Éksondo̱ 20:13 - Xo̱jo̱n eén Néná

¹³ »Ngata̱ xota̱jín niꞌánkꞌiénjnú.

Éksondo̱ 20:13 ပူးပေါင်းရင်းမြစ်များ

Éksondo̱ 21:12

»Tsi ngo xota̱ sa̱ꞌínꞌoón kje̱ꞌe xota̱, kó sa̱ꞌínkꞌién, chjiéngá ko̱yà kuí nga.

Éksondo̱ 21:14

»Kui xota̱ xi ta̱ xá sa̱ꞌínkꞌiénni kje̱ꞌe xota̱, chjiéngá ko̱yà, kó ndatsi ki̱a̱ ṉchandikónna tikóntꞌa, chje̱ꞌéxín ji tsi̱ꞌe̱ nga si̱ꞌankꞌien.

Éksondo̱ 21:20

»Tsi tjín xí ngo yá ko̱ꞌon moso̱ xi stiñaá tsi chjo̱on ko̱jo tsi xi̱ꞌin, kó tsi ti̱ kjiꞌaa̱ kꞌien, chjiéngá ka̱majeé kjo̱a̱a̱ kui ini̱ma̱ xi katsꞌénkꞌieén.

Éksondo̱ 21:29

»Ta̱nga tsi ndi̱a̱a̱ kui cho̱yojo toro̱ tamaá ja̱bo̱a̱ je be nga kui cho̱yojoo̱ ta̱xà tsangínii̱ ndi̱ja̱a̱ xotaa̱, kó tsi íchjáꞌyájín kui cho̱ tamaá, kuí boá xi sꞌi̱nié kjo̱a̱a̱ xota̱ xi katsꞌénkꞌién kui cho̱o̱. Tsi bo̱a̱ ka̱ma chjiéngá ndi̱jo̱ kjoyá nga si̱ꞌankꞌienni kui cho̱yojoo̱ ko̱jo ndi̱a̱a̱ nga.

Éksondo̱ 23:7

»Ngata̱ fongitaꞌínjínjnú jé ngo xota̱ nga kꞌuindísójnú, ti̱nde ngata̱ niꞌánkꞌiénjínjnú ngo xota̱ xi jmí jéjiín ko̱jo xi kixi̱, ngatꞌa̱ an sa̱ꞌinjetakónjáa̱n xota̱ xi tjiín jé.

Énkjínkón 1:11

Tsi bi̱ ka̱tso̱o̱: «Ja̱bíꞌi̱n kꞌi̱e̱ ti̱ꞌinkamaje̱jne̱, ku̱i̱ndyionꞌmá kó xchiyá nga tjín xí kjo̱a̱ꞌa tsi̱ꞌe̱ nga si̱ꞌankꞌién, xchindà xotaa̱, ndatsi jmí kjo̱a̱jín nga bo̱a̱ si̱ꞌán.

Énkjínkón 1:18

Ta̱nga kui xota̱ xi ndyi̱tsꞌèn jeé ti̱kuíní bo̱a̱ xi ndyi̱tsꞌèntsóbejo̱ kjo̱a̱mindyioo̱n, kó ti̱kuíní bo̱a̱ xi sa̱ꞌínchaja.

Lebitiko̱ 24:17

»Xi ngo xota̱ sa̱ꞌínkꞌién, ti̱ bo̱a̱ ti̱ tsꞌén si̱ꞌankꞌien nga. »Xi ngo cho̱ sa̱ꞌínkꞌién, ti̱ ngo cho̱ tsjangojo nga. »Xi sa̱ꞌínꞌoón ngo xkjín, ti̱ bo̱a̱ ti̱ tsꞌén ku̱i̱ꞌíchjí xikótsꞌèn katsꞌénꞌoón nga: tsi ngo ndyi̱ko̱n tsꞌaxié, ti̱ chjiéngá ngo tsi̱ꞌe̱ ko̱ꞌna̱xié nga, tsi ngo ṉꞌni̱u̱ tsꞌeje̱n, ti̱ chjiéngá ngo tsi̱ꞌe̱ ko̱ꞌna̱je̱n nga, tsi ngo ńdaa̱ iskjítꞌó, ti̱ chjiéngá ngo tsi̱ꞌe̱ chjátꞌó nga.

Matioo̱ 19:18

Sꞌe̱ bi̱ katsó kui nda̱ xo̱ngo̱ò: –Ñá kjo̱a̱botíxoma. Kó Kjisoo̱, bi̱ katsoó: –Ka̱májín si̱ꞌinkꞌin ji xota̱, ka̱májín si̱ꞌintꞌée̱ kjo̱a̱ chjóo̱n, ka̱májín si̱ꞌinchejé, ka̱májín kꞌuindísétaꞌin ji ngo xota̱.

Markoo̱ 10:19

Jè yé ji kjo̱a̱botíxomaa̱ Néná xí bi̱ tsoó: “Che̱ndikín jí kjo̱a̱bixàa̱n, ngata̱ niꞌínkꞌínjín ji xota̱, ngata̱ niꞌínchejéjín ji, ngata̱ ꞌbíndisetaꞌinjín ji ngo xota̱, ngata̱ chꞌíṉche̱jín ji, che̱ndikín jí na̱ꞌmíi̱ ko̱jo na̱áa̱n.”

Rkaa̱ 18:20

Jè yé ji kjo̱a̱botíxomaa̱ Néná xi bi̱ tsoó: “Ka̱májín si̱ꞌintꞌée̱ kjo̱a̱ chjóo̱n, ka̱májín si̱ꞌinkꞌin ji xota̱, ka̱májín si̱ꞌinchejé, ka̱májín kꞌuindísétaꞌin ji ngo xota̱, che̱ndikín jí na̱ꞌmíi̱ ko̱jo na̱áa̱n.”

Ni xi kamá 16:28

Ta̱nga Pabloo̱ ꞌniú tsíchji̱a̱ nga bi̱ katsó: –¡Ngata̱ jmí ni niꞌínjíi̱n yojòo̱, ngatꞌa̱ kꞌi̱e̱ tindyionyejejne̱!

Ni xi kamá 28:4

Kó nga kamábe kui xota̱ xi chji̱a̱ni kui tji̱ngi̱i̱ nga tsja Pabloo̱ tji̱e̱ngiboaꞌa kui ye̱e̱, bi̱ katsó ja̱kꞌi̱e̱ ja̱ngajaán xkjín: –Nda̱ tsꞌenkꞌién ini̱ma̱rá kui nda̱a̱, ngatꞌa̱ ndatsi jatjoꞌaa̱ yojoo̱ ngi̱jin ndáchíkoón, ta̱nga kjo̱a̱kixi̱i̱ Néná katsjandièjiín nga kꞌuijñá ngase.

Xota̱ Roma̱ 13:9

Ngatꞌa̱ bi̱ tsó kjo̱a̱kitii̱ Néná: “Ngata̱ niꞌíntꞌejíi̱n kjo̱a̱ chjóo̱n ko̱jo tsi xi̱ꞌíi̱n, ngata̱ xota̱jín niꞌínkꞌín ji, ngata̱ niꞌínchejéjín ji, ngata̱ ꞌbíndisejín ji, ngata̱ niꞌínmejénjín ji ni xi tjiín kje̱ꞌe xota̱”, kó tikón ngo kjo̱a̱botíxoma xi tsi si̱ꞌinkjatjosén ji, jè tiniꞌínkjatjosén xi ngasee̱ nga, kó kuí bí xi̱ꞌbi̱: “Tjó ti̱ꞌin xotaa̱ xikó má tsꞌén tjoó yojòo̱.”

Xota̱ Ngalasia̱ 5:21

ko̱jo xi tjiín kjo̱a̱ꞌontakón, ko̱jo xi ndyi̱tsꞌènkꞌién ini̱ma̱, ko̱jo xi tjimáchꞌi̱, ko̱jo xi chꞌo tsꞌén ndyi̱tsꞌèntsjàjo̱ xtín xkjín. Ngayeje ni xi̱ꞌbi̱ ko̱jo ni xi xikoó kui ni xi̱ꞌbi̱, tsꞌenkjaꞌátsjienjnúꞌun, xikó je kixianjnúꞌun ngasꞌe̱, nga kui xota̱ xi ndyi̱tsꞌèn kuí nii̱, sa̱kójiín nga Néná xí ko̱tíxomaa̱.

Ndeuteronomio̱ 5:17

»Ngata̱ xota̱jín niꞌánkꞌiénjnú,

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

Xo̱jo̱o̱n Sandiyaá 2:11

Ngatꞌa̱ kui Néná xi bi̱ katsoó: “Ka̱májín si̱ꞌintꞌée̱ kjo̱a̱ chjóo̱n ko̱jo tsi xi̱ꞌíi̱n”, ti̱ bi̱ ti̱ katsó nga: “Ka̱májín si̱ꞌinkꞌin ji xota̱.” Kó kuíni nga tsi si̱ꞌintꞌejíi̱n kjo̱a̱ xi̱ꞌíi̱n ko̱jo tsi chjo̱ón, ta̱nga tsi tjín xi si̱ꞌinkꞌin ji, je ikiyiní ji kui kjo̱a̱kitii̱.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.