Éksondo̱ 15:17 - Xo̱jo̱n eén Néná

¹⁷ Ne tsa̱ꞌa̱n, jí boá xi kꞌuínje̱jne̱ na̱xi̱ xi ji kachjeꞌéjin ji xi tse̱ ka̱ma, kó ki̱a̱ boá nínga si̱ꞌinkꞌíndejne̱ ngatsjéni̱xtjin. ¡Ti̱ jíní xi kiniꞌínde ji! ¡Ti̱ jíní xi ki̱a̱ ikꞌíjñinde ji ndiꞌàa̱!

Éksondo̱ 15:17 ပူးပေါင်းရင်းမြစ်များ

Xo̱jo̱n Salmoo̱ 114:2

Néná jaꞌájin nangi Jundáa̱ nínga íjñá na̱ngo̱xi̱i̱. Kuí boá xi atíxoma Na̱xi̱ńdá Israee̱l.

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 44:2

Jí má bo̱a̱ xi ikiyitji̱ngìi̱ kui xota̱ na̱xi̱ńdaá, tsi̱ꞌe̱ nga ki̱a̱ ikꞌínde ji xota̱ xi xchájne̱, kiniꞌínkjié ndo̱jò ndójo̱ jí kui nangii̱, kó katseꞌéndièe̱ nga ki̱a̱ kisꞌiee̱ ja̱ma̱ xota̱jne̱.

Xo̱jo̱n Salmoo̱ 68:16

Jún na̱xi̱ xi ꞌniú nkꞌa, ánní nga ma onkonjnú nga tsitsijenjnúu̱, kui na̱xi̱ xi Néná jè jaꞌájin, nga ki̱a̱ kꞌuijñá, ja̱koxi̱ boá nga Néná ki̱a̱ kꞌuijñá ngatsjéni̱xtjin.

Xo̱jo̱n Salmoo̱ 76:2

Ki̱a̱ na̱xi̱ńdáꞌniú Jerusalee̱n tikón na̱ngo̱xi̱i̱, kó ki̱a̱ na̱xi̱ńdáꞌniú Sioo̱n tikón ngi̱ndiee̱.

Xo̱jo̱n Salmoo̱ 80:15

Kuí boá kui xka̱ xi ndse̱ má ji xi ítji̱e̱, ko̱jo kui ꞌyo̱ xi tse̱ xi ji katseꞌéngaꞌníi̱.

Xo̱jo̱n Salmoo̱ 80:8

Ji̱n boá xi xikoó ńꞌniú tostsi̱jè xí kjindibéje̱ni ji ki̱a̱ nangi Ejipto̱, kó tsi̱ꞌe̱ nga kꞌi̱e̱ ikꞌítji̱e̱jne̱ kui tꞌanangii̱ ikiyitji̱ngìi̱ xota̱ na̱xi̱ńdaá.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Éksondo̱ 23:20

Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Éksondo̱ 25:8

»Kó ti̱ mejénna nga sa̱ꞌíndana ngo ndiꞌandikón, tsi̱ꞌe̱ nga ki̱a̱ kotíjña̱jinjnúꞌun.

Éksondo̱ 32:34

Kuíni nga ta̱sá tꞌen ji ngotꞌe̱, kó tꞌenje̱ ji kui xota̱ na̱xi̱ńdaá ki̱a̱ nangi xi katsóyàtjóo̱n nga tsjàa̱. Ndítsjiena ko̱e̱je̱tjoón nínga kꞌuin, ta̱nga nga kjo̱chó ni̱xtjin, án boá xi sa̱ꞌinjée̱ kjo̱a̱a̱ jé xí katsꞌén.

Ndeuteronomio̱ 33:19

Ki̱a̱ ndáchíkoón ko̱jo nga̱ndee̱ ko̱ꞌna̱xiéjnú tsie kjo̱a̱cho̱n. Kꞌuiyájnúu̱ xota̱ na̱xi̱ńdá xí síndotꞌaa̱, tsi̱ꞌe̱ nga kji̱ndi̱bá ki̱a̱ na̱xi̱jnú, kó nga ki̱a̱ sa̱ꞌínkꞌasꞌiee̱n kjo̱a̱tjó Néná».