjaá xota̱ Israee̱l nga tsíchji̱a̱jo Moisee̱, nga kisꞌińdo ki̱a̱ nangi soón nangii̱ xota̱ tji̱e̱e̱ Moaa̱b, ki̱a̱ tꞌa ndejèꞌ Jorndaa̱n, kje̱n na̱xi̱ńdáꞌniú Jerikoo̱.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Ndeuteronomio̱ 15:12

»Tsi ngo xota̱ Israee̱l, tsi chjo̱on tsí xi̱ꞌin, xi ti̱ kuii̱ ko̱tíñá yojoo̱ xikoó ngo moso̱, ka̱májín si̱ꞌaa̱n kjo̱a̱ꞌniú tsi̱ꞌe̱ nga tsꞌatio jun nó sa̱ꞌínxá. Nga kjo̱chó xi ma yito noó, chjiéngá kꞌuijñándé. Kó tsi tjín xota̱ xi tsꞌatsie ngo moso̱, chjiéngá tsja̱á chiboaá kjo̱a̱niꞌánchikonñé xi Néná katsjaá. Tsi̱ꞌe̱ nga jmí tsi sa̱ꞌínkjítiya nga ko̱e̱je̱, chjiéngá tsja̱á chiboa cho̱yojo, ko̱jo to ndso̱ko̱a̱n ṉño̱pan, ko̱jo bino̱ xi tjiín.

Ndeuteronomio̱ 4:14

Sꞌe̱ jaskan atíxomana tsi̱ꞌe̱ nga an kokoyájnúꞌun kjo̱a̱botíxoma xi chjiéngá si̱ꞌankjatjosónjnú jún nga ku̱i̱ndyionjnú kui tꞌanangi xi je si̱ꞌankꞌasꞌienjnú.

Ndeuteronomio̱ 4:5

»Néná boá xi je katsjákjo̱a̱na nga kokoyájnúꞌun ngayeje kjo̱a̱botíxomaa̱, tsi̱ꞌe̱ nga ko̱nda̱ꞌyáꞌénjnú ki̱a̱ nangi nínga ku̱i̱ndyionjnú. Kó bo̱a̱ tsꞌén kjiꞌanga xota̱ na̱xi̱ńdá xí ngasee̱ ku̱i̱ntꞌiè kuí kjo̱a̱botíxomaa̱, bo̱a̱ ka̱tso̱ nga jún boá ngo xtín xota̱ na̱xi̱ńdá xí je, xi chji̱ni̱e̱, ko̱jo xi tjiín kjo̱a̱kjíntakón, ngatꞌa̱ tjínjnú ngo kjo̱a̱bokoyá xi nda, kó májnú ndaꞌyáꞌénjnúu̱ kui kjo̱a̱bokoyaá.

Ndeuteronomio̱ 4:8

Ti̱nde jmíjín ngo na̱xi̱ńdá xi tjiín kjo̱a̱botíxoma xi kixi̱, xikoó xi jún je kiniꞌánkꞌasꞌienjnú.

Ndeuteronomio̱ 5:1

Moisee̱ ítikó ngayeje xota̱ na̱xi̱ńdá Israee̱l, kó bi̱ katsoó: «Jún xota̱ Israee̱l tasiénijónjnúꞌun ngotjón, ngatꞌa̱ kꞌi̱e̱ tsjajnúꞌun kjo̱a̱kiti ko̱jo kjo̱a̱botíxoma xi chjiéngá nda ka̱majnú ko̱jo xi chjiéngá si̱ꞌankjatjosónjnú xikó tsó.

Ndeuteronomio̱ 5:31

ta̱nga ji ndibé nginí, kó kꞌi̱e̱ nijan ti̱ndyi̱nje̱ní. Án boá xi sa̱ꞌinkꞌasꞌiee̱n kjo̱a̱botíxoma xi chjiéngá ko̱ko̱yée̱, tsi̱ꞌe̱ nga ngayejee̱ nga sa̱ꞌínkjatjosón nga kꞌuíndo ngi̱ndie nínga tsjàa̱”.

Ndeuteronomio̱ 6:1

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú.

Ndeuteronomio̱ 6:20

»Nga kjo̱chó ni̱xtjin kjiꞌanga ko̱síyájnú ndíjnú mí ni xi mejeén tsó ngayeje kui kjo̱a̱bokoyá xi katsjáná Néná,

1 Xota̱ Tesalónika̱ 4:1

Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.