Éksondo̱ 19:10 - Xo̱jo̱n eén Néná

^10-11 »Mejénna nga kꞌuíchíi̱n xota̱ na̱xi̱ńdaá, kó tꞌíndendé jí tsi̱ꞌe̱ nga sa̱ꞌíndikónna ngotꞌe̱ ko̱jo ndyiojón. Tatíxomée̱ nga ko̱nié ńjñoo̱, tsi̱ꞌe̱ nga sa̱ꞌíntsjie yojoo̱, kó ngatꞌíndonda tsi̱ꞌe̱ nga sa̱ꞌíntsjána ngii̱, ngatꞌa̱ kuí ni̱xtjii̱n nga kokòo̱ yojona ki̱a̱ na̱xi̱ Sinaii̱.

Éksondo̱ 19:10 ပူးပေါင်းရင်းမြစ်များ

Jenesii̱s 35:2

Kósꞌe̱ Jakoo̱b, bi̱ katsoó xota̱ xkjín ko̱jo xi ki̱a̱ síndojo̱: «Tꞌíndomasienjnú kui ni xi ne ndyi̱ꞌmìjnúu̱ xi síndojnú, sꞌe̱ jaskan ti̱ndáyájnú kó tasíkjojnú ńjñojnú,

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Xki̱ 11:18

Sꞌe̱ jaskan Néná bi̱ katsoó Moisee̱: —Bo̱a̱ tꞌíi̱n xota̱ na̱xi̱ńdaá nga ndyiojón skji̱ni̱e̱ yojo, ta̱nga chjiéngá sa̱ꞌíntsjiemára yojoo̱. Bo̱a̱ tꞌíi̱n nga jè tsintꞌie an nga ndyi̱kjandà kó jè tsintꞌie an ni xi ndyi̱chji̱a̱ nga bi̱ ndyi̱tsó: “¡Yojo xí mejénjne̱ xi̱ni̱e̱ji̱n! ¡Nda ngase kixindyionjne̱ nangi Ejipto̱!” »Án boá xi tsjàa̱ yojo xi skji̱ni̱e̱.

Xki̱ 8:7

Chjiéngá bi̱ si̱ꞌinje̱ ji: Chjatjájìn ndáfoa xi tsꞌéntsjie xotaa̱, kósꞌe̱ jaskan ngatꞌijoón ngayeje yojoo̱, kó ngataniè ńjñoo̱. Bo̱a̱ tsꞌén nga je kamátsjie.

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.