Éksondo̱ 19:5 - Xo̱jo̱n eén Néná

⁵ »Tsi jún xi ko̱nda̱ꞌyáꞌénjnú kjo̱a̱ꞌbíndana ko̱jo tsi si̱ꞌankjatjasónjnú ni xi tsoboájnú jún nga si̱ꞌánjnú, jún boá xi ka̱majnú na̱xi̱ńdá xi tjó ngase sa̱ꞌin an, ngi̱jii̱n ngayeje na̱xi̱ńdá xí ngase xi tjín nga̱sondiee̱. Án boá xi tsa̱ꞌa̱n ngayeje tꞌanangii̱.

Éksondo̱ 19:5 ပူးပေါင်းရင်းမြစ်များ

Joo̱b 41:11

¡ꞌYá xí an tjón katsjána ngo ni, tsi̱ꞌe̱ nga an tsjaꞌoyá ngiñáa̱, Án tsa̱ꞌa̱n ngayeje ni xi tjín ngindiee̱ nkꞌajmii̱!

Joo̱b 41:3

¡A beriítakín ji nga kui cho̱o̱ ni̱ma̱ ka̱tso̱o̱, axa̱ a beriítakín nga én ixi sa̱ꞌínkjién tsi̱ꞌe̱ nga kꞌuíjñindé.

Xo̱jo̱n Salmoo̱ 135:4

¡Néná boá xi jaꞌájin na̱xi̱ńdá Israee̱l, tsi̱ꞌe̱ nga ngatsjéni̱xtjin nga kui xi ka̱ma xota̱ na̱xi̱ńdaá!

Xo̱jo̱n Salmoo̱ 24:1

Néná boá xi tsi̱ꞌe̱ tꞌanangii̱, ko̱jo ngayeje ni xi tjiín, ko̱jo ti̱ kuí tsi̱ꞌe̱ nga̱sondiee̱ ko̱jo ngayeje xota̱ xi ki̱a̱ síndoo̱.

Xo̱jo̱n Salmoo̱ 25:10

Kjo̱a̱ni̱ma̱takón ko̱jo kjo̱a̱kixi̱ boá, ngayeje ndi̱ya̱à Néná, kó kuí boá ni xi sa̱ko̱ó xota̱ xi sa̱ꞌínkjatjosón kjo̱a̱ꞌbíndàa̱, ko̱jo xi ku̱i̱ntꞌiéꞌeén kjo̱a̱botíxomàa̱.

Éksondo̱ 15:26

Kó bi̱ katsoó: «Án boá xi Nejnú. Án boá xi tsꞌendayajnúꞌun. Tsi jún nda ko̱si̱e̱nnijónjnúꞌun, kó tsi si̱ꞌankjatjosónjnúꞌun kui kjo̱a̱botíxomaa̱ ko̱jo kui kjo̱a̱kiti xi tsꞌéntsjájnúꞌun ngotꞌe̱, kó tsi ta̱soboá ni xi ndaa̱ xi si̱ꞌánjnú, sa̱ꞌinjéjínjnúꞌun xikó katsꞌenjo̱ an xota̱ Ejiptoo̱».

Éksondo̱ 23:22

Ta̱nga tsi ko̱nda̱ꞌyáꞌénjnúu̱ ngayeje ni xi ka̱tso̱jnú, ꞌniú skjánjo̱ an kondra̱jnú.

Éksondo̱ 24:7

Jaskan iskjíbé ni xi kjitꞌa kjo̱a̱ꞌbíndaa̱, kó katsꞌényaà xota̱ Israee̱l. Kósꞌe̱ kui xotaa̱ bi̱ katsó: «Si̱ꞌankjatjosónjne̱ ngayeje ni xi je atíxoma Néná nga si̱ꞌanjne̱».

Éksondo̱ 34:9

kó bi̱ katsoó: «¡Ne tsa̱ꞌa̱n! ¡Ne tsa̱ꞌa̱n! Tsi ja̱koxi̱ nga tjoó án, tꞌenje̱jne̱ nínga ndyi̱mongínjne̱. Ja̱koxi̱ boá nga achichí kitikjo̱a̱jne̱, ta̱nga ti̱ꞌinjetakínjne̱ jéjne̱, kó ti̱ꞌinjo̱ꞌojne̱ xikoó xota̱ na̱xi̱ńdá xí tse̱».

Éksondo̱ 8:22

Ta̱nga jmí chisien sangiyajín an nangi Ngosee̱n, nínga síndo xota̱ na̱xi̱ńdána, kui chisiee̱n xota̱ Ejiptoo̱ boá xi sa̱ꞌínxtií, ta̱nga jmí ni sa̱ꞌínjo̱jín xota̱ Israee̱l. Ti̱ ndyiojónní nga sa̱ꞌin an kui nii̱. Kó bo̱a̱ tsꞌén nga nda̱ ree̱ nangi Ejipto̱ sku̱i̱e̱ nga Nee̱ xota̱ Israee̱l ki̱a̱ tikón nangii̱».

Én xí nda xi ꞌniú tsjatsó ngasee̱ 8:12

Ji Salomo̱, ka̱má chjábé jí kui xi ngo mi̱ to̱ntiboaa̱, te̱ꞌée̱ jó úchán kui xota̱jun xi kondaa̱, ta̱nga kui ngi̱ndie nínga tjitjíe̱ tostsi̱je̱è, án tsa̱ꞌa̱n.

Lebitiko̱ 20:24

Kuíni nga jún tsjajnúꞌun kui tꞌanangi nínga síndo kui xotaa̱ ngotꞌe̱. Achichí tsjachon kui ngi̱ndiee̱, kó achichí tsie nichinie kꞌuiéjnú ki̱a̱a̱ ngatsjéni̱xtjin.

1 Xota̱ Korinto̱ 10:26

Ngatꞌa̱ tꞌanangii̱ ko̱jo ngayeje ni xi tjiín, tsi̱ꞌe̱ Ndi̱a̱ná boá.

1 Xota̱ Korinto̱ 10:28

Ta̱nga tsi tjín xí bi̱ ka̱tso̱jnú: “Kui nii̱ jè kiniꞌánkꞌasꞌienjne̱ ngo ne xi tsꞌénda xotaa̱.” Ngata̱ chiniejínjnú, ta̱ngatꞌanii̱ kui xi bo̱a̱ katsoó, ko̱jo ta̱ngatꞌanii̱ tsi kjo̱tsòn kjo̱a̱kjíntakoón xota̱ xi bo̱a̱ tsoó, ngatꞌa̱ tꞌanangii̱ ko̱jo ngayeje ni xi tjiín, tsi̱ꞌe̱ Ndi̱a̱ná boá.

Ndeuteronomio̱ 10:14

»Néná boá xi tsi̱ꞌe̱ ngayeje nkꞌa jàn, ko̱jo tꞌanangii̱, ko̱jo ngayeje ni xi tjiín kui nii̱.

Ndeuteronomio̱ 11:27

Tsi si̱ꞌankjatjosónjnú kui kjo̱a̱botíxoma xi ngotꞌe̱ tsꞌéntsjájnú Nejnú, nda tsꞌén ku̱i̱ndyionjnú,

Ndeuteronomio̱ 14:2

jún boá kui xota̱ na̱xi̱ńdá xi Néná jè jaꞌájin, ngi̱jii̱n ngayeje xota̱ na̱xi̱ńdá xí tjín tꞌanangii̱, kó kuí boá xi ndokjo̱a̱nijnú».

Ndeuteronomio̱ 14:21

»Tsi ngo cho̱ ko̱yà soboá, ngata̱ chiniejínjnú yojoo̱, ngatꞌa̱ jún boá xi ngo xota̱ na̱xi̱ńdá xí jè tsi̱ꞌe̱ Néná, ngatꞌa̱ bo̱a̱ tsꞌén je atíxoma kui. Ta̱nga ka̱má ko̱e̱ꞌéjnúu̱ kui yojoo̱ xota̱ xi xín nangi xi síndo ngi̱jinjnú, ko̱jo tsi ko̱ti̱ñájnúu̱ ngo xota̱ xi xín nangi chji̱a̱ni xi jachó ngotjón ki̱a̱ nangi nínga tindyiónjnú. »Ti̱nde ka̱májín nga ki̱a̱ ngi̱jin ntsjeén na̱aa̱n ndí tindso̱ chichií si̱ꞌanchjánjinjnú.

Ndeuteronomio̱ 26:18

»Kó kjo̱a̱a̱ kui, Néná jè katsꞌénkjatjosón ni xi katsóyàtjón nga sa̱ꞌín, kó jè bo̱a̱ katsó nga jún boá xi xota̱ na̱xi̱ńdaá, kó nga chjiéngá ko̱nda̱ꞌyáꞌénjnúu̱ ngayeje nii̱.

Ndeuteronomio̱ 26:19

Néná boá xi sa̱ꞌín nga jún boá xi ka̱majnú xota̱ na̱xi̱ńdá xi ꞌniú ngase ko̱jo xi xcha̱ndikón ngase xi kꞌuijñá kui tꞌanangii̱, tsi ngatsjéni̱xtjin si̱ꞌankjatjosónjnúu̱ kjo̱a̱botíxomaa̱ ko̱jo nga ta̱kuítsí xi si̱ꞌandikónjnú».

Ndeuteronomio̱ 28:1

Moisee̱ bi̱ katsó ngasee̱ xota̱ na̱xi̱ńdaá: «Tsi si̱ꞌankjatjosónjnú ngayeje kjo̱a̱botíxomaa̱ xi Néná jè katsjájnú ngotꞌe̱, jún boá xi ka̱majnú xota̱ na̱xi̱ńdá xi tjó ngasee̱ ngayeje kui tꞌanangii̱,

Ndeuteronomio̱ 28:9

»Tsi si̱ꞌankjatjosónjnúu̱ Néná kjo̱a̱a̱ ngayeje nii̱, sa̱ꞌínkjatjosón ni xi katsóyàtjón nga tsja̱ajnú, kó jún boá xi ka̱majnú xota̱ na̱xi̱ńdá ndikoón.

Ndeuteronomio̱ 4:20

»Kjiꞌanga Néná tsꞌaxiéꞌájnú ki̱a̱ nangi Ejipto̱, bo̱a̱ katsꞌén ngatꞌa̱ xota̱ na̱xi̱ńdá xí tsi̱ꞌe̱ katsꞌénjnú jún.

Ndeuteronomio̱ 5:2

Ndi̱a̱ná kui xi Néná ngo ni índajo̱ná ki̱a̱ na̱xi̱ Oree̱b.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 11:8

Ta̱ngatꞌanii̱ kjo̱a̱sꞌijii̱n nga Abraa̱n kjiꞌanga Néná tsíchji̱a̱a̱, tsintꞌiéꞌeén nga jatjoni, kó kijí kui ngi̱ndie xi Néná tsja̱á, kó jatjo nga nde bejín ñání tsꞌénfí.

Xota̱ Ebreo̱ 8:9

Kui kjo̱a̱ꞌbíndaa̱ jmí tsi bo̱a̱ kꞌuié xikoó kui xi katsꞌenjo̱ an xota̱ tji̱e̱ xchaá, kjiꞌanga iskjíbé án tsja nga tsꞌaxié an nangi Ejipto̱, ngatꞌa̱ kui xotaa̱ katsꞌénkjatjosónjín kjo̱a̱ꞌbínda xi tjoón, kó án índomasien an.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.