Éksondo̱ 2:16 - Xo̱jo̱n eén Néná

¹⁶ Ngi̱chí sájín jachó ki̱a̱ kui ndáńchꞌií yito ínchjín kjindí xí kijíkꞌaxié ndáfoa, tsi̱ꞌe̱ nga ku̱i̱ndyiákitsie ngi̱ndie nínga ꞌbi ndáfoa cho̱tsa̱nga̱a̱. Ngayeje kui ínchjiín, ínchjiín Jetroo̱ boá, kui nda̱ xi chináꞌmii̱ nangi Mandiaa̱n.

Éksondo̱ 2:16 ပူးပေါင်းရင်းမြစ်များ

Jenesii̱s 14:18

Kui ngi̱ndiee̱ Melkisendee̱k ree̱ nangi Salee̱n ko̱jo chináꞌmii̱ Néná xi tikón nkꞌa jàn tsꞌaxié pan ko̱jo bino̱ xi yaꞌa, kó katsjaá Abra̱n,

Jenesii̱s 24:11

Jè má kjimangixón nga jachó kui nda̱ mosoo̱ ki̱a̱ ndi̱tsee̱n na̱xi̱ńdaá, kó ki̱a̱ indyiátaꞌniú cho̱toꞌoyitsꞌeèn, tsi̱ꞌe̱ nga sa̱ꞌínkjaꞌyá ki̱a̱ tꞌa ndáńchꞌií. Kó kuí má chi̱bo̱a̱a̱ fíkjaꞌá ndáfoa ndáńchꞌi̱ ínchjiín.

Jenesii̱s 24:13

Tsitsíjinní, kꞌi̱e̱ tikòn an tꞌa kui ndáńchꞌií. Kó tji̱e̱nga ínchjín xí chji̱a̱ni kui ngi̱ndiee̱ kjo̱e̱ꞌékꞌaxié ndáfoa,

Jenesii̱s 29:2

Kó ki̱a̱ ngi̱jin kꞌijñaá kamábe ngo ndáńchꞌi̱ nínga ndyi̱ꞌbi ndáfoa cho̱o̱, kó ki̱a̱ tꞌa kui ndáńchꞌií síndo nga ndyi̱tsꞌènkjaꞌyá ján xtín cho̱tsa̱nga̱, kó ngo ndi̱jo̱ tjixtió tsꞌoa kui ndáńchꞌií,

Jenesii̱s 41:45

Kósꞌe̱ nda̱ ree̱ asíkjoo̱ jaꞌeén Kosiee̱ kó Safenat Panea̱ ítꞌajaꞌén, kó na̱ Asenaa̱t, tsa̱kji̱ín nda̱ xi ꞌmí Potiferaa̱ kui xi chináꞌmii̱ Oo̱n katsjaá nga kui xi chjo̱ón Kosiee̱ ka̱ma. Jaskan ngije kamá kui nii̱, Kosiee̱ kijíkatsijee̱n ngayeje nangi Ejipto̱.

Éksondo̱ 18:1

Kjiꞌanga to̱kó tikón Moisee̱ nangi Ejipto̱, katsangiyaꞌoyá nginí na̱ Séfora̱ chjo̱ón nangi Mandiaa̱n. Kó ki̱a̱ Jetroo̱, kui nda̱ xi chiꞌyaá Moisee̱, kui xi chináꞌmii̱ kui ngi̱ndiee̱ kamá, kuí askoo̱n na̱ Séfora̱, tsa̱kji̱ín ko̱jo Ngersoo̱n ko̱jo Eliesee̱r kui xi ndíndee̱. Ndí tjoón Moisee̱ Ngersoo̱n ítꞌajaꞌén «Nda̱ xi xín nangi» tsó kui jaꞌeén, ngatꞌa̱ ki̱a̱ kisꞌijña ngo nangi xi kuijín tsi̱ꞌe̱. Ndí xí ma joó, Eliesee̱r ítꞌajaꞌén «Néná boá xi bosikójona» tsó kui jaꞌeén, ngatꞌa̱ jaꞌátsjiee̱n nga kui Néná xi tsi̱ꞌe̱ na̱ꞌmii̱ asíko̱jo, kó kuí boá xi tsꞌaxiéꞌá kjiꞌanga nda̱ ree̱ nangi Ejipto̱ sa̱ꞌínkꞌién katsaki. Kó Jetroo̱ ja̱bo̱a̱ jè be nga ngayeje ni xi katsꞌén Néná nganda tsi̱ꞌe̱ Moisee̱ boá, ko̱jo nga Néná boá xi tsꞌaxié xota̱ Israee̱l ki̱a̱ nangi Ejiptoo̱. Ta̱nga kjiꞌanga Jetroo̱ kintꞌié nga Moisee̱ ki̱a̱ tjítsꞌénkjaꞌyá nangi kixií, ki̱a̱ tꞌa na̱xi̱i̱ Néná, kamámejeén kijítji̱ngii̱ kui ko̱jo na̱ Séforaa̱ ko̱jo Ngersoo̱n ko̱jo Eliesee̱r.

Éksondo̱ 18:12

Kósꞌe̱ Jetroo̱ tji̱e̱nmá katsꞌénkꞌasꞌiee̱n Néná ngo kjo̱a̱tjó xi ndií cho̱tsa̱nga̱, kó ti̱ katsꞌénkꞌasꞌien ngasee̱ kje̱ꞌe kjo̱a̱tjó. Jaskan ngije kamá kui nii̱ Aaroo̱n ko̱jo ngito̱ko̱o̱ xota̱ na̱xi̱ńdá Israee̱l jachókjiniejo̱ ṉño̱ chiꞌyaá Moisee̱ kje̱n ṉchandikoón Néná.

Éksondo̱ 3:1

Kó Moisee̱ askoo̱n cho̱tsa̱nga̱a̱ Jetroo̱, chiꞌyaá, kui xi chináꞌmii̱ nangi Mandia̱n. Kó ngo ndi̱yà Moisee̱ kijíjo̱ kui cho̱tsa̱nga̱a̱ xtji̱e̱e̱n nangi kixií, kó jachó ngaskande na̱xi̱i̱ Néná kui xi ꞌmí na̱xi̱ Oree̱b.