Éksondo̱ 17:9 - Xo̱jo̱n eén Néná

⁹ Kó ki̱a̱ Moisee̱ bi̱ katsoó Josuee̱: «Chje̱ꞌéjin ji chiboa jáxíꞌín, kó tangínki̱xkánjo̱jnú xota̱ Amalee̱k. Ndyiojón kotíjña̱ an nga̱són nínga ꞌniú nkꞌaá na̱xi̱i̱, kó koꞌniú án yánísié xi katsjána Néná kui xi katsꞌenjéñáa̱ xota̱ Ejiptoo̱».

Éksondo̱ 17:9 ပူးပေါင်းရင်းမြစ်များ

Éksondo̱ 17:13

Kó bo̱a̱ tsꞌén nga Josuee̱ katsꞌeén nga askjanjo̱ xota̱ Amalee̱k.

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 24:13

Kó jastjíe̱n Moisee̱ sꞌe̱ kijínijíngí kui na̱xi̱i̱ kó kijíjo̱ Josuee̱ kui nda̱ xi bosikójo.

Éksondo̱ 33:11

Ngatsjéni̱xtjin nga tsꞌasꞌien Moisee̱ ngi̱yaa̱ kui ndiꞌańkꞌieén, kuí má xi tsíchji̱a̱jo Néná xikótsꞌèn ndokjo̱a̱ni̱jmìjo̱ ngo amingo̱. Jaskan Moisee̱ kijí nginí ngi̱ndie nínga síndo xotaa̱. Josuee̱ kui nda̱ xi bosikójo Moisee̱ ngatsjéni̱xtjin nga ki̱a̱ kisꞌijña nínga tikón ndiꞌańkꞌién nínga kamátikó xotaa̱.

Éksondo̱ 4:17

Tꞌen, kó chjábé jí yánísiée̱, kó ti̱ꞌin ji ni xi je atixomaa nga si̱ꞌin ji.

Éksondo̱ 4:2

Kósꞌe̱ Néná bi̱ katsoó Moisee̱: —Mí nii̱ bo̱a̱ xi katsjayindse̱ ji. —Yánísié boá —katsó Moisee̱.

Éksondo̱ 4:20

Kósꞌe̱ Moisee̱ iskjíbé ngo bórró kó katsꞌénkꞌíndosón chjo̱ón ko̱jo ndií, kó kijí xtji̱e̱e̱n nangi Ejipto̱. Kó ti̱ iskjíbé yánísié xi Néná katsjaá nga.

Xki̱ 11:28

Kó Josuee̱, kui nda̱ xi ndeskande koó nga xo̱ngò nga asíko̱jo Moisee̱, ki̱a̱ kisꞌijña, kó nga tsintꞌié ni xi katsó kui nda̱a̱, bi̱ katsó: —Moisee̱, ji ndi̱a̱, ¡ngata̱ boeꞌéndièjíi̱n kui jaá nga ku̱i̱chji̱a̱ én xí Néná tsjá!

Xki̱ 13:16

Kó Oseaa̱, kui xi ndií Nuu̱n, Moisee̱ asíkjoo̱ jaꞌeén kó “Josue̱” ítꞌajaꞌén. Sꞌe̱ jaskan Moisee̱ katsangiya kui já ngito̱ko̱o̱ xota̱ Israee̱l nga kijíkatsijen nangi Kanaa̱n, kó bi̱ katsoó: «Tangínjnú xtji̱e̱e̱n nangi kixií, ngaskande nga kjóchójnú na̱xi̱i̱.

Xki̱ 13:8

Oseaa̱, xi chji̱a̱ni xota̱ tji̱e̱e̱ Efraii̱n,

Xki̱ 27:18

Kósꞌe̱ Néná bi̱ tsꞌén atíxomaa̱ Moisee̱: —Ndokjoée̱ Josuee̱, kui nda̱ xi tsakjónjín ko̱jo xi ntꞌiéꞌénna, kó ki̱a̱ tꞌenje̱ ji ngindyi̱ko̱n chináꞌmi Eleasaa̱, ko̱jo ngindyi̱ko̱n ngayeje xota̱ na̱xi̱ńdaá, kó ngindyi̱ko̱n ngayeje kui xota̱ na̱xi̱ńdaá tꞌíjñisée̱n ndse̱ to̱ko̱ Josuee̱. Ki̱a̱ boá nínga kui ko̱e̱ꞌée̱ xá xí tjiín ji, kó kuí xí si̱ꞌin ji ngito̱ko̱ xi nkꞌa xaá kui na̱xi̱ńdaá. Eleasaa̱ boá xi sa̱ꞌinkjièn án nga xiyàa̱ mí ni xi sa̱ꞌín nga kui xi je ngito̱ko̱o̱ jájún xi chji̱a̱ni Israee̱l. Tatíxomée̱ xota̱ Israee̱l nga chjiéngá ku̱i̱ntꞌiéꞌeén ngayeje ni xi ka̱tso̱ Josuee̱.

Ni xi kamá 7:45

kui xi xota̱ tji̱e̱ xcháná ta̱ katseꞌérií nga jachójo̱ nda̱ xi ꞌmí Josuee̱, kjiꞌanga iskjíbé tꞌanangii̱ xota̱ xi Israee̱ljín, kui xi Néná tsꞌaxié ngindyi̱ko̱n xota̱ tji̱e̱ xcháná, ngaskande nga kamá re Ndabii̱,

Ndeuteronomio̱ 32:44

Kó tji̱e̱nga Moisee̱ kisie kui soó ngindyi̱ko̱n xota̱ na̱xi̱ńdaá, Josuee̱ ki̱a̱ kisꞌijñatꞌaa̱ ngatsjéni̱xtjin.

Xota̱ Ebreo̱ 4:8

Ngatꞌa̱ tsi Josuee̱ xi katsjaá ngi̱ndie nínga niꞌánkjaꞌyá kui xota̱ xi chji̱a̱ni Israee̱l, ja̱ Néná ngiti̱ tsíchji̱a̱jín nga tsja̱á kje̱ꞌe ni̱xtjin tsobo̱a̱.