Éksondo̱ 20:2 - Xo̱jo̱n eén Néná

² «Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 20:2 ပူးပေါင်းရင်းမြစ်များ

Xo̱jo̱n Salmoo̱ 50:7

Ti̱ kuíní Néná xi bi̱ katsó: «Tasiénijónjnúꞌun jún xota̱ na̱xi̱ńdána Israee̱l, ndaꞌyájnú, ngatꞌa̱ án boá xi kongítaꞌínjnúꞌun jún, án boá xi Néná, kui xi Nejnú.

Xo̱jo̱n Salmoo̱ 81:10

Án boá xi Nejnú má an, án boá xi tsꞌaxiéjnúꞌun ki̱a̱ nangi Ejipto̱. ¡Chjáxꞌájnú ndso̱ꞌbájnú, kó an tsjajnúꞌun ni xi xi̱ni̱e̱jnú!

Xo̱jo̱n Salmoo̱ 81:11

»Ta̱nga xota̱ na̱xi̱ńdána tsintꞌiéjiín nda̱na, kó xota̱ Israee̱l, ngiti̱ kamámejénjiín an.

Xo̱jo̱n Salmoo̱ 81:7

Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Éksondo̱ 15:26

Kó bi̱ katsoó: «Án boá xi Nejnú. Án boá xi tsꞌendayajnúꞌun. Tsi jún nda ko̱si̱e̱nnijónjnúꞌun, kó tsi si̱ꞌankjatjosónjnúꞌun kui kjo̱a̱botíxomaa̱ ko̱jo kui kjo̱a̱kiti xi tsꞌéntsjájnúꞌun ngotꞌe̱, kó tsi ta̱soboá ni xi ndaa̱ xi si̱ꞌánjnú, sa̱ꞌinjéjínjnúꞌun xikó katsꞌenjo̱ an xota̱ Ejiptoo̱».

Éksondo̱ 20:1

Kó Néná bi̱ katsoó xota̱ Israee̱l nga tsíchji̱a̱jo:

Éksondo̱ 29:46

Kó bo̱a̱ tsꞌén nga sku̱i̱e̱ kui xotaa̱ nga án boá xi Nee̱ an, kó nga án boá xi tsꞌaxié an nangi Ejipto̱.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Lebitiko̱ 25:38

Án boá xi tsꞌaxiéjnúꞌun nangi Ejipto̱ tsi̱ꞌe̱ nga katsjajnúꞌun nangi Kanaa̱n, kó ko̱jo tsi̱ꞌe̱ nga an xi kamá an Nejnú. Án boá xi Nee̱ xota̱ Israee̱l.

Lebitiko̱ 25:42

Án tsa̱ꞌa̱n xota̱ Israee̱l. Ka̱májín moso̱ xi stiñá ka̱ma, ngatꞌa̱ jè moso̱ kamá ki̱a̱ nangi Ejipto̱, kó án boá xi je katsꞌendé án.

Lebitiko̱ 25:55

Xota̱ tsa̱ꞌa̱n boá jún, ngatꞌa̱ án boá xi tsꞌaxiéjnúꞌun nangi Ejipto̱. Án boá xi Nee̱ xota̱ Israee̱l.

Lebitiko̱ 26:1

»Ngata̱ niꞌándajínjnú ngayeje to̱ko̱ya ni xi ne kꞌuínjnúu̱, ti̱nde ngata̱ niꞌándikónjínjnú, ngatꞌa̱ án boá xi Nejnú an.

Lebitiko̱ 26:13

Án boá xi Nee̱ xota̱ Israee̱l. Án boá xi tsꞌaxiéjnúꞌun nangi Ejipto̱, kó án boá xi katsꞌendéjnúꞌun. Chjiéngá tsja ngatamajnú kui nii̱, ngatꞌa̱ nginijánjín moso̱ xi stiñá ka̱má nginíjnú.

Xota̱ Roma̱ 10:12

Ngatꞌa̱ Néná jmí ndasénjiín tsi xota̱ jundío̱ ko̱jo tsi xota̱ xi jundío̱jín, ngatꞌa̱ Néná kuí boá xi Ndi̱a̱a̱ ngayeje xota̱, kó achichí ndaxota̱ tsꞌénjo̱ ngayeje xota̱ xi sa̱ꞌínkaxoma jaꞌeén.

Xota̱ Roma̱ 3:29

Kó Néná ata̱ Nee̱ xota̱ jundío̱ tsí. A mí tsí ko̱jo Nee̱ xota̱ na̱xi̱ńdá xí ngasee̱ boá nga. Bo̱a̱ kjíꞌí, ko̱jo Ne tsi̱ꞌe̱ xota̱ na̱xi̱ńdá xí ngasee̱ boá nga.

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 20:1

Moisee̱ bi̱ katsó ngasee̱ xota̱ na̱xi̱ńdaá: «Kjiꞌanga kongínjnú kjo̱a̱xchán, ngata̱ ndakonjínmájnú. Ndatsi kondra̱jnú ꞌniú ngase ko̱jo tsi kjín ngase ma, ko̱jo tsi kjín ndi̱je̱, ko̱jo karroo̱ kjo̱a̱xchán tjiín, jmí ndasénjín, ngatꞌa̱ ñá tikónná ngo Néná xi katsꞌéndéná ki̱a̱ nangi Ejipto̱.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Ndeuteronomio̱ 7:8

Tsi Néná jè katsꞌéndéjnú nga moso̱ kamájnú ki̱a̱ nangi Ejipto̱, kjo̱a̱a̱ nga tjórií jún. Katsꞌénkjién ngaꞌniú jee̱ nga katsꞌeén nda̱ ree̱ nangi Ejipto̱, kó bo̱a̱ tsꞌén katsꞌénkjatjosón ni xi katsóyàtjoón xota̱ xi xcháná.