Éksondo̱ 20:17 - Xo̱jo̱n eén Néná

¹⁷ »Ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín».

Éksondo̱ 20:17 ပူးပေါင်းရင်းမြစ်များ

Jenesii̱s 14:23

nga ngojín ni tse̱ skjíbé án, nde ngo ńchjón, ti̱nde ngo ńꞌniuú tji̱xíndié xí tse̱ skjíbéjín an, tsi̱ꞌe̱ nga án xí katsꞌencho̱n an Abra̱n séjín ji,

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Jenesii̱s 34:23

¡Ko̱e̱ꞌéndièe̱ nga kꞌi̱e̱ ngatꞌíndojinná! ¡Kó bo̱a̱ tsꞌén ngayeje cho̱ ko̱jo kjo̱a̱cho̱n xi tjiín tsa̱ñá ka̱ma!

Joo̱b 31:1

»Jè bo̱a̱ kixiáa̱n ndyikón an nga chꞌójín tsꞌén skotsíjee̱n ínchjín xo̱ngo̱ò.

Joo̱b 31:9

»Tsi an xi askoyáa̱ nga kjo̱tjoni ndiꞌaa̱ nda̱ xi tikóntꞌa ndiꞌana tsi̱ꞌe̱ nga an kjojñajo̱ an chjo̱ón,

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 119:36

Ti̱ꞌin ji nga ta̱ ée̱n tsí xi sa̱ꞌinkjó án, kó jmí tsi to̱n xi niꞌán xi ndajín sakóná.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Énkjínkón 6:29

Ja̱ ti̱ bo̱a̱ ti̱ tsꞌén kui nda̱ xi kjojñájo̱ chjo̱on kje̱ꞌe nda̱, chjiéngá sa̱tíjeé.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Matioo̱ 20:15

A jmíjínna kjo̱a̱nda nga ta̱ ni xi mejénna sa̱ꞌìi̱n ni xi tjínna. Axa̱ a kjimaꞌonkon ji kjo̱a̱a̱ nga nda an xota̱.»

Matioo̱ 5:28

Ta̱nga xiyàjnúꞌun nga tsi ngo nda̱ xi skotsíjee̱n ngo chjo̱on tsi̱ꞌe̱ nga sa̱ꞌínmején, nga bo̱a̱ sa̱ꞌín, jè katsꞌéntꞌaa̱ kjo̱a̱ chjo̱ón ngi̱jin ini̱ma̱a̱.

Rkaa̱ 12:15

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Ni xi kamá 20:33

Jmí to̱ntiboa, ti̱nde jmí to̱nsinié, ti̱nde jmí ńjñoo̱ xotaa̱ kamámejénjínna,

Ni xi kamá 5:4

A tse̱jín kamá kui xoꞌbaa̱. Kó ngije akatíñí, a tse̱jín kamá kui to̱o̱n. Ánní nga bo̱a̱ kjiꞌi ni xi ikꞌíjñijin ini̱màa̱. Ngatꞌa̱ jmí tsi xota̱ xi ikꞌíndiseje̱, Néná boá xi kichꞌíṉche̱je.

Xota̱ Roma̱ 13:9

Ngatꞌa̱ bi̱ tsó kjo̱a̱kitii̱ Néná: “Ngata̱ niꞌíntꞌejíi̱n kjo̱a̱ chjóo̱n ko̱jo tsi xi̱ꞌíi̱n, ngata̱ xota̱jín niꞌínkꞌín ji, ngata̱ niꞌínchejéjín ji, ngata̱ ꞌbíndisejín ji, ngata̱ niꞌínmejénjín ji ni xi tjiín kje̱ꞌe xota̱”, kó tikón ngo kjo̱a̱botíxoma xi tsi si̱ꞌinkjatjosén ji, jè tiniꞌínkjatjosén xi ngasee̱ nga, kó kuí bí xi̱ꞌbi̱: “Tjó ti̱ꞌin xotaa̱ xikó má tsꞌén tjoó yojòo̱.”

Xota̱ Roma̱ 7:7

Mí xí kꞌuín tsobo̱a̱. Kjo̱a̱kitii̱ a jé boá. ¡Jmí! Ta̱nga tsi ta̱ngatꞌajiín kjo̱a̱kitii̱ kamábejín an jeé, ti̱nde kamábejín an kjo̱a̱ndikonkoón ngo ni, tsi bi̱jín tsó kjo̱a̱kitii̱: “Ngata̱ niꞌínmejénjín ji ni xi tse̱jín.”

1 Xota̱ Korinto̱ 6:10

ko̱jo xota̱ xi chejé, xota̱ xi xki̱ꞌá ni, xota̱ xi chꞌi̱, xota̱ xi chꞌo a ko̱jo xota̱ xi ꞌboṉcha̱jo xotaa̱ sꞌe̱ foaꞌáxiín to̱o̱n, ngayeje xota̱ xi bo̱a̱ ndyi̱tsꞌe̱én sa̱kójiín nga Néná xí ko̱tíxomaa̱.

Xota̱ Éfeso̱ 5:3

Ta̱nga kjo̱a̱tondo̱, ko̱jo ngayeje ni xi ndándí, ko̱jo kjo̱a̱xki̱ꞌá, nde chjiénjín nga ko̱ndókjo̱a̱ kjo̱a̱a̱ kui nii̱ ngi̱jinjnú, ngatꞌa̱ kui nii̱ jmí tsi tsi̱ꞌe̱ xota̱ xi tsjiee̱ Néná.

Xota̱ Éfeso̱ 5:5

Ngatꞌa̱ chjiéngá xcha̱jnú kui nii̱: Nga ja̱koxi̱ boá nga kui xota̱ xi ndyi̱tsꞌèn kjo̱a̱tondo̱, ko̱jo xi ni xi ndándí ndyi̱tsꞌèn, ko̱jo xi xki̱ꞌá xi tjimátji̱ngi kje̱ꞌe ne xi Nénájín, nga ngayeje kui xotaa̱ sa̱kójiín nga Kristoo̱ ko̱jo nga Néná xí ko̱tíxomaa̱.

Ndeuteronomio̱ 5:21

ti̱nde ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín.

Ndeuteronomio̱ 7:25

»Ngije kiniꞌánjnúu̱ nga ikixkánjo̱jnú kui xota̱ na̱xi̱ńdaá, chjiéngá kꞌuitíjnú a̱sie̱én ni xi ne ndyi̱tsoó. Kó bo̱a̱ tsꞌén nga jún ka̱májín ka̱maxke̱jnú ni to̱nsinié ko̱jo ni to̱ntiboa xi kjijon kui nii̱. Tsjájín maá Néná kuí nii̱.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.