Éksondo̱ 19:24 - Xo̱jo̱n eén Néná

²⁴ Kó Néná bi̱ katsoó: —Ti̱tjaje̱n ji kui na̱xi̱i̱, kó ndibénijíngí nginí ji, kó ndibéje̱ ji Aaroo̱n nga. Ta̱nga ta̱ꞌyajín xi ka̱ma kji̱ndi̱bá ngase kꞌi̱e̱e̱, nde chináꞌmii̱ ka̱májín kji̱ndi̱bá, tsi bo̱a̱ sa̱ꞌín, ko̱yà ki.

Éksondo̱ 19:24 ပူးပေါင်းရင်းမြစ်များ

Éksondo̱ 19:12

»Tꞌínde ji chi̱bo̱a̱ nga ngo foaꞌatjiyajoo̱n na̱xi̱i̱, kó bo̱a̱ tꞌíi̱n xota̱ Israee̱l nga ka̱májín ko̱e̱je̱nijíngí kui na̱xi̱i̱, ngaskande nde ngo se ka̱májín tsja̱jon nga ngo foaꞌatjiyajoo̱n. Ta̱ꞌyaní xi ko̱e̱je̱nijíngí kui na̱xi̱i̱, yáyojó ko̱jo tsi ndi̱jo̱ si̱ꞌankꞌienni, tsi cho̱ ko̱jo tsi xota̱. Ta̱ kjiꞌá tsí nga ka̱ma ko̱e̱je̱nijíngí kjiꞌanga kjo̱ni̱e̱ tjioo̱».

Éksondo̱ 19:25

Kó Moisee̱ jatjajenni na̱xi̱i̱, kó katsóyaà xota̱ Israee̱l ngayeje kui nii̱.

Éksondo̱ 24:1

Néná bi̱ katsoó Moisee̱: «Mejénna nga kji̱ndi̱bénijíngí ji kui na̱xi̱i̱, tsi̱ꞌe̱ nga kꞌi̱e̱ ko̱ndókjo̱e̱jení. Ka̱ma kji̱ndi̱béje̱ ji Aaroo̱n, ko̱jo Nandaa̱b, ko̱jo Abiuu̱, ko̱jo ichítié ko̱jo kan xota̱ ngito̱ko̱o̱ na̱xi̱ńdá Israee̱l. Ta̱nga ka̱májín kji̱ndi̱bá boaꞌá kui xotaa̱ nínga tikòn an. Ta̱ jí tsí xi ka̱ma kji̱ndi̱béchin tiñaní. Nga kjóchójnú, mejénna nga ta̱ kjin ko̱si̱e̱nnijnú tikójnú. Ta̱nga ka̱májín kji̱ndi̱bá ngase kje̱ꞌe xota̱ kꞌi̱e̱e̱».

Éksondo̱ 24:9

Kó Moisee̱ kijínijíngí nginí kui na̱xi̱i̱ ko̱jo Aaroo̱n ko̱jo Nandaa̱b, ko̱jo Abiuu̱ ko̱jo kui xi ichítié ko̱jo kan ngito̱ko̱o̱ xota̱ Israee̱l.

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Matioo̱ 11:12

Ta̱nga ndeskande ni̱xtjin nga Jua̱ xi botíndaá tsíchji̱a̱ eén Néná, kó ngaskande ngotꞌe̱, nínga botíxomaa̱ Néná ꞌniú tjíbixkánjo̱, kó kui xota̱ xi ndyi̱kjánjo̱o̱ mejeén sa̱ꞌínkjié.

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 16:16

Kjo̱a̱kitii̱ ko̱jo ni xi katsꞌénꞌindó já chji̱ni̱e̱ꞌe̱én Néná jetꞌani ngaskande nga kisꞌijña Jua̱ xi botíndaá, kó ndeskande koó kjiꞌa tjíꞌbíni̱jmì éntjatsi̱e̱e̱ nínga botixómá Néná, kó ngayeje xotaa̱ xi tsꞌén ngo kjo̱a̱ꞌniú, tsi̱ꞌe̱ nga kꞌo̱sꞌien kui ngi̱ndiee̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Xota̱ Roma̱ 4:15

Néná ko̱tíjeé xota̱ xi ndyi̱tsꞌènkjátjosónjín kjo̱a̱kitii̱. Ta̱nga nínga jmí kjo̱a̱kitijín, ja̱ ti̱nde jmíjín xi ko̱tíjeé kjo̱a̱a̱ nga ndyi̱tsꞌènkjátjosónjín kjo̱a̱kitii̱.

Xota̱ Ngalasia̱ 3:19

Kósꞌe̱, kó mí chjínií kjo̱a̱kitii̱. Jeꞌe tsi̱ꞌe̱ nga sku̱i̱e̱ xotaa̱ nga jé boá xi ndyi̱tsꞌèn, kó ta̱ kjiꞌa tsi ka̱machjínií kui kjo̱a̱kitii̱, ngaskande nga kjindibá kui xota̱ tji̱e̱e̱ Abraa̱n xi Néná katsóyàtjoón nga kjo̱e̱ꞌe, kui xi Kristoo̱. Néná katsangiya ndítsjiee̱ nga katsjaá Moisee̱ kjo̱a̱kitii̱, kó Moisee̱ xí katsjaá xotaa̱ kui kjo̱a̱kitii̱.

Xota̱ Ngalasia̱ 3:22

Ta̱nga xo̱jo̱n eén Néná tsó, nga ngayeje xotaa̱ ngi̱yaa̱ jeé síndoyáꞌniú, tsi̱ꞌe̱ nga kui xi sꞌijii̱n Jesukristoo̱, Néná tsja̱á ni xi katsóyàtjón nga tsja̱á xi sꞌijii̱n kui.

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.