Éksondo̱ 20:3 - Xo̱jo̱n eén Néná

³ »Ngata̱ ꞌbejínjnú kje̱ꞌe Ne tsi ánjín.

Éksondo̱ 20:3 ပူးပေါင်းရင်းမြစ်များ

Xo̱jo̱n Salmoo̱ 29:2

Te̱ꞌéjnúu̱ Néná kjo̱a̱je xi tsoboaá kjo̱a̱a̱ jaꞌeén, ti̱ꞌantsjàjnúu̱ Néná kjo̱a̱a̱ kjo̱a̱tsjakjiꞌii̱ tsjie xi tjiín.

Xo̱jo̱n Salmoo̱ 73:25

¡ꞌYá xí tikónna ki̱a̱ nkꞌajmii̱, ja̱ ta̱ jí tsí! Kó tsi ki̱a̱ tikóntꞌaa̱ ji, jmí nii̱ kui nga̱sondiee̱ mejénjínna.

Xo̱jo̱n Salmoo̱ 81:10

Án boá xi Nejnú má an, án boá xi tsꞌaxiéjnúꞌun ki̱a̱ nangi Ejipto̱. ¡Chjáxꞌájnú ndso̱ꞌbájnú, kó an tsjajnúꞌun ni xi xi̱ni̱e̱jnú!

Xo̱jo̱n Salmoo̱ 81:9

Kꞌuiéjiín ne xi kje̱ꞌe, ti̱nde ko̱si̱e̱ntꞌajínjnúu̱ tikójnú ne xi nde yajín.

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Éksondo̱ 20:23

»Ngata̱ niꞌándajínjnú ne xi to̱ntiboa ko̱jo ne xi to̱nsinié, tsi̱ꞌe̱ nga kui nii̱ xi si̱ꞌandikónjnú ngindiee̱ nga an xi si̱ꞌandikónjnúꞌun.

Éksondo̱ 22:19

»Ta̱ꞌya xota̱ní xi chꞌo sa̱ꞌínjo̱ kjo̱a̱ꞌniú ngo cho̱, chjiéngá ko̱yà.

Éksondo̱ 23:24

»Ka̱májín si̱ꞌantsjajnúu̱ kje̱ꞌe ne xi tjiín kui xotaa̱ na̱xi̱ńdaá. Ta̱sá ti̱ꞌankjatsónjnú ni xi ne tsoó kui xotaa̱ ko̱jo ṉchandikoón.

Éksondo̱ 34:14

»Ngata̱ niꞌándikónjínjnú kje̱ꞌe ne, ngatꞌa̱ an boá ngo Ne xi achichí chi̱ni̱.

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

1 Xota̱ Korinto̱ 8:4

Kjo̱a̱a̱ nichinie xi niꞌánkꞌasꞌiee̱n a̱sie̱én ngo ne xi tsꞌénda xotaa̱, jè ya nga kui nee̱, jmí ni chjíjiín kui nga̱sondiee̱, kó ti̱ jè ya nga ta̱ ngo tsí má Néná.

1 Xota̱ Korinto̱ 8:6

Ta̱nga ñá jè ya nga ta̱ ngo tsí má Néná xí tikón, xi Na̱ꞌmii̱, xi katsꞌénda ngayeje ni xi tjiín, kó kuí tsi̱ꞌe̱ ñá, kó ta̱ ngo tsí má Ndi̱a̱ná, kui xi Jesukristoo̱, kó ta̱ngatꞌanii̱ kui nga Néná katsꞌénda ngayeje nii̱, kó ta̱ngatꞌanii̱ Jesukristoo̱ nga tindyión ñá.

Xota̱ Éfeso̱ 5:5

Ngatꞌa̱ chjiéngá xcha̱jnú kui nii̱: Nga ja̱koxi̱ boá nga kui xota̱ xi ndyi̱tsꞌèn kjo̱a̱tondo̱, ko̱jo xi ni xi ndándí ndyi̱tsꞌèn, ko̱jo xi xki̱ꞌá xi tjimátji̱ngi kje̱ꞌe ne xi Nénájín, nga ngayeje kui xotaa̱ sa̱kójiín nga Kristoo̱ ko̱jo nga Néná xí ko̱tíxomaa̱.

Ndeuteronomio̱ 5:7

Ngata̱ ꞌbejínjnú kje̱ꞌe Ne tsi ánjín.

Ndeuteronomio̱ 6:14

»Nga jmíni̱xtjin ꞌbíjñámasiénjnú Nejnú, ta̱ngatꞌanii̱ nga si̱ꞌandikónjnú kje̱ꞌe ne xí tjiín na̱xi̱ńdá xí síndotꞌajnú.

Ndeuteronomio̱ 6:5

Ti̱ꞌintjé ji Nèe̱ ngayeje ini̱ma̱a̱, ngayeje kjo̱a̱mindyiòo̱n, ko̱jo ngayeje ngaꞌniúu̱.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.

Ni xi akakoo̱ 22:9

Ta̱nga kui bi̱ katsóna: –Jmí ngata̱ bo̱a̱jín niꞌín, ngatꞌa̱ ti̱ mosoo̱ Néná boá an nga xikoó jí, ko̱jo já ntsꞌie xi já chji̱ni̱e̱ꞌe̱én, ko̱jo xikoó ngayeje xota̱ xi tsꞌenseén ni xi kjitꞌa kui xo̱jo̱o̱n. ¡Néná boá xi ti̱ꞌindikín jí!