Éksondo̱ 19:20 - Xo̱jo̱n eén Néná

²⁰ Kó jatjajenni Néná nkꞌa jàn, kó ki̱a̱ nínga ꞌniú nkꞌaá na̱xi̱i̱ kisꞌijña, kó tsíchji̱a̱a̱ Moisee̱ tsi̱ꞌe̱ nga ko̱e̱je̱nijíngí. Nga jachó Moisee̱,

Éksondo̱ 19:20 ပူးပေါင်းရင်းမြစ်များ

Xo̱jo̱n Salmoo̱ 81:7

Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Éksondo̱ 19:3

Ngo ndi̱yà Moisee̱ kijínijíngí na̱xi̱i̱ tsi̱ꞌe̱ nga ki̱a̱ sa̱ko̱ó Néná. Kó nga jachó ki̱a̱ nínga ꞌniú nkꞌaá na̱xi̱i̱, Néná tsíchji̱a̱a̱ Moisee̱ kó bi̱ katsoó: «Bi̱ má tꞌíi̱n xota̱ Israee̱l:

Éksondo̱ 24:15

Jaskan ngije katsó kui nii̱, Moisee̱ kijínijíngí na̱xi̱ Sinaii̱. Kó ki̱a̱ nínga ꞌniú nkꞌaa̱ na̱xi̱i̱, Néná akó ngayeje ngaꞌniuú. Ngayeje xota̱ Israee̱l kamábe kjo̱a̱jee̱ Néná nga ja̱kjiꞌi ndiꞌí xi tsꞌenkjiéná má kisꞌie. Jun ni̱xtjin nga kui na̱xi̱i̱ kisꞌijñajin ngo ṉdi̱, kó xi ma yito ni̱xtjin Néná tsíchji̱a̱a̱ Moisee̱ ngi̱jii̱n kui ṉdi̱i̱.

Éksondo̱ 24:18

Kó Moisee̱ tsꞌasꞌienjin kui ṉdi̱i̱, kó ki̱a̱ kisꞌijñajin yichán ni̱xtjin, yichán ni̱xtji̱e̱n.

Éksondo̱ 34:2

Tꞌínde yojòo̱, ngatꞌa̱ ndyiojón ta̱jñó kꞌuínnijíngí ji na̱xi̱ Sinaii̱, ki̱a̱ skoyaa nínga ꞌniú nkꞌaá kui na̱xi̱i̱.

Éksondo̱ 34:4

Kósꞌe̱ Moisee̱ íjñanda jó tie ndi̱jo̱ xikoó xi tjoón, kó nga kamángindyiojón nga ꞌniú ta̱jño̱ó jastjíe̱n kó kijínijíngí na̱xi̱i̱.

Ndeuteronomio̱ 33:2

nga bi̱ katsoó: «Néná ki̱a̱ tsꞌéndibání na̱xi̱ Sinaii̱, kó ndiꞌií ki̱a̱ ndibánií ndeskande nangi Endoo̱n. Ndeskande na̱xi̱i̱ Paraa̱n ya ꞌna̱ ꞌna̱ nga je ndibá, kó ngaskande Meribaa̱ fochó, ki̱a̱ nangi Kandee̱. Ndiꞌí boá xi tjiyátsjà xi kixi̱i̱, kó achichí kjín mi̱ ma já tamá xí kján xi tsꞌéndibájo̱.

Ndeuteronomio̱ 9:9

An ki̱a̱ kijínijíngí an na̱xi̱i̱, tsi̱ꞌe̱ nga si̱ꞌankꞌasꞌienna ndi̱jo̱ tie nínga kjitꞌa kjo̱a̱ꞌbínda xi katsꞌénjo̱jnú Néná. Ki̱a̱ kisꞌijña an yichán ni̱xtjin ko̱jo yichán ni̱xtji̱e̱n nga kisꞌijña kjindiá án, nga jmí ni iskjíni̱e̱jín an ti̱nde jmí ni katsꞌejín an.