Éksondo̱ 18:12 - Xo̱jo̱n eén Néná

¹² Kósꞌe̱ Jetroo̱ tji̱e̱nmá katsꞌénkꞌasꞌiee̱n Néná ngo kjo̱a̱tjó xi ndií cho̱tsa̱nga̱, kó ti̱ katsꞌénkꞌasꞌien ngasee̱ kje̱ꞌe kjo̱a̱tjó. Jaskan ngije kamá kui nii̱ Aaroo̱n ko̱jo ngito̱ko̱o̱ xota̱ na̱xi̱ńdá Israee̱l jachókjiniejo̱ ṉño̱ chiꞌyaá Moisee̱ kje̱n ṉchandikoón Néná.

Éksondo̱ 18:12 ပူးပေါင်းရင်းမြစ်များ

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 26:25

Kósꞌe̱ Isaa̱ ki̱a̱ katsꞌénda ngo ṉchandikón nínga katsꞌéntsjaà Néná, kó ki̱a̱ katsꞌénda ndiꞌa xi tji̱xi̱ín cho̱ kamáni, sꞌe̱ já mosoo̱ katsꞌénda ingo ndáńchꞌi̱.

Jenesii̱s 26:30

Kósꞌe̱ Isaa̱ katsjaá tsie nichinie, kó kui jaá iskjinie ko̱jo katsꞌe.

Jenesii̱s 31:54

Sꞌe̱ katsꞌénkꞌién ngo cho̱ xi katsꞌénkꞌasꞌiee̱n Néná ki̱a̱ na̱xi̱i̱, sꞌe̱ tsíchji̱a̱a̱ xota̱ xkjín tsi̱ꞌe̱ nga iskjinie nichinie, kó ki̱a̱ kisꞌiyojo kui na̱xi̱i̱ kui ni̱xtji̱e̱n xi̱ꞌba̱.

Jenesii̱s 4:4

Kó Abee̱ ti̱ kijíjoo̱ Néná ngo kjo̱a̱tjó nga, kó jaꞌájin ndí xí tjoón cho̱tsa̱nga̱ xi kamáxchaá xi ꞌniú yiꞌi ngasee̱. Kó Néná achichí tsjá kamaá kjo̱a̱tjó xi katsꞌénkꞌasꞌien Abee̱,

Jenesii̱s 43:25

Kó nga je be kui jaá nga ki̱a̱ kjo̱chó Kosiee̱ nga nijan skji̱ni̱e̱jo ṉño̱ nga ka̱mandisꞌué, índonda ni xi ndyi̱yaꞌa xi sa̱ꞌinkꞌasꞌiee̱n.

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Joo̱b 42:11

Kó ngayeje ntsꞌie ko̱jo ndichja, ko̱jo ngayeje xota̱ xi kamábe ngasꞌe̱, kijíkatsijee̱n, kó ngo sꞌué xí ꞌniú katsꞌén. Katsjangaꞌniuú ko̱jo katsꞌéndajoo̱n kjo̱a̱a̱ ngayeje kjo̱a̱ni̱ma̱ xi Néná katsꞌénkjaꞌatio, kó nga ngo nga ngo kui jaá ngo to̱ntiboa ko̱jo ngo sti̱ngaro xi to̱nsinié katsjaá Joo̱b.

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Éksondo̱ 18:13

Nga kamángindyiojón Moisee̱ kisꞌijñando nga tsintꞌieé kjo̱a̱xti xi jachókꞌíni̱jmi̱ì xota̱ Israee̱l tsi̱ꞌe̱ nga kui sa̱ꞌíndajin. Nga ngo ni̱xtjii̱n nga kixindyia kixi̱ xotaa̱ nga askoyaá nga sa̱kóndieé nga ku̱i̱chji̱a̱jo Moisee̱.

Éksondo̱ 2:16

Ngi̱chí sájín jachó ki̱a̱ kui ndáńchꞌií yito ínchjín kjindí xí kijíkꞌaxié ndáfoa, tsi̱ꞌe̱ nga ku̱i̱ndyiákitsie ngi̱ndie nínga ꞌbi ndáfoa cho̱tsa̱nga̱a̱. Ngayeje kui ínchjiín, ínchjiín Jetroo̱ boá, kui nda̱ xi chináꞌmii̱ nangi Mandiaa̱n.

Éksondo̱ 2:20

—Kó ñá tikón kui nda̱a̱ —katsó na̱ꞌmii̱. Kó ánní nga jàn jàn ikꞌíjñásoboákonjnú. ¡Ndókjo̱a̱jnúu̱ tsi̱ꞌe̱ nga kji̱ndi̱bákjiniejo̱ná nichinie!

Éksondo̱ 20:24

»Kjiꞌanga si̱ꞌandajnú ngo ṉchandikón tsi̱ꞌe̱ nga an si̱ꞌandikónjnúꞌun, ńdie ti̱ꞌandajo̱jnú, kó ki̱a̱ ti̱ꞌankꞌiènjnú cho̱tsa̱nga̱ ko̱jo cho̱yojo xi̱ꞌin xi si̱ꞌankꞌasꞌienjnúꞌun. Ki̱a̱ tꞌíjñájnú nga̱soón kui ṉchaa̱n kui kjo̱a̱tjó xi si̱ꞌankꞌasꞌienjnú kjo̱a̱a̱ jeé xota̱ na̱xi̱ńdaá, ko̱jo kui kjo̱a̱tjó xi bokó nga mejénjnú nga kꞌuiéná kjo̱a̱xió jún ko̱jo an, ko̱jo jún ko̱jo xota̱ xi ngasee̱. An kji̱ndi̱bá an ngo ngi̱ndie xi kjoaꞌajin an tsi̱ꞌe̱ nga kjo̱a̱ꞌátsjienjnú an, kó án boá xi sa̱ꞌin an nga nda ka̱ma ngayeje ni xi si̱ꞌánjnú.

Éksondo̱ 24:5

Kósꞌe̱ íxaá já xo̱ngò xí chji̱a̱ni xota̱ Israee̱l, xi katsꞌénkꞌasꞌiee̱n Néná cho̱yojo toro̱ kjo̱a̱a̱ kjo̱a̱xioó.

Éksondo̱ 3:1

Kó Moisee̱ askoo̱n cho̱tsa̱nga̱a̱ Jetroo̱, chiꞌyaá, kui xi chináꞌmii̱ nangi Mandia̱n. Kó ngo ndi̱yà Moisee̱ kijíjo̱ kui cho̱tsa̱nga̱a̱ xtji̱e̱e̱n nangi kixií, kó jachó ngaskande na̱xi̱i̱ Néná kui xi ꞌmí na̱xi̱ Oree̱b.

Éksondo̱ 33:7

Kó Moisee̱ katsꞌénda ngo ndiꞌańkꞌién xi íjñá ndi̱tsee̱n ngi̱ndie nínga kisꞌińdo xotaa̱, kó, ndiꞌańkꞌién nínga ka̱matikó xotaa̱, ítꞌajaꞌén kuí ngi̱ndiee̱. Kó kjiꞌanga tjín xota̱ xi kamámejeén tsíchji̱a̱jo Néná, jatjoxie nínga kisꞌińdo xotaa̱, kó ki̱a̱ tsꞌasꞌien kui ndiꞌańkꞌieén.

Xki̱ 10:29

Moisee̱ bi̱ katsoó Obaa̱b, nda̱ xi xkjín, kui xi ndií Reuee̱l, nda̱ xi chji̱a̱ni nangi Mandiaa̱n: —Nangi xi Néná tsja̱ajne̱ ki̱a̱ ndyi̱mongínjne̱. Ja̱bíꞌi̱n, kó tꞌenje̱jne̱. Nda si̱ꞌanjo̱jne̱ ji, xikótsꞌèn Néná je bo̱a̱ katsó nga nda sa̱ꞌínjo̱jne̱ ji̱n.

Rkaa̱ 14:1

Kó ngo ni̱xtjin ndikón, Kjisoo̱ kijíkjinie ṉño̱ ndiꞌaa̱ ngo nda̱ xi tjiín xá, xí nda̱ fariseo̱, kó já fariseo̱ xi ngasee̱ askotsijen ndá ndaá ni xi tjítsꞌén Kjisoo̱.

Rkaa̱ 14:15

Nga tsintꞌié kuí nii̱, ngo nda̱ xi tikóntꞌajo̱ yámíxa̱ Kjisoo̱, bi̱ katsó: –Achichíra̱tsjaa̱ xi skji̱ni̱e̱ nichinie nga ko̱tíxoma Néná.

1 Xota̱ Korinto̱ 10:18

Tsitsíjen chi̱bo̱a̱yajnúu̱ xota̱ Israee̱l, nga kuí boá xota̱ xi ndyi̱kjinie ni xi je kiniꞌánkꞌasꞌiee̱n nga kjo̱a̱tjó Néná, kó a ki̱a̱jín nijan ndyi̱tsꞌèngo yojoo̱ kui ko̱jo kui ṉchaa̱n, nga ndyi̱kjinie kjo̱a̱tjó xi kiniꞌánkꞌasꞌiee̱n.

1 Xota̱ Korinto̱ 10:21

Ka̱májín sꞌi̱o̱yàjnú chi̱tse̱én Ndi̱a̱ná, sꞌe̱ ti̱ sꞌi̱o̱yàjnú chi̱tse̱én xindajín nga, ti̱nde ka̱májín yámíxa̱a̱ Ndi̱a̱ná ku̱i̱ndyiontꞌajnú, sꞌe̱ ti̱ ku̱i̱ndyiontꞌajnú yámíxa̱a̱ xindajín nga.

1 Xota̱ Korinto̱ 10:31

Kó kuíni, tsi xi̱ni̱e̱jnú, ko̱jo tsi sꞌi̱o̱jnú, ko̱jo tsi kje̱ꞌe ni si̱ꞌánjnú, ngayeje ni xi si̱ꞌánjnú nga ta̱kó kjo̱a̱jee̱ Néná.

Ndeuteronomio̱ 12:7

»Ngo sꞌué ti̱ꞌánjnú kui ngi̱ndiee̱, kó tsjatsꞌèn ku̱i̱ndyionjnú jún, ko̱jo xota̱ ndiꞌajnú, ko̱jo moso̱jnú, ko̱jo xota̱ tji̱e̱e̱ Lebii̱ xi ki̱a̱ síndojinjnú. Ngatjaꞌátsjienjnú nga chjiéngá ko̱e̱ꞌéchiboajnúu̱ kui xotaa̱ ni xi an tsjajnúꞌun, ngatꞌa̱ kui xotaa̱ nde ngo chikjan tꞌanangi sa̱kójiín xi kui tsi̱ꞌe̱ ka̱ma. »Ngije ki̱a̱ tindyiónjnú kui tꞌanangii̱, ngiti̱ ka̱májín ta̱xkiya si̱ꞌánjnú ni xi mejénjnú, xikó ndyi̱niꞌánjnú ngaskande ngotꞌe̱. Ngatꞌa̱ ki̱a̱ ngi̱ndie nínga tindyiónjnú ngotꞌe̱, jmí tsi kui xi ngi̱ndie nínga xió kjiꞌi xi tsja̱ajnú Néná, tsi̱ꞌe̱ nga kjóchójnú kui ngi̱ndiee̱, chjiéngá ku̱i̱tja̱tiójnú ndejèꞌ Jorndaa̱n. Ta̱ niꞌin kjóchójnú kui ngi̱ndiee̱, kó ngije kiniꞌánjnúu̱ ngayeje kondra̱jnú, kꞌuiéjnú kjo̱a̱xió, kó ndatsꞌèn ku̱i̱ndyionjnú.