Éksondo̱ 18:21 - Xo̱jo̱n eén Néná

²¹ »Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 18:21 ပူးပေါင်းရင်းမြစ်များ

Jenesii̱s 22:12

Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Jenesii̱s 47:6

ka̱machje̱ꞌéjin ji tꞌanangi xi mejeén tsi̱ꞌe̱ nga kꞌi̱e̱ kꞌuíndo kui na̱xi̱ńdaá. Te̱ꞌée̱ tꞌanangi xi nda ngasee̱, ki̱a̱ ngatꞌíndo nangi Ngosee̱n. Kó tsi tjín kuí jaá xi ꞌniú maá xá xí tsꞌén, te̱ꞌéxée̱ kó kuí nga koo̱n cho̱ xi tsa̱ꞌa̱n.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 29:16

Án boá xi kamá an na̱ꞌmii̱ xota̱ ni̱ma̱a̱, án boá xi tsꞌaxiéꞌá an xota̱ xi xín nangii̱:

Joo̱b 31:13

»Kjiꞌanga já moso̱na ko̱jo chji̱ni̱e̱ꞌbona tjín ni xi tsjajín kamaá, kó tsíchji̱a̱jona, kixi̱ katsꞌéndajin an kjo̱a̱xtii̱.

Xo̱jo̱n Salmoo̱ 15:1

Ji Ne, tꞌíyéní, ꞌyání xi ka̱ma kꞌuijñá ndiꞌandikóo̱n. ꞌYání xi ka̱ma kꞌuijñá na̱xi̱ ndikóo̱n.

Xo̱jo̱n Salmoo̱ 15:5

kui xi jmí ndyi̱ko̱n foaꞌáchjíjín nga to̱n tsꞌénkíyà, ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín. Kui xota̱ xi sa̱ꞌín ngayeje kui nii̱, ngatsjéni̱xtjin nga ꞌniú kꞌuijñá.

Éksondo̱ 17:9

Kó ki̱a̱ Moisee̱ bi̱ katsoó Josuee̱: «Chje̱ꞌéjin ji chiboa jáxíꞌín, kó tangínki̱xkánjo̱jnú xota̱ Amalee̱k. Ndyiojón kotíjña̱ an nga̱són nínga ꞌniú nkꞌaá na̱xi̱i̱, kó koꞌniú án yánísié xi katsjána Néná kui xi katsꞌenjéñáa̱ xota̱ Ejiptoo̱».

Éksondo̱ 18:25

Kó jaꞌájin Moisee̱ jáxíꞌín xi ka̱maa̱ ko̱síko̱jo, kó katsjáxaá nga kui xi sa̱ꞌíndajin kjo̱a̱xtii̱ xota̱ na̱xi̱ńdaá. Tjín xí ngo mi̱ xota̱ katsꞌénseén, tjín xí úchán katsꞌénseén, tjín xí ichítié katsꞌénseén, ko̱jo tjín xí tie xota̱ katsꞌénseén nga.

Énkjínkón 28:2

Kjiꞌanga kjo̱a̱xchán tjín ngo na̱xi̱ńdá, ma kjín ngase xota̱ xi botixómaá, ta̱nga nda̱ xi botixómaá xi nda makjiín ko̱jo xi kjínkoón, kuí xí mongase nga nda ꞌbíjñá kui ngi̱ndiee̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Xki̱ 1:4

ko̱jo ngito̱ko̱o̱ xtín xota̱ ndiꞌa, kui xi kꞌuíndotjoón nga ngo nga ngo xtín xota̱ tji̱e̱. Kuí bí xi̱ꞌbi̱ ngito̱ko̱o̱ xtín xota̱ ndiꞌa xi chjiéngá ko̱síko̱joo̱: Xi chji̱a̱ni xota̱ tji̱e̱e̱ Rubee̱n: Elisuu̱r ndií Sendeuu̱r. Xi chji̱a̱ni xota̱ tji̱e̱e̱ Simeoo̱n: Selumiee̱l ndií Surisandaii̱. Xi chji̱a̱ni xota̱ tji̱e̱e̱ Jundáa̱: Naasoo̱n ndií Aminandaa̱b. Xi chji̱a̱ni xota̱ tji̱e̱e̱ Isakaa̱r: Natanaee̱l ndií Suaa̱r. Xi chji̱a̱ni xota̱ tji̱e̱e̱ Sabuloo̱n: Eliaa̱b ndií Eloo̱n. Xi chji̱a̱ni xota̱ tji̱e̱e̱ Efraii̱n: Elisamaa̱ ndií Amiuu̱nd. Xi chji̱a̱ni xota̱ tji̱e̱e̱ Manasee̱: Ngamaliee̱l ndií Pendasuu̱r. Xi chji̱a̱ni xota̱ tji̱e̱e̱ Benjaa̱: Abindaa̱n ndií Ngindonii̱. Xi chji̱a̱ni xota̱ tji̱e̱e̱ Ndaa̱n: Ayiesee̱r ndií Amisandaii̱. Xi chji̱a̱ni xota̱ tji̱e̱e̱ Asee̱r: Pangiee̱l ndií Okraa̱n. Xi chji̱a̱ni xota̱ tji̱e̱e̱ Ngaa̱nd: Eliasaa̱f ndií Reuee̱l. Xi chji̱a̱ni xota̱ tji̱e̱e̱ Neftalii̱: Ayiraa̱ ndií Enaa̱n».

Rkaa̱ 18:2

bi̱ katsoó: –Ngo na̱xi̱ńdáꞌniú kisꞌijña ngo nendiꞌamasien xi katsakjónjín Néná, kó kamábendikónjín xotaa̱.

Rkaa̱ 18:4

Kó kjín ni̱xtjin nga kamámejénjiín kui nendiꞌamasiee̱n nga katsꞌénseén, ta̱nga ti̱chaa̱n, bi̱ tsꞌén yíjin kon: “Ndatsi tsakjonjín an Néná, kó ti̱ bendikónjín an xotaa̱,

Ni xi kamá 20:33

Jmí to̱ntiboa, ti̱nde jmí to̱nsinié, ti̱nde jmí ńjñoo̱ xotaa̱ kamámejénjínna,

Ni xi kamá 6:3

Kó kuíni ntsꞌie, ti̱ndyi̱séjinjnú yito jáxíꞌín ngi̱jinjnú xi nda tsꞌén síndo ngindyi̱ko̱n Néná, ko̱jo xi ꞌniú tjíjii̱n A̱si̱énni̱xtjii̱n Néná, ko̱jo xi tjiín kjo̱a̱kjínkón, tsi̱ꞌe̱ nga kui xi sa̱ꞌín kui xaá.

Ndeuteronomio̱ 22:18

»Kósꞌe̱ já xaá ko̱tíjeé kui nda̱a̱ nga ko̱ꞌon ngo ńꞌniú ta̱ngatꞌanii̱ nga índiso kondraa̱ chjo̱ón.

1 Timoo̱ 3:3

ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.