Éksondo̱ 20:12 - Xo̱jo̱n eén Néná

¹² »Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Éksondo̱ 20:12 ပူးပေါင်းရင်းမြစ်များ

Jenesii̱s 48:12

Kósꞌe̱ Kosiee̱ jaꞌáxín boaꞌá ndií nínga tikón tikoó na̱ꞌmii̱, sꞌe̱ asiéntikoó Kosiee̱ kje̱n na̱ꞌmii̱ ngaskande nga kisitꞌaa̱ kje̱n tꞌanangii̱.

Jenesii̱s 50:12

Kó jaá Jakoo̱b kijíjo̱ yojoo̱ na̱ꞌmii̱ ki̱a̱ nangi Kanaa̱n, kó ki̱a̱ ínijín ti̱xa̱na̱xi̱ xi tikón kꞌijñá Makpelaa̱, kui xi tsꞌatsiee̱ Abraa̱n nda̱ itita̱ xi ꞌmí Efroo̱n, tsi̱ꞌe̱ nga ki̱a̱ kjónijín xkjín. Kui ti̱xa̱na̱xi̱i̱ ki̱a̱ tikóntꞌa kꞌijñá Mamree̱. Kó bo̱a̱ tsꞌén jatjosón ni xi tsíꞌá na̱ꞌmii̱ ngindiee̱ nga ko̱yà.

Éksondo̱ 21:15

»Kui xi ku̱i̱e̱ꞌeé na̱ꞌmii̱ ko̱jo tsi na̱aa̱n, chjiéngá ko̱yà.

Éksondo̱ 21:17

»Kui xi chꞌo ka̱tso̱o̱ na̱ꞌmii̱ ko̱jo tsi na̱aa̱n, chjiéngá ko̱yà.

Énkjínkón 15:5

Xota̱ kitikjo̱a̱a̱ tsꞌenjóꞌojín nga na̱ꞌmii̱ sa̱ꞌínchji̱ni̱e̱, ta̱nga kui xota̱ xi tsꞌenjóꞌoo̱, kuí boá xi nda sa̱ꞌínkjó ni xi sa̱ꞌín.

Énkjínkón 17:6

Ndíndeé boá xi tsjaá kjo̱a̱tsja xota̱ xi xchaá kó xikoó tsi ngo korona̱ xi ꞌbíꞌá to̱ko̱ ka̱maa̱, kó xi xchaá boá xi tsjaá kjo̱a̱tsja ndií.

Énkjínkón 20:20

Kui ndí xí chꞌo ka̱tso̱o̱ na̱ꞌmii̱ ko̱jo na̱aa̱n, bo̱a̱ ka̱maa̱ xikoó ngo ndiꞌí xí inda inda ꞌbo nínga jñoó.

Énkjínkón 28:24

Xi sa̱ꞌínchejeé na̱ꞌmii̱ ko̱jo na̱aa̱n, kósꞌe̱ bo̱a̱ ka̱tso̱ nga katsꞌénjéjín, kuí boá xi amingo̱ manii̱ xota̱ xi ꞌniú ndajín.

Énkjínkón 3:16

Kuí boá xi xikoó tsi ki̱a̱ tjiyá tsja xi kixi̱ nga tsja̱á nga kjín ngase ni̱xtjin ku̱i̱ndyin ji, ko̱jo xikoó tsi ki̱a̱ tjiyá tsja skón nga tsja̱á nga xcha̱ndikoón, ko̱jo nga tsie kjo̱a̱cho̱n tsja̱á.

Énkjínkón 30:11

»Tjín xota̱ xi chji̱a̱ nga ndajín ka̱maa̱ na̱ꞌmii̱, kó nde tsꞌénchíkonñéjín na̱aa̱n.

Énkjínkón 30:17

»Xota̱ xi mojnókie na̱ꞌmii̱, ko̱jo xi tsꞌenchꞌó kjo̱a̱bokoyaá na̱aa̱n, kuí boá xi tsoboaá nga ni̱sie kuerboo̱ kꞌo̱xié ndyi̱ko̱n, ko̱jo nga cho̱ xi kjinie yojo siee̱n skji̱ni̱e̱ tikón.

Lebitiko̱ 19:3

»Cha̱ndikónjnú na̱anjnú ko̱jo na̱ꞌmijnú, kó cha̱ndikónjnú ni̱xtjin nga niꞌánkjaꞌyaá. Án boá xi Nee̱ xota̱ Israee̱l.

Lebitiko̱ 19:32

»Kjiꞌanga ngindyi̱ko̱n ngo xota̱ xi xchaá tindyiónjnú, ko̱jo tsi ngindyi̱ko̱n ngo xota̱ xi xchá ngase ta̱bo̱a̱jiín jún, cha̱ndikónjnú, kó ti̱ndyiakixi̱jnú.

Matioo̱ 19:19

Che̱ndikín jí na̱ꞌmíi̱ ko̱jo na̱áa̱n, ti̱ꞌintjé ji xotaa̱, xikó má tsꞌén tjoó yojòo̱.

Markoo̱ 10:19

Jè yé ji kjo̱a̱botíxomaa̱ Néná xí bi̱ tsoó: “Che̱ndikín jí kjo̱a̱bixàa̱n, ngata̱ niꞌínkꞌínjín ji xota̱, ngata̱ niꞌínchejéjín ji, ngata̱ ꞌbíndisetaꞌinjín ji ngo xota̱, ngata̱ chꞌíṉche̱jín ji, che̱ndikín jí na̱ꞌmíi̱ ko̱jo na̱áa̱n.”

Markoo̱ 7:10

Bi̱ tsꞌén ítꞌa Moisee̱ xo̱jo̱n eén Néná: “Che̱ndikín jí na̱ꞌmíi̱ ko̱jo na̱áa̱n”, ko̱jo ti̱ ítꞌa nga “Xi ngatꞌíko̱joo̱ ka̱tso̱o̱ na̱ꞌmii̱ ko̱jo na̱aa̱n, jè katsꞌénkꞌién yojoo̱ xi̱ꞌba̱.”

Rkaa̱ 18:20

Jè yé ji kjo̱a̱botíxomaa̱ Néná xi bi̱ tsoó: “Ka̱májín si̱ꞌintꞌée̱ kjo̱a̱ chjóo̱n, ka̱májín si̱ꞌinkꞌin ji xota̱, ka̱májín si̱ꞌinchejé, ka̱májín kꞌuindísétaꞌin ji ngo xota̱, che̱ndikín jí na̱ꞌmíi̱ ko̱jo na̱áa̱n.”

Xota̱ Éfeso̱ 5:21

Ja̱kꞌi̱e̱ ja̱ngaján cha̱ndikónjnú xingi̱jnú, xikótsꞌèn yandikónjnú Kristoo̱.

Ndeuteronomio̱ 11:8

»Ndaꞌyáꞌénjnú ngayeje kjo̱a̱botíxoma xi ngotꞌe̱ tsꞌéntsjájnúꞌun. Kó bo̱a̱ tsꞌén nga kꞌuiéjnú ngaꞌniú nga si̱ꞌánjnúu̱ tꞌanangii̱ nga ku̱i̱xkánjo̱jnú xota̱ xi síndo ngi̱ndie nínga ku̱i̱tjásꞌi̱e̱njnú.

Ndeuteronomio̱ 11:9

Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 21:18

»Tsi ngo jún xi tjínjnú ngo ndí xí kitikjo̱a̱ ko̱jo xi tamá, xi ntꞌiéꞌénjiín na̱ꞌmii̱ ko̱jo na̱aa̱n ndatsi tsꞌénjeé, chjiéngá kui nii̱ xi si̱ꞌan:

Ndeuteronomio̱ 32:47

Ja̱koxi̱ boá ni xi tꞌíxiánjnúꞌun. Tsi si̱ꞌankjatjosónjnú, achichí kjín nó ka̱majnú ki̱a̱ tꞌanangi xi ngotꞌe̱ je si̱ꞌánjnú nga ku̱i̱xkántjéjnú, kui xi tikón xi ingoboaá ndejèꞌ Jorndaa̱n».

Ndeuteronomio̱ 4:26

Nkꞌa jàn ko̱jo tꞌanangii̱ boá xi chistiko̱ nga tsi jún xi ko̱nda̱ꞌyáꞌénjínjnú, tsiejín ka̱majnú nga ku̱i̱ndyionjnú ki̱a̱ kui tꞌanangi xi tikón xtji̱e̱e̱n xi ingoboaá ndejèꞌ Jorndaa̱n, kó ta̱sá tsá ko̱yàjnú.

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 5:16

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Xota̱ Kolosa̱ 3:20

Jún xi ndíjnú, ndaꞌyáꞌénjnúu̱ ngayeje ni xi ka̱tso̱jnú xi xchájnú, ngatꞌa̱ kuí nii̱ xi tsja maa̱ Ndi̱a̱ná.

Na̱ Ruu̱t 3:6

Kósꞌe̱ na̱ Ruu̱t kijí kui ngi̱ndie jàn, kó bo̱a̱ má katsꞌén xikó katsoó ṉchiꞌyaá.