Éksondo̱ 18:11 - Xo̱jo̱n eén Néná

¹¹ Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Éksondo̱ 18:11 ပူးပေါင်းရင်းမြစ်များ

Xo̱jo̱n Salmoo̱ 119:21

¡Achichí ndasen mana kjo̱a̱a̱ kui xota̱ xi tsꞌénkjátjosónjín kjo̱a̱botíxomàa̱! ¡Jí boá xi niꞌínxchínje̱ ji kui xi nkꞌakoo̱n!

Xo̱jo̱n Salmoo̱ 135:5

Jè be an nga Néná tjín ngasee̱ ngaꞌniú ta̱bo̱a̱jiín ngayeje ne xi ngasee̱.

Xo̱jo̱n Salmoo̱ 31:23

Ti̱ꞌantjójnú Néná, ngayeje jún xi xota̱ xi tsjiee̱, Néná kónrií xota̱ xi kjimaꞌniátakón kuí, ta̱nga xota̱ xi nkꞌakoo̱n, tsjáchjírií nga tsjaá ni xi tsoboaá.

Xo̱jo̱n Salmoo̱ 95:3

Ngatꞌa̱ Néná, achichí ngaꞌniú xí tjiín, ¡kó kuí boá ngo re xi nkꞌa ngase xaá, ngi̱jii̱n ngayeje ne xi ngasee̱!

Xo̱jo̱n Salmoo̱ 97:9

¡Ngatꞌa̱ jí boá xi Ne xi tindyin ji nínga nkꞌaa̱, nga̱soón ngayeje tꞌanangii̱! ¡Achichí ꞌniú yandikoón, ta̱bo̱a̱jiín xikoó ngayeje ne xi ngasee̱!

Éksondo̱ 1:10

kuíni nga chjiéngá nda nda má tsꞌén si̱ꞌankjó ni xi si̱ꞌanjo̱, tsi̱ꞌe̱ nga ngiti̱ ka̱makjínjín ngase, ngatꞌa̱ tsi ngo kjo̱a̱xchán kji̱ndi̱bá, kó tsi ki̱a̱ nijan ka̱majo̱ kondra̱ná, skjánjo̱ná kuí xotaa̱, kósꞌe̱ jaskan kjo̱tjo kui na̱xi̱ńdaá ngijee̱».

Éksondo̱ 1:16

—Kjiꞌanga ko̱ꞌna̱je̱njnú ndií ínchjín ebreoo̱, tsitsíjenjnúu̱ tsi xi̱ꞌin ko̱jo tsi chjo̱on, tsi chjo̱on ngata̱ jmí ni niꞌánjo̱jínjnú, ta̱nga tsi xi̱ꞌin, ¡ti̱ꞌankꞌiènjnú!

Éksondo̱ 1:22

nda̱ ree̱ nangi Ejipto̱, bi̱ katsoó nga atíxomaa̱ ngayeje xota̱ na̱xi̱ńdaá: «¡Ngayeje ndí xí xi̱ꞌin xi stse̱én ínchjín Israee̱l, ngi̱jin ndáfoaa̱ tjajmijinjnú, kó ki̱a̱ ngatjisón ngándá, ta̱nga ndí xí ínchjiín, ngata̱ jmí ni niꞌánjo̱jínjnú!»

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 12:12

»Kui ni̱xtji̱e̱e̱n an kjo̱a̱ꞌa an ngi̱jii̱n ngayeje nangi Ejiptoo̱, kó sa̱ꞌinkꞌién an ngayeje ndí xíꞌín xi tjoón nga ngo nga ngo xtín xota̱ Ejiptoo̱, ko̱jo cho̱ tjié xi tjiín nga. Án boá xi Nee̱ xota̱ Israee̱l, kó án boá xi tsjachjíi̱ ne xi tjín nangi Ejipto̱.

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Éksondo̱ 5:2

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱nde tsjandièjín an nga kjo̱tjojnú!

Éksondo̱ 5:7

«Ngiti̱ boeꞌéjínjnúu̱ ndi̱ji̱ xi sa̱ꞌíndajo̱ ńdiekachján xota̱ Israee̱l xikó ndyi̱niꞌánjo̱jnú, ta̱sá kuí ngatjíkjaꞌáꞌyá kuí ndi̱ji̱i̱.

Rkaa̱ 1:51

Néná katsꞌénkjién ngaꞌniuú, kó katsꞌénkjatsón ni xi katsꞌénkjó xota̱ xi nkꞌakon maá yojoo̱ ngi̱jin ini̱ma̱a̱.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.