Éksondo̱ 18:1 - Xo̱jo̱n eén Néná

^1-5 Kjiꞌanga to̱kó tikón Moisee̱ nangi Ejipto̱, katsangiyaꞌoyá nginí na̱ Séfora̱ chjo̱ón nangi Mandiaa̱n. Kó ki̱a̱ Jetroo̱, kui nda̱ xi chiꞌyaá Moisee̱, kui xi chináꞌmii̱ kui ngi̱ndiee̱ kamá, kuí askoo̱n na̱ Séfora̱, tsa̱kji̱ín ko̱jo Ngersoo̱n ko̱jo Eliesee̱r kui xi ndíndee̱. Ndí tjoón Moisee̱ Ngersoo̱n ítꞌajaꞌén «Nda̱ xi xín nangi» tsó kui jaꞌeén, ngatꞌa̱ ki̱a̱ kisꞌijña ngo nangi xi kuijín tsi̱ꞌe̱. Ndí xí ma joó, Eliesee̱r ítꞌajaꞌén «Néná boá xi bosikójona» tsó kui jaꞌeén, ngatꞌa̱ jaꞌátsjiee̱n nga kui Néná xi tsi̱ꞌe̱ na̱ꞌmii̱ asíko̱jo, kó kuí boá xi tsꞌaxiéꞌá kjiꞌanga nda̱ ree̱ nangi Ejipto̱ sa̱ꞌínkꞌién katsaki. Kó Jetroo̱ ja̱bo̱a̱ jè be nga ngayeje ni xi katsꞌén Néná nganda tsi̱ꞌe̱ Moisee̱ boá, ko̱jo nga Néná boá xi tsꞌaxié xota̱ Israee̱l ki̱a̱ nangi Ejiptoo̱. Ta̱nga kjiꞌanga Jetroo̱ kintꞌié nga Moisee̱ ki̱a̱ tjítsꞌénkjaꞌyá nangi kixií, ki̱a̱ tꞌa na̱xi̱i̱ Néná, kamámejeén kijítji̱ngii̱ kui ko̱jo na̱ Séforaa̱ ko̱jo Ngersoo̱n ko̱jo Eliesee̱r.

Éksondo̱ 18:1 ပူးပေါင်းရင်းမြစ်များ

Xo̱jo̱n Salmoo̱ 105:43

Askjandáyá má, kó tsja kamá kjiꞌanga Néná tsꞌaxiéni nangi Ejipto̱ kui xota̱ na̱xi̱ńdá xí Néná je jaꞌájii̱n,

Xo̱jo̱n Salmoo̱ 105:5

Ngatjaꞌátsjienná ni xi fíndikónná xi je katsꞌén Néná, ngatjaꞌátsjienná kjo̱a̱ndikón ko̱jo kjo̱a̱botíxoma xi katsjáná.

Xo̱jo̱n Salmoo̱ 106:2

¡Ngojín xota̱ xi ka̱maa̱ ka̱tso̱yà cha̱n cha̱n kjo̱a̱ndikón yiꞌi xi katsꞌén Néná! ¡Ngojín xota̱ xi ka̱maa̱ sa̱ꞌíntsjaá xikótsꞌèn tsoboaá kui!

Xo̱jo̱n Salmoo̱ 34:2

¡Ngayejení ini̱ma̱na nga sa̱ꞌintsjáa̱ Néná, kó achichí tsjá ka̱maa̱ xota̱ xi ntꞌiéꞌeén nga ku̱i̱ntꞌiè!

Xo̱jo̱n Salmoo̱ 44:1

Ji Ne, tji̱bo̱a̱nijón má ji̱n xi je tsintꞌié, kó xota̱ xi xchájne̱ katsóyàjne̱, ni yiꞌi xi ꞌniú fíndikónná xi kiniꞌín ji ni̱xtjin xcháján.

Xo̱jo̱n Salmoo̱ 78:4

Ka̱májín kꞌuiꞌmáa̱ ndíná kuí nii̱, chjiéngá kꞌuiyáa̱ xota̱ xi jaskan kꞌuieé xikótsꞌèn niꞌántsjáa̱ Néná, ko̱jo ngaꞌniú xí kisꞌiee̱, ko̱jo ni yiꞌi xi katsꞌén kuí.

Éksondo̱ 2:16

Ngi̱chí sájín jachó ki̱a̱ kui ndáńchꞌií yito ínchjín kjindí xí kijíkꞌaxié ndáfoa, tsi̱ꞌe̱ nga ku̱i̱ndyiákitsie ngi̱ndie nínga ꞌbi ndáfoa cho̱tsa̱nga̱a̱. Ngayeje kui ínchjiín, ínchjiín Jetroo̱ boá, kui nda̱ xi chináꞌmii̱ nangi Mandiaa̱n.

Éksondo̱ 2:18

Kó nga jachó ndiꞌaa̱ kui ínchjiín, na̱ꞌmii̱ bi̱ tsꞌén asíyaá: —Ánní nga tá xotí jèꞌe̱konjnú.

Éksondo̱ 2:21

Kjiꞌanga ndyi̱kjinie nichinie, Jetroo̱ tsíchji̱a̱jo Moisee̱ kó bo̱a̱ katsoó nga ki̱a̱ ngatꞌíjñá nínga tikón ndiꞌaa̱, kó jo̱ꞌo katsó Moisee̱. Jaskan ngije jaꞌa ni̱xtjin Jetroo̱ katsꞌénkixanjo̱ Moisee̱ tsa̱kji̱ín, kui xi ꞌmí na̱ Séforaa̱.

Éksondo̱ 3:1

Kó Moisee̱ askoo̱n cho̱tsa̱nga̱a̱ Jetroo̱, chiꞌyaá, kui xi chináꞌmii̱ nangi Mandia̱n. Kó ngo ndi̱yà Moisee̱ kijíjo̱ kui cho̱tsa̱nga̱a̱ xtji̱e̱e̱n nangi kixií, kó jachó ngaskande na̱xi̱i̱ Néná kui xi ꞌmí na̱xi̱ Oree̱b.

Éksondo̱ 4:18

Kó Moisee̱ kijí nginí ndiꞌaa̱ Jetroo̱ kui xi chiꞌyaá, kó bi̱ katsoó: —Te̱ꞌéndièní nga kjuín ngiñá an nangi Ejipto̱, mejénna sku̱i̱e̱ an tsi ta̱kó síndo ngase nga̱sondie xota̱ Israee̱l. Kó Jetroo̱ bi̱ katsoó: —Tꞌen xió xió ji. Kó nda ngatjií nínga tiꞌmi ji.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Xki̱ 10:29

Moisee̱ bi̱ katsoó Obaa̱b, nda̱ xi xkjín, kui xi ndií Reuee̱l, nda̱ xi chji̱a̱ni nangi Mandiaa̱n: —Nangi xi Néná tsja̱ajne̱ ki̱a̱ ndyi̱mongínjne̱. Ja̱bíꞌi̱n, kó tꞌenje̱jne̱. Nda si̱ꞌanjo̱jne̱ ji, xikótsꞌèn Néná je bo̱a̱ katsó nga nda sa̱ꞌínjo̱jne̱ ji̱n.

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

Ni xi kamá 15:12

Kó ngayeje xotaa̱ nga xió kisꞌińdo, tji̱e̱nga tsintꞌieé Bernabee̱ ko̱jo Pabloo̱ nga íni̱jmì kjo̱a̱a̱ ngayeje chi̱bo̱a̱ ko̱jo kjo̱a̱ndikón xí katsꞌén Néná ngi̱ya tsja kui jaá ngi̱jii̱n xota̱ xi jundío̱jiín.

Xota̱ Roma̱ 15:18

ngatꞌa̱ ta̱xkiya kuichji̱a̱jín an ngo ni, ta̱ ngototo ni xi tsꞌén Kristoo̱, nga tsꞌénkjiénna tsi̱ꞌe̱ nga ku̱i̱ntꞌiéꞌeén Néná xota̱ xi jundío̱jín, ngatsꞌénkjién án én, ko̱jo ni xi tjítsꞌen an.