Éksondo̱ 15:25 - Xo̱jo̱n eén Néná

²⁵ Kó Moisee̱ tsíchji̱a̱a̱ Néná tsi̱ꞌe̱ nga ko̱síko̱jo. Kósꞌe̱ Néná akoó ngo yá xí tjiín xka̱, sꞌe̱ atíxomaa̱ tsi̱ꞌe̱ nga kꞌo̱jmijin kui yaá ki̱a̱ ngi̱jin ndáfoa saa̱. Kó Moisee̱ bo̱a̱ katsꞌén, kó ti̱ kjiꞌa kui ndáfoaa̱, ndáfoa nda kamá. Kó ki̱a̱ boá nínga Néná askotꞌayákón xota̱ Israee̱l, kó ti̱ ki̱a̱ boá nínga katsjaá kjo̱a̱botíxoma kjo̱a̱a̱ xikótsꞌèn kꞌuíndo.

Éksondo̱ 15:25 ပူးပေါင်းရင်းမြစ်များ

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 66:10

Ji Ne, jí boá xi kachjatꞌayékínjne̱, kó bo̱a̱ kiniꞌínje̱jne̱ xikoó to̱ntiboaa̱ nga ndiꞌí niꞌántsjieni.

Xo̱jo̱n Salmoo̱ 81:7

Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Xo̱jo̱n Salmoo̱ 99:6

Moisee̱ ko̱jo Aaroo̱n boá xi kamá chináꞌmii̱, kó Samuee̱ boá xi katsꞌénkaxoma jaꞌeén, kó kui jaá, tsíchji̱a̱a̱ Néná, kó Néná katsꞌénseén.

Éksondo̱ 16:4

Kósꞌe̱ Néná bi̱ katsoó Moisee̱: «A ye kó sa̱ꞌin an, nkꞌa jàn kji̱ndi̱bájénni ni xi skji̱ni̱e̱ xotaa̱ ndyiojón ndyiojón, ta̱nga xotaa̱ ta̱ bo̱a̱ tsí kjiꞌi kjo̱a̱ꞌátikó kui nichiniee̱ xikó kjiꞌi kju̱i̱e̱e̱ nga ngo ni̱xtjin. Ni̱xtjii̱n xi ma juu̱n jó bo̱a̱ kjiꞌi xikó kjiꞌi kjinie nga ngo ni̱xtjii̱n kjo̱a̱ꞌátikó. Skotꞌayákón mára an tsi tsꞌénkjátjosónna ko̱jo tsi jmí».

Éksondo̱ 17:4

Kósꞌe̱ Moisee̱ tsíchji̱a̱a̱ Néná nga ko̱síko̱jo nga bi̱ katsoó: —Mí xí sa̱ꞌinjo̱ an kui xota̱ na̱xi̱ńdaá. ¡Je ta̱ chiboa chajaa̱ nga ndi̱jo̱ kꞌo̱yana nga sa̱ꞌínkꞌiénna!

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 17:3

To̱nsinieé ko̱jo to̱ntiboaa̱, ndiꞌií boá xi chitꞌani tsi nda ko̱jo tsi ndajín, ta̱nga ñá, Néná boá xi kotꞌa ini̱ma̱ná.

1 Xota̱ Korinto̱ 1:18

Ngatꞌa̱ én xí tsáyà nga kꞌien Kristoo̱ tꞌa kroo̱ kjo̱a̱tsobé maá xota̱ xi tjimá kichajaá, ta̱nga xota̱ xi je jatjoꞌa xikoó ñá, ngaꞌniuú Néná máná kuí eén.

Ndeuteronomio̱ 13:3

ngata̱ niꞌánsénjínjnúu̱. Nga ja̱koxi̱, Néná boá xi tsꞌénkjitꞌayàkónjnú, tsi̱ꞌe̱ nga sku̱i̱e̱ tsi tjójnú kui ngayeje kjo̱a̱niꞌánkjójnú, ko̱jo ngayeje xi kókónjnú.

Ndeuteronomio̱ 8:16

Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.