Éksondo̱ 15:2 - Xo̱jo̱n eén Néná

² »Án boá xi tsꞌénsiée̱ kui soó Néná, ngatꞌa̱ kuí boá xi tsjána ngaꞌniú ko̱jo xi ꞌboxiéꞌána. Kuí boá xi Néna, kuíni nga an tsꞌéntsjàa̱. Kuí boá xi Nee̱ na̱ꞌmina, kuíni nga an tsꞌentjó an.

Éksondo̱ 15:2 ပူးပေါင်းရင်းမြစ်များ

Jenesii̱s 49:18

»¡Ji Ne tsa̱ꞌa̱n, to̱kó tsꞌénkoya an kjo̱a̱bosíko̱jóo̱ ki!

Xo̱jo̱n Salmoo̱ 109:1

Ji Ne, án boá xi tsꞌéntsjaà, ¡ngata̱ xiójín mindyin ji!

Xo̱jo̱n Salmoo̱ 118:14

Néná boá xi tsjána ngaꞌniú, Néná boá xi tsjána nga sie an, ¡Néná boá xi ꞌboxiéꞌána!

Xo̱jo̱n Salmoo̱ 118:21

¡Ndokꞌóchji̱ì ji Ne, ngatꞌa̱ kiniꞌínsénní, kó kaꞌnaxiéꞌéní!

Xo̱jo̱n Salmoo̱ 118:28

Jí boá xi Néna, kuíni nga tsjaa ndokꞌóchjì, kó tsꞌéntsjaà kjo̱a̱a̱ kjo̱a̱je xi tjiín.

Xo̱jo̱n Salmoo̱ 140:7

Jí boá xi Néna ji, jí boá Ne xi tjiín ngaꞌniú xí ꞌboxiéꞌána, jí boá xi ko̱ꞌna̱xiéꞌéní ni̱xtjin nga ka̱ma kjo̱a̱xcha̱án.

Xo̱jo̱n Salmoo̱ 145:1

Ji Ne, ji xi Rena, ¡ngatsjéni̱xtjin nga nda tsꞌén kuichjiá an kjo̱a̱a̱ ji, kó sa̱ꞌintsjaá ta̱ngatꞌanii̱ kjo̱a̱jèe̱!

Xo̱jo̱n Salmoo̱ 18:46

¡Tsie ngatamaa̱ Néná! ¡Ngatamachikonñé ndi̱jo̱ jena! ¡Nganiꞌántsjaá kui Ne xi tsꞌaxiéꞌána!

Xo̱jo̱n Salmoo̱ 22:10

Jí boá xi kiniꞌánkꞌasꞌienna ji, ndeskande nga tjiyá an ngi̱ya ndo̱bo̱a̱ndií na̱anna. Jí boá xi Néna ji.

Xo̱jo̱n Salmoo̱ 22:3

Ta̱nga ngototo ji xi tsjie ji, ¡ji xi ki̱a̱ tindyin ji nínga ndyi̱tsꞌèntsjaà xota̱ Israee̱l!

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 28:8

Néná boá xi ngaꞌniuú xota̱ na̱xi̱ńdaá, kó kuí boá xi ngi̱ndie xi ꞌniú, nínga ko̱ꞌna̱xiéꞌá xi jaꞌájin kui.

Xo̱jo̱n Salmoo̱ 30:1

Tsjaa kjo̱a̱je ji Ne, ngatꞌa̱ jí boá xi kiniꞌínkjastji̱nní, kó tiboeꞌéndièjín ji nga ndyi̱mojnókiena kondra̱na.

Xo̱jo̱n Salmoo̱ 34:3

¡Nijan si̱ꞌantsjàa̱ Néná, jún ko̱jo an, kó ngo nda̱ ngatama nga nkꞌa kꞌuijñá jaꞌeén!

Xo̱jo̱n Salmoo̱ 48:14

¡Nga bo̱a̱ kjiꞌi ni xi tsꞌén Néná, ngatsjéni̱xtjin ko̱jo ta̱kjiꞌání! ¡Néná boá xi kꞌuíjñatjónná ngaskande nínga kjín ngasenii̱ kjo̱a̱bo̱yaa̱!

Xo̱jo̱n Salmoo̱ 59:17

Jí boá xi boeꞌéní ngaꞌniú, jí boá xi siee salmo̱, ngatꞌa̱ jí boá xi tichínní, ko̱jo jí boá Ne xi ni̱ma̱ maa̱ an.

Xo̱jo̱n Salmoo̱ 68:20

¡Néná boá kui Néná xi ꞌboxiéꞌáná, kó kuí boá xi ꞌboxiéꞌáná ngi̱ya tsja kjo̱a̱bo̱yaa̱!

Xo̱jo̱n Salmoo̱ 99:5

¡Ti̱ꞌantsjàjnúu̱ Néná! Kó ki̱a̱ ti̱ndyiaxtiénjnú ki̱a̱ ngindie se kui. ¡Tsjie boá Néná!

Xo̱jo̱n Salmoo̱ 99:9

¡Ti̱ꞌantsjàjnúu̱ Néná! ¡Kó ti̱ndyiaxtiénjnú ki̱a̱ xtji̱e̱e̱n nínga tikón na̱xi̱ ndikoón, ngatꞌa̱ tsjie boá Néná!

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 4:22

Kósꞌe̱ ji bi̱ sée̱ nda̱ ree̱, bi̱ tsó én xí katsangiya Néná: “Án boá xi Ne an, kó achichí tjóna xota̱ Israee̱l, kuí boá xi xikoó tsi ndí tjónna.

Éksondo̱ 40:34

Néná ngo ṉdi̱ katsꞌéntji̱nkꞌi̱e̱nnií kui ngi̱ndiee̱, kósꞌe̱ Néná jachó ki̱a̱ ndiꞌandikoón. Kuíni nga Moise̱ kamájín tsꞌasꞌien.

Rkaa̱ 1:77

tsi̱ꞌe̱ nga kꞌuiyée̱ xota̱ na̱xi̱ńdaá nga Néná kꞌo̱xiéꞌá, tsi̱ꞌe̱ nga ka̱majetakoón jeé.

Rkaa̱ 2:30

Ngatꞌa̱ jè kamábe an kjo̱a̱ꞌnaxiéꞌáa̱,

Juaa̱ 4:22

Jún yàjínjnú ni xi ndyi̱niꞌándikónjnú, ta̱nga ji̱n yàjne̱ ꞌyání xi ndyi̱niꞌántsjájne̱, ngatꞌa̱ kjo̱a̱ꞌnaxiéꞌaá ngi̱jii̱n xota̱ jundíoo̱ kjo̱tjojinni,

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

2 Xota̱ Korinto̱ 5:19

Néná katsꞌénkjién Kristoo̱ tsi̱ꞌe̱ nga xota̱ nga̱sondiee̱ sa̱ꞌíntiñaa̱ yojoo̱ Néná, kó katsꞌénxki̱jín jeé kui xotaa̱. Ji̱n katsjájne̱ nga kꞌuiníjmi̱jne̱ kui eén, tsi̱ꞌe̱ xotaa̱ sa̱ꞌíntiñaa̱ yojoo̱ Néná.

Xota̱ Éfeso̱ 2:22

Ta̱ngatꞌanii̱ nga ngo majo̱jnú Kristoo̱, nga jún xí ka̱majnú xikoó ngo na̱ngo̱xi̱ nínga kꞌuijñá A̱si̱énni̱xtjii̱n Néná.

Ndeuteronomio̱ 10:21

Jún jè kamáyàjnú kjo̱a̱ndikón xí katsꞌén Néná nganda tsa̱jún, kuíni nga ngatsjéni̱xtjin kui ti̱ꞌantsjàjnúu̱.

Xota̱ Filipo̱ 2:11

Kó nga ngayeje xi bo̱a̱ ka̱tso̱ nga Jesukristoo̱ boá xi Ndi̱a̱ná. Bo̱a̱ tsꞌén nga sꞌi̱jña tsijen kjo̱a̱jee̱ Néná xí Na̱ꞌmii̱.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Kolosa̱ 2:9

Néná tikónjin ndo̱jò ndójo̱ ngi̱jin yojoo̱ Kristoo̱.

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.

Ni xi akakoo̱ 19:1

Jaskan ngije kamá kui nii̱, tsintꞌie an ngo nda̱ xi ꞌniú askjandáyà xi kjindibáni ndiꞌakꞌajmii̱ xi xikoó tsi nda̱a̱ kjín xota̱, xi bi̱ katsó: ¡Nganiꞌántsjaá Ndi̱a̱ná! Kjo̱a̱ꞌnaxiéꞌaá, ko̱jo kjo̱a̱jee̱, ko̱jo ngaꞌniuú tsi̱ꞌe̱ Néná boá.