Éksondo̱ 17:1 - Xo̱jo̱n eén Néná

¹ Xota̱ na̱xi̱ńdá Israee̱l jatjoni ngi̱ndie kixí xi ꞌmí Sii̱n, kó nínga katsoó Néná nga sa̱ꞌínkjaꞌyá, ki̱a̱ katsꞌénkjaꞌyá. Nga jachó ngo ngi̱ndie xi ꞌmí Refindii̱n ki̱a̱ katsꞌénkjaꞌyá, ta̱nga jmí ndáfoa xi ꞌyó kasakojiín ki̱a̱a̱,

Éksondo̱ 17:1 ပူးပေါင်းရင်းမြစ်များ

Éksondo̱ 15:22

Kó Moisee̱ katsjaá kjo̱a̱a̱ xota̱ Israee̱l tsi̱ꞌe̱ nga kjo̱tjoni nínga tikón Ndáchíkón Inií, kó tsintꞌiéꞌén kuí xotaa̱, sꞌe̱ kijí xtji̱e̱e̱n nangi kixí xi tikón xtji̱e̱e̱n na̱ngii̱, kó ján ni̱xtjin kisꞌiṉtso̱ma nga nde chií ndáfoa kasakojiín.

Éksondo̱ 16:1

Ngo sá masien jaskan ngije jatjo nangi Ejipto̱ xota̱ Israee̱l, jatjoni nangi Elii̱n, kó jachó nangi kixí xi ꞌmí Sii̱n, kui ngi̱ndie xi tikón xtji̱e̱e̱n nangi Elii̱n ko̱jo na̱xi̱ Sinaii̱.

Éksondo̱ 17:8

Kósꞌe̱ ki̱a̱ nangi Refindii̱n xota̱ Amalee̱k kijíkjánjo̱ xota̱ Israee̱l.

Xki̱ 20:2

Kó nga kui ngi̱ndiee̱ jmí ndáfoa kisꞌiejín, xota̱ na̱xi̱ńdaá kamátikó kó chꞌo tsꞌén tsíchji̱a̱taꞌin Moisee̱ ko̱jo Aaroo̱n.

Xki̱ 9:17

Néná boá xi katsóyaà xota̱ Israee̱l kjiꞌanga tjín nínga kijí, ko̱jo kjiꞌanga katsꞌénkjaꞌyá. Bi̱ tsꞌén katsꞌén kui nii̱: kjiꞌanga katjoninkꞌa kui ṉdi̱i̱ ko̱jo nga katsꞌéntíyá, xota̱ Israee̱l katsꞌéntíyaá yojoo̱, kó ki̱a̱ kijítji̱ngii̱ kui ṉdi̱i̱, kó kjiꞌanga kasasien kui ṉdi̱i̱, ki̱a̱ kisꞌińdo xota̱ Israee̱l nga. Kó ki̱a̱ iskjininkꞌa ndiꞌaa̱, sꞌe̱ ki̱a̱ kisꞌińdo tji̱e̱nga kui ṉdi̱i̱ ki̱a̱ kisꞌijña nga̱són nkꞌaa̱ ndiꞌandikoón. Tjín ni̱xtjin nga kui ṉdi̱i̱, ta̱ ngo tsí ko̱jo tsi ta̱ chiboa tsí ni̱xtjin nga xió kisꞌijña ngo ngi̱ndie, ta̱nga tjín ni̱xtjin nga ngaskande ngo sá, ko̱jo tsi ngaskande ngo nó kamaá. Kjiꞌanga kjín ni̱xtjin katsꞌéntíyájín kui ṉdi̱i̱, xota̱ Israee̱l tsintꞌiéꞌén, kó ti̱ ki̱a̱ kisꞌińdo kui nga. Kó jmí ndasénjín tsi ni̱xtjin ko̱jo tsi ni̱xtji̱e̱n, kjiꞌanga katsꞌéntíyá kui ṉdi̱i̱, xota̱ Israee̱l ki̱a̱ kijítji̱ngii̱, kjiꞌanga kasasien, ti̱ ki̱a̱ kisꞌińdo xota̱ Israee̱l nga, kó ki̱a̱ katsꞌéntsjaà Néná. Bo̱a̱ katsꞌén Néná nga atíxomaa̱ xota̱ Israee̱l nga tsíchji̱a̱jo Moisee̱, kó xota̱ Israee̱l tsintꞌiéꞌeén.