Éksondo̱ 16:15 - Xo̱jo̱n eén Néná

¹⁵ Kó nga kamábe kui nii̱ xota̱ Israee̱l, ja̱kꞌi̱e̱ ja̱ngaján asíyaá xkjín, nga bi̱ katsoó mí nii̱ bo̱a̱ xi̱ꞌba̱. Kó Moisee̱ bi̱ katsoó: «Kuí bí pan xi Néná tsꞌéntsjájnú tsi̱ꞌe̱ nga xi̱ni̱e̱jnú.

Éksondo̱ 16:15 ပူးပေါင်းရင်းမြစ်များ

Xo̱jo̱n Salmoo̱ 105:40

Kui xotaa̱ tsíꞌá nichinie, kó Néná katsangiyaa̱ ni̱sie tosafoá, ¡katsꞌénkꞌíxió bojoó nga katsjaá pan xi kjindibáni nkꞌajmii̱!

Xo̱jo̱n Salmoo̱ 78:24

kó katsꞌénkixoó kui xotaa̱ nichinie xi ꞌmí mana̱, kó paa̱n ndiꞌakꞌajmii̱ katsjaá.

Éksondo̱ 16:31

Kui pan xi jaꞌátikó tiboa kamá xikoó to ndi̱ꞌee̱, kó ixi kamá xikoó pan xi nanginjon ntsjieén. Xota̱ Israee̱l «mana̱» katsoó kui nii̱.

Éksondo̱ 16:33

Kósꞌe̱ Moisee̱ bi̱ katsoó Aaroo̱n: «Chjábé jí ngo ti̱jì, kó ki̱a̱ tindyie ji nga jó kilo̱ kui manaa̱, kó ki̱a̱ tꞌíjñí ji kje̱n nínga tikón koxa̱a̱ kjo̱a̱ꞌbíndaa̱. Ki̱a̱ chja̱ꞌátjó kuí manaa̱, tsi̱ꞌe̱ nga xota̱ tji̱e̱ná sku̱i̱e̱ nichinie xi katsjáná Néná». Kó Aaroo̱n bo̱a̱ katsꞌén.

Éksondo̱ 16:4

Kósꞌe̱ Néná bi̱ katsoó Moisee̱: «A ye kó sa̱ꞌin an, nkꞌa jàn kji̱ndi̱bájénni ni xi skji̱ni̱e̱ xotaa̱ ndyiojón ndyiojón, ta̱nga xotaa̱ ta̱ bo̱a̱ tsí kjiꞌi kjo̱a̱ꞌátikó kui nichiniee̱ xikó kjiꞌi kju̱i̱e̱e̱ nga ngo ni̱xtjin. Ni̱xtjii̱n xi ma juu̱n jó bo̱a̱ kjiꞌi xikó kjiꞌi kjinie nga ngo ni̱xtjii̱n kjo̱a̱ꞌátikó. Skotꞌayákón mára an tsi tsꞌénkjátjosónna ko̱jo tsi jmí».

Énkjínkón 9:5

ndibá chi̱ni̱e̱jnú ni chiniena, ndibá tꞌi̱o̱jnú bino̱ xi je tikónndana.

Xki̱ 21:5

kó ítsꞌi̱yanii̱ nga katsꞌénxchán kondraa̱ Néná. Kó bi̱ katsoó Moisee̱: «Míkjo̱a̱a̱ nga kaꞌnaxiéjne̱ ki̱a̱ nangi Ejipto̱. A ta̱ tsi̱ꞌe̱ nga kꞌi̱e̱ tsí ko̱yàjne̱ nangi kixií. ¡Ti̱nde pan, ti̱nde ndáfoa jmíjínjne̱, kó jè tsꞌajónjne̱ kui nichinie xtoón!»

Rkaa̱ 12:30

Ngatꞌa̱ ngayeje kui nii̱ xi mongase xotaa̱ kui nga̱sondiee̱, ta̱nga jún, tikónjnú ngo Na̱ꞌmi xi je be mí ni xi chjiénjnú.

Juaa̱ 6:49

Xota̱ tji̱e̱ xchájnú iskjinie mana̱ xi katsangiyaa̱ Néná ki̱a̱ nangi kixií, kó jesón ngayejee̱.

Juaa̱ 6:58

Kuí xi̱ꞌbi̱ pan xi jatjajenni ndiꞌakꞌajmi jàn, jmí tsi xikoó xota̱ tji̱e̱ xchájnú nga iskjinie mana̱ xi katsangiyaa̱ Néná, kó jesón ngayejee̱, ta̱nga xi skji̱ni̱e̱ kui paa̱n, kꞌuijñá ngatsjéni̱xtjin.

1 Xota̱ Korinto̱ 10:3

kó ngayejee̱ nga ta̱ ngo tsí nichinie xi iskjinie xi Néná katsjaá,

Ndeuteronomio̱ 8:16

Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

Ndeuteronomio̱ 8:3

Jè katsꞌénkjaꞌájnú kjindiá, ta̱nga katsjájnú nichinie xi kjindibájénni ndiꞌakꞌajmii̱, ngo nichinie xi ti̱nde jún, ti̱nde xota̱ xi xchájnú kamábejín. Kó kui nii̱ xi katsꞌén Néná nga akóyájnú, tsi̱ꞌe̱ nga ndatsi kꞌuiéjínjnú nichinie, ta̱nga ka̱ma ka̱maꞌniátakónjnú ni xi katsóyàtjón ko̱jo eén, tsi̱ꞌe̱ nga ku̱i̱ndyionjnú nga̱sondie.

Xota̱ Ebreo̱ 9:4

nínga kisꞌijña ṉchandikón xí to̱nsinié nínga ikꞌítí ni sije̱e̱n, kó ti̱ ki̱a̱ kisꞌijña koxa̱a̱ kjo̱a̱ꞌbíndaa̱ xi to̱nsinié akjajon yeje. Ngi̱yaa̱ kui koxa̱a̱ kixindyia manaa̱, ko̱jo ki̱a̱ kisꞌiya yá xí tsaꞌa Aaroo̱n xi ja̱bo̱a̱ je íntsꞌién, ko̱jo yátie nínga kjitꞌa kjo̱a̱kitii̱,

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”