Éksondo̱ 18:25 - Xo̱jo̱n eén Néná

²⁵ Kó jaꞌájin Moisee̱ jáxíꞌín xi ka̱maa̱ ko̱síko̱jo, kó katsjáxaá nga kui xi sa̱ꞌíndajin kjo̱a̱xtii̱ xota̱ na̱xi̱ńdaá. Tjín xí ngo mi̱ xota̱ katsꞌénseén, tjín xí úchán katsꞌénseén, tjín xí ichítié katsꞌénseén, ko̱jo tjín xí tie xota̱ katsꞌénseén nga.

Éksondo̱ 18:25 ပူးပေါင်းရင်းမြစ်များ

Jenesii̱s 47:6

ka̱machje̱ꞌéjin ji tꞌanangi xi mejeén tsi̱ꞌe̱ nga kꞌi̱e̱ kꞌuíndo kui na̱xi̱ńdaá. Te̱ꞌée̱ tꞌanangi xi nda ngasee̱, ki̱a̱ ngatꞌíndo nangi Ngosee̱n. Kó tsi tjín kuí jaá xi ꞌniú maá xá xí tsꞌén, te̱ꞌéxée̱ kó kuí nga koo̱n cho̱ xi tsa̱ꞌa̱n.

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 18:24

Kó Moisee̱ katsꞌén ni xi atíxomaa̱ chiꞌyaá.

Xki̱ 1:4

ko̱jo ngito̱ko̱o̱ xtín xota̱ ndiꞌa, kui xi kꞌuíndotjoón nga ngo nga ngo xtín xota̱ tji̱e̱. Kuí bí xi̱ꞌbi̱ ngito̱ko̱o̱ xtín xota̱ ndiꞌa xi chjiéngá ko̱síko̱joo̱: Xi chji̱a̱ni xota̱ tji̱e̱e̱ Rubee̱n: Elisuu̱r ndií Sendeuu̱r. Xi chji̱a̱ni xota̱ tji̱e̱e̱ Simeoo̱n: Selumiee̱l ndií Surisandaii̱. Xi chji̱a̱ni xota̱ tji̱e̱e̱ Jundáa̱: Naasoo̱n ndií Aminandaa̱b. Xi chji̱a̱ni xota̱ tji̱e̱e̱ Isakaa̱r: Natanaee̱l ndií Suaa̱r. Xi chji̱a̱ni xota̱ tji̱e̱e̱ Sabuloo̱n: Eliaa̱b ndií Eloo̱n. Xi chji̱a̱ni xota̱ tji̱e̱e̱ Efraii̱n: Elisamaa̱ ndií Amiuu̱nd. Xi chji̱a̱ni xota̱ tji̱e̱e̱ Manasee̱: Ngamaliee̱l ndií Pendasuu̱r. Xi chji̱a̱ni xota̱ tji̱e̱e̱ Benjaa̱: Abindaa̱n ndií Ngindonii̱. Xi chji̱a̱ni xota̱ tji̱e̱e̱ Ndaa̱n: Ayiesee̱r ndií Amisandaii̱. Xi chji̱a̱ni xota̱ tji̱e̱e̱ Asee̱r: Pangiee̱l ndií Okraa̱n. Xi chji̱a̱ni xota̱ tji̱e̱e̱ Ngaa̱nd: Eliasaa̱f ndií Reuee̱l. Xi chji̱a̱ni xota̱ tji̱e̱e̱ Neftalii̱: Ayiraa̱ ndií Enaa̱n».

Xki̱ 11:16

Kó Néná bi̱ katsoó Moisee̱: —Tꞌítikí jí ngi̱jii̱n xota̱ na̱xi̱ńdaá ichítié ko̱jo kan xota̱ xi xchá xí ngito̱ko̱. Tꞌenje̱ ji ki̱a̱ ndiꞌandikoón, kó ki̱a̱ nga koyara.

Ni xi kamá 6:5

Tsja kamaá kui nii̱ ngayeje xota̱ xi kamátikoó, kó tsangasejin Ixtibaa̱, nda̱ xi ꞌniú sꞌijii̱n Néná ko̱jo xi ꞌniú tjíjii̱n A̱si̱énni̱xtjii̱n Néná, ko̱jo Ngiripee̱, ko̱jo Prókoroo̱, ko̱jo Nikanoo̱r, ko̱jo Timoo̱n, ko̱jo Parmenaa̱, ko̱jo Ndikoraa̱ ngo nda̱ Antiokiya̱ xi jundío̱jín, ta̱nga katsꞌénjo̱ꞌo kjo̱a̱sꞌijii̱n Néná,

Ndeuteronomio̱ 1:15

Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.