Éksondo̱ 15:16 - Xo̱jo̱n eén Néná

¹⁶ ¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Éksondo̱ 15:16 ပူးပေါင်းရင်းမြစ်များ

Jenesii̱s 35:5

Kó ngije jatjo kui ngi̱ndiee̱, Néná katsꞌén nga ngayeje xota̱ na̱xi̱ńdá xí síndo nínga tiñaa̱ nga achichí katsakjónní kui jaá, kó jmíjín xi kijíngátji̱ngii̱ ndií Jakoo̱b.

Xo̱jo̱n Salmoo̱ 105:38

Kjiꞌanga jatjoni nangi Ejipto̱, xota̱ Ejiptoo̱ achichí tsjá kamaá, ngatꞌa̱ katsakjónnií xota̱ xi xchájne̱.

Xo̱jo̱n Salmoo̱ 74:2

¡Ngatjaꞌátsjieen xota̱ na̱xi̱ńdáa̱, kui xi tse̱ kamá ndeskande koó ni̱xtjin xcháján, kui xi kaꞌnaxiéꞌé ji tsi̱ꞌe̱ nga xota̱ tji̱e̱ tse̱ kamá, ko̱jo ngatjaꞌátsjiee̱n kui na̱xi̱ńdáꞌniú Sioo̱n, kui na̱xi̱ nínga tindyin ji!

Xo̱jo̱n Salmoo̱ 89:14

Kjo̱a̱kixi̱i̱ ko̱jo ni xi kixi̱i̱ boá xi kamándani ngi̱ndie nínga botíxome ji. Kjo̱a̱ni̱ma̱takoón ko̱jo ni xi ja̱koxi̱i̱ boá xi fotsoꞌbátjoón jí.

Éksondo̱ 11:7

Kó tsi̱ꞌe̱ nga xcha̱jnú nga Néná boá xi bokó ꞌyání xi xota̱ Israee̱l ko̱jo ꞌyání xi xota̱ Ejiptoo̱. Ngojín xota̱ Israee̱l xi ko̱yà ndí xíꞌín xi tjoón, ti̱nde ngojín cho̱ tjié xi tjiín xi ko̱yà ndí tjoón nga, ngaskande nde ngo ńñá skja̱ndáyàjínjne̱.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Éksondo̱ 15:5

¡Ngayejee̱ nga kijíngandá xikoó ndi̱jo̱, kó ixó ngaskande nínga ꞌniú na̱nga̱a̱ ndáchíkoón!

Éksondo̱ 15:6

»Ne tsa̱ꞌa̱n, ngaꞌniúu̱ boá xi kiniꞌínkjín jí nga kiniꞌínkjié ji kondràa̱,

Éksondo̱ 18:8

Kó Moisee̱ katsóyaà chiꞌyaá ngayeje ni xi Néná katsꞌénjo̱ nda̱ ree̱ ko̱jo xota̱ Ejiptoo̱. Kó ti̱ katsóyaà ngayeje kjo̱a̱xti xi kisꞌiee̱ xota̱ Israee̱l ki̱a̱ ngi̱ya ndi̱ya̱à ndeskande nga jatjoni nangi Ejipto̱ ko̱jo kótsꞌèn nga Néná tsꞌaxiéꞌá kui xotaa̱.

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 23:20

Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Éksondo̱ 23:22

Ta̱nga tsi ko̱nda̱ꞌyáꞌénjnúu̱ ngayeje ni xi ka̱tso̱jnú, ꞌniú skjánjo̱ an kondra̱jnú.

Éksondo̱ 23:27

»Kjiꞌanga kjóchójnú nangi Kanaa̱n, án boá xi sa̱ꞌin an nga kui xotaa̱ stsa̱kjonní, kó ko̱ngandikón. Kó ngindiee̱ nga kjóchójnú, xo̱ꞌbo̱e̱ sangiyáa tsi̱ꞌe̱ nga skji̱ni̱e̱e̱ kondra̱jnú.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ndeuteronomio̱ 11:25

Jmí ni̱xtjin nga tjín xí sa̱ꞌínjnú nga skjánjo̱jnú, ngatꞌa̱ Nejnú boá xi sa̱ꞌín nga ngayeje xota̱ na̱xi̱ńdaá kjo̱tsiè ndikón má ngindyikónjnú. Néná boá xi je katsóyàtjón nga bo̱a̱ ka̱ma.

Ndeuteronomio̱ 2:25

Ti̱ bo̱a̱ ti̱ katsóná Néná nga ndeskande koó kjiꞌa, ngayeje xota̱ na̱xi̱ńdá xí chji̱a̱ni kui ngi̱ndiee̱ stsa̱kjonná. ¡Ndeta̱ maa̱ ku̱i̱ntꞌiè kjo̱a̱a̱ ñá, achichí nda̱ ka̱maa̱ ko̱jo stsa̱kjonní!

Ndeuteronomio̱ 32:9

Jún boá xi Néná jaꞌájinjnú tsi̱ꞌe̱ nga jún xi ka̱majnú xota̱ na̱xi̱ńdaá kui.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.