Éksondo̱ 17:14 - Xo̱jo̱n eén Néná

¹⁴ Kó ngi̱chí sájín Néná bi̱ katsoó Moisee̱: «Ti̱ꞌinꞌindé ji ngayeje ni xi kamá kui kjo̱a̱xcha̱án, tsi̱ꞌe̱ nga jmíjín xi xchi̱yaa̱, kó bo̱a̱ tꞌíi̱n Josuee̱ nga án boá xi sa̱ꞌin an nga ngiti̱ jmíjín xi kjo̱a̱ꞌátsjiee̱n xota̱ Amalee̱k».

Éksondo̱ 17:14 ပူးပေါင်းရင်းမြစ်များ

Joo̱b 18:17

Nde ngojín xi kjo̱a̱ꞌátsjiee̱n kui, kó nde ngojín xi sa̱ꞌínkaxoma jaꞌeén ki̱a̱ ndi̱yàtieé.

Joo̱b 19:23

»¡Achichí mejénna nga ngo xo̱jo̱n si̱tꞌa énna katsaki,

Xo̱jo̱n Salmoo̱ 9:6

Jè kichajá kondraa̱, jè kisꞌińdomasien ngatsjéni̱xtjin. Na̱xi̱ńdáꞌniú xí kiniꞌínkjatsén jí, ki̱a̱ nijan jesónjo̱ kjo̱a̱foaꞌátsjiee̱n.

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 17:13

Kó bo̱a̱ tsꞌén nga Josuee̱ katsꞌeén nga askjanjo̱ xota̱ Amalee̱k.

Éksondo̱ 24:4

Kó Moisee̱ ki̱a̱ katsꞌénꞌindó ngayeje ni xi katsó Néná. Kó nga kamángindyiojón achichí ta̱jñó jastjíe̱n sꞌe̱ ngo ṉchandikón katsꞌénda ki̱a̱ tꞌa se na̱xi̱i̱, kó tiejó ndi̱jo̱ índoxó, kui xi bokó nga tiejó xota̱ tji̱e̱e̱ xota̱ Israee̱l.

Éksondo̱ 32:33

Kósꞌe̱ Néná bi̱ katsoó Moisee̱: —Xi sa̱ꞌínjé kondra̱na, án boá xi sa̱ꞌinkjié an jaꞌeén ki̱a̱ xo̱jo̱n nínga kjitꞌa.

Éksondo̱ 34:27

Ngayeje kui kjo̱a̱kitii̱ xi yaꞌajo̱nii̱ ni xi índajo̱ Néná xota̱ na̱xi̱ńdá Israee̱l, kuíni nga Néná atíxomaa̱ Moisee̱ tsi̱ꞌe̱ nga sa̱ꞌínꞌindó.

Énkjínkón 10:7

Kjo̱a̱niꞌánchikonñé boá kjiꞌanga niꞌánkjaꞌátsjien xota̱ xi kixi̱i̱, ta̱nga jaꞌeén xota̱ xi ꞌniú ndajiín, niꞌánchꞌó.

Xki̱ 24:20

Ngije katsó kui nii̱, Balaa̱n askotsijen xtji̱e̱e̱n nínga tikón nangii̱ Amalee̱k, kósꞌe̱ bi̱ tsꞌén kisie: «Amalee̱k kuí boá xi kamá ngo na̱xi̱ńdá xí ꞌniú je, ꞌniú ngase kamá ta̱bo̱a̱jiín ngayeje na̱xi̱ńdá xí ngasee̱. Ta̱nga jè tsá si̱ꞌankjie».

Ndeuteronomio̱ 31:9

Moisee̱ katsꞌénꞌindó ngayeje kui kjo̱a̱bokoyaá, kósꞌe̱ katsꞌénkꞌasꞌiee̱n kui xo̱jo̱n xi kiniꞌánꞌindoó já ngito̱ko̱o̱ xota̱ Israee̱l, ko̱jo já chináꞌmii̱, ngatꞌa̱ kuí boá xi tsaꞌanijín koxa̱a̱ kjo̱a̱ꞌbíndaa̱.