Éksondo̱ 18:7 - Xo̱jo̱n eén Néná

⁷ Kósꞌe̱ Moisee̱ jataxie nga kijíkjaꞌáyíndi̱yà chiꞌyaá, kó nga kamábe, kisꞌijñaxtien nga kamábendikón, katsjaá ngo ndsó tꞌanijon, kó ngije katsꞌéntinde xkjín, tsꞌasꞌien ndiꞌańjñoo̱ Moisee̱.

Éksondo̱ 18:7 ပူးပေါင်းရင်းမြစ်များ

Jenesii̱s 14:17

Ngije jeꞌeꞌoyá nginí Abra̱n, ngije katsꞌeén nga askjanjo̱ nda̱ re Kendorlaómee̱r ko̱jo já re xi nijan kamájo̱, nda̱ re xi chji̱a̱ni Sondoma̱ kijíkjaꞌáyíndi̱yà ki̱a̱ nínga Nangi Nínga Soón Nda̱ Re kiꞌmií.

Jenesii̱s 18:2

Kó ta̱niján má iskjininkꞌa kje̱n, kó kamábe ján já xí síndo tiña nínga tikón kui, kó tsanga má jataxie nga kijíkóntiñaa̱, kó nga jachókoón asiéntikoó ngaskande nga kisitꞌaa̱ xtjien tꞌanangii̱ nga kamábendikón kui jaá.

Jenesii̱s 19:1

Kó ngije kjimangixoón jachó jó kui já ndítsjiee̱ ki̱a̱ na̱xi̱ńdáꞌniú Sondoma̱, kó Loo̱t ki̱a̱ xió tikóntꞌa nga̱ntjo̱a̱a̱ na̱xi̱ńdáꞌniú Sondoma̱, kó nga kamábe Loo̱t kui já ndítsjiee̱, jastjíe̱n nga kijítsꞌentínde, kó asiéntikoó ngaskande nga kisitꞌaa̱ xtjien tꞌanangii̱ nga kamábendikón kuí jaá,

Jenesii̱s 29:13

Ngije tsintꞌié Labaa̱n nga ki̱a̱ tikón Jakoo̱b, ndií ndichja, tsanga má kijíkjaꞌáyíndi̱yà, janíkjá kó katsjaá ngo ndsó tꞌanijon, sꞌe̱ kijíjo̱ ndiꞌaa̱, kó ngije jachó, Jakoo̱b katsóyaà Labaa̱n ngayeje ni xi kamaá.

Jenesii̱s 31:28

¡Kjo̱a̱tsobé boá ni xi kiniꞌín ji! ¡Nde katseꞌéndièjín ji nga katsjáa̱ ngo ndsó ndí ínchjínna ko̱jo ndíndena!

Jenesii̱s 43:26

Nga jachó Kosiee̱ ndiꞌaa̱, kui jaá kixindyiańña ngaskande nga kisitꞌaa̱ xtjien tꞌanangii̱ nga kamábendikón kuí nda̱a̱, kó katsꞌénkꞌasꞌiee̱n ni xi ndyi̱yaꞌaa̱, jaskan ngije katsꞌéntinde Kosiee̱, Kosiee̱ asíyaá tsi ta̱kó tikón na̱ꞌmii̱. Kó kui jaá bi̱ katsó: —Jo̱o̱n to̱kó tikón na̱ꞌmijne̱, nda tikón, kó jè tikónnda nga kui xi moso̱ tse̱ ka̱ma nga.

Jenesii̱s 45:15

Kósꞌe̱ Kosiee̱ katsjaá ngo ndsó tꞌanijon ngayeje já ntsꞌi̱e̱ sꞌe̱ askjandájo̱, kó kjiꞌá boá nga ngayeje já ntsꞌi̱e̱ kamá tsíchji̱a̱jo Kosiee̱.

Jenesii̱s 46:29

Kosiee̱ ikꞌíjñandaa̱ ngo karro̱, kó kijíkjaꞌáyíndi̱yà na̱ꞌmii̱, nga kamábe Kosiee̱ na̱ꞌmii̱, tsanga má jachókoón, janíkjá kó achichí tsie askjandá.

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Éksondo̱ 18:6

Kó Jetroo̱ bi̱ katsó én xí katsangiyaa̱ Moisee̱: «An Jetroo̱ kui xi chiꞌyáa̱, ko̱jo chjo̱ón ko̱jo nga jó ndíi̱ ki̱a̱ ndyi̱mongínchonjne̱ ji».

Éksondo̱ 33:7

Kó Moisee̱ katsꞌénda ngo ndiꞌańkꞌién xi íjñá ndi̱tsee̱n ngi̱ndie nínga kisꞌińdo xotaa̱, kó, ndiꞌańkꞌién nínga ka̱matikó xotaa̱, ítꞌajaꞌén kuí ngi̱ndiee̱. Kó kjiꞌanga tjín xota̱ xi kamámejeén tsíchji̱a̱jo Néná, jatjoxie nínga kisꞌińdo xotaa̱, kó ki̱a̱ tsꞌasꞌien kui ndiꞌańkꞌieén.

Éksondo̱ 4:27

Kó Néná bi̱ katsoó Aaroo̱n: —Tꞌen ji nangi kixií, kó ki̱a̱ tꞌenchje̱ꞌéyindi̱ye jí Moisee̱. Kó kijí Aaroo̱n ki̱a̱ nínga tikón na̱xi̱i̱ Néná, kó nga kasakoo̱ Moisee̱, katsjaá ngo ndsó tꞌanijon.

Xki̱ 22:36

Nga kiꞌmíyaà Balaa̱k nga Balaa̱n je kjochó tiña, kijíkjaꞌáyíndi̱yà ki̱a̱ ngo nangi xi tikón xtji̱e̱e̱n ta̱ꞌii̱n tsindioó kui na̱xi̱ńdaá.

Rkaa̱ 7:45

Katseꞌéjìi̱n ngo ndsó tꞌanijón án nga kiniꞌíntindení, ta̱nga kui naa̱, ndeskande koó nga tsꞌasꞌien an ndiꞌàa̱ tsꞌénbotíndsoꞌá ndsa̱ko án.

Ni xi kamá 20:37

Kó ngayeje kui xotaa̱ askjandá má nga janíkjá ko̱jo nga katsjaá ngo ndsó tꞌanijon Pabloo̱,

Ni xi kamá 28:15

Kó já ntsꞌie xi chji̱a̱ni na̱xi̱ńdá Roma̱ ja̱bo̱a̱ jè tsintꞌié kuí eén kjo̱a̱a̱ ji̱n, kó kuíni nga kijíkjaꞌáyíndi̱yàjne̱ ngaskande ngo ngi̱ndie xi ꞌmí Foro̱ tsi̱ꞌe̱ Apioo̱, ko̱jo ngi̱ndie xi ꞌmí Ján Taberna̱, kó nga kamábe kui jaá, Pabloo̱ katsjaá ndokꞌóchjì Néná, kó ꞌniú tsja kamá ngasee̱.