Éksondo̱ 15:11 - Xo̱jo̱n eén Néná

¹¹ »Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Éksondo̱ 15:11 ပူးပေါင်းရင်းမြစ်များ

Xo̱jo̱n Salmoo̱ 119:120

Fotsié má an nga tsakjon má an ngindyikin ji, ¡ée̱n boá xi tsꞌénkjátsiéna!

Xo̱jo̱n Salmoo̱ 136:4

Ta̱kuítsí Néná xí tsꞌén ni yiꞌi xi fíndikónjne̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 145:17

Ji Ne, ngatsjéni̱xtjin nga niꞌínkjatjosén ni xi ꞌmíyetjén ji, kó ngayeje nii̱ xi tjótsꞌèn niꞌínde ji.

Xo̱jo̱n Salmoo̱ 22:23

¡Jún xi yandikónjnú Néná, ti̱ꞌantsjàjnúu̱ kui! ¡Jún xi xota̱ tji̱e̱e̱ Jakoo̱b, te̱ꞌéjnúu̱ kjo̱a̱je! Kó cha̱ndikónjnú jún, ngayeje xi xota̱ tji̱e̱e̱ Israee̱l.

Xo̱jo̱n Salmoo̱ 35:10

Ngayeje ńdana, bi̱ ka̱tso̱: «¡Ji Ne, jmíjín ingo Ne xi xikoó jí! Ji xi ꞌnaxiéꞌé ji xota̱ xi indaa̱, kjo̱a̱a̱ xota̱ xi ꞌniú ngasee̱, ko̱jo ꞌnaxiéꞌé ji xota̱ ni̱ma̱a̱ ko̱jo xi jmí nijiín, kjo̱a̱a̱ xota̱ xi foaꞌáxiín ni xi tjiín».

Xo̱jo̱n Salmoo̱ 60:2

Jí boá xi kiniꞌínkjeꞌe ji kjo̱a̱ndi̱ko̱n tꞌanangii̱, kó katjoxꞌá kꞌi̱e̱ katjoxꞌá ján, ¡ngo kjo̱a̱nda, ti̱ꞌindaye ji, ngatꞌa̱ jè kjibixóndó!

Xo̱jo̱n Salmoo̱ 66:5

¡Ndibájnú kó tꞌíndikónjnú ni xi je katsꞌén Néná! ¡Achichí fíndikónná ni xi katsꞌén ngandaa̱ xota̱ nga̱sondiee̱!

Xo̱jo̱n Salmoo̱ 77:11

¡Jaꞌátsjienna ni xi je katsꞌén Néná, jo̱o̱n, jaꞌátsjienna ni xi fíndikónná xí katsꞌén ngasꞌe̱!

Xo̱jo̱n Salmoo̱ 77:14

Jí boá kui Ne xi tsꞌén kjo̱a̱ndikoón, Jí boá akake ji ngaꞌniúu̱ ngi̱jii̱n xota̱ na̱xi̱ńdaá.

Xo̱jo̱n Salmoo̱ 77:19

Ngo ndi̱yà nínga ikitja kiniꞌínde ji ki̱a̱ ndáchíkoón kó kachjéxꞌé jí ngo ndi̱yà ngi̱jii̱n ndáfoaa̱ xi ꞌniuú, ta̱nga nde ngojín xi kamábe chi̱bo̱a̱ ndsa̱ki ji.

Xo̱jo̱n Salmoo̱ 86:10

¡Ngatꞌa̱ jí boá xi tjiín kjo̱a̱je, kó maá niꞌán ni xi fíndikónná! ¡Ta̱ jí tsí bo̱a̱ xi Néná jí!

Xo̱jo̱n Salmoo̱ 86:8

Ji Ne, jmíjín ngo Ne xi xikoó jí, ngi̱jii̱n ngayeje ne xi ngasee̱, ti̱nde jmíjín ngo ni, xi xikoó xi ji kiniꞌínde ji.

Xo̱jo̱n Salmoo̱ 89:18

Ngatꞌa̱ Néná boá xi konjne̱, kó rejne̱ kuí boá xi xota̱ tsjiee̱ Israee̱l.

Xo̱jo̱n Salmoo̱ 90:11

ꞌYá xí be ngaꞌniú xí tjiín nga niꞌínxchín jí, kó kjo̱a̱xcháa̱n achichí ngaꞌniú xí tjiín, xikó maá kjo̱a̱yandikón xí chjiéngá ko̱e̱ꞌeé jí.

Éksondo̱ 18:11

Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Éksondo̱ 20:3

»Ngata̱ ꞌbejínjnú kje̱ꞌe Ne tsi ánjín.

Éksondo̱ 3:20

Kó an sa̱ꞌinkjièn án ngaꞌniúna, kó kjín ni xi fíndikónná xí sa̱ꞌin an xi sa̱ꞌínkjié kui xota̱ Ejiptoo̱, kósꞌe̱ kjiꞌá boá nga tsja̱ndiè nga kjo̱tjojnú kui ngi̱ndiee̱.

Éksondo̱ 8:10

—¡Ja̱ ndyiojón ngatjatjo tji̱ꞌni̱u̱! Katsó nda̱ ree̱. —Ja̱ bo̱a̱ ka̱ma —katsó Moisee̱—. Ndyiojón ko̱e̱je̱, kó ta̱ ki̱a̱ tsí kꞌuíndo ndejeèꞌ. Kó jè ngiti̱ sa̱ꞌínxtíjiín xota̱ Ejiptoo̱, kó bo̱a̱ tsꞌén nga ka̱ma xchi̱e̱ ji nda̱ re, nga jmíjín ingo xi xikoó Nee̱ xota̱ Israee̱l.

Éksondo̱ 8:6

Kósꞌe̱ Aaroo̱n yején tsja nga̱soón ngayeje nínga tjín ndáfoa ki̱a̱ nangi Ejiptoo̱, kó ki̱a̱ jatjoni xkji̱e̱ xi kisꞌikitsié má ngayeje kui nangii̱.

Éksondo̱ 9:14

Ngatꞌa̱ tsi bo̱a̱jín sa̱ꞌín, ngotꞌe̱ ꞌné nga sangiyáa ngayeje kjo̱a̱botíjéná ngayeje xota̱ Ejiptoo̱. Jmíjín ngayeje tꞌanangii̱ ingo Ne xi xikoó an, kó kokóñáa kui nii̱.

Lebitiko̱ 19:2

tsi̱ꞌe̱ nga tsja̱á kui eén xota̱ Israee̱l: «Án boá xi nee̱ xota̱ Israee̱l, kó bo̱a̱jín kón an xikoó ne xi ngasee̱. Kuíni nga jún, chjiéngá bo̱a̱jín kón ka̱majnú xikoó xota̱ na̱xi̱ńdá xí ngasee̱.

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Ndeuteronomio̱ 1:30

Néná boá xi tsjiéntjónná, kó kuí boá xi skja̱n ngajoná, xikótsꞌèn askjan ngajoná ki̱a̱ nangi Ejiptoo̱, kósꞌe̱ kui kitsjientjónná nga tsangín ndi̱yà xí fíni nangi kixí.

Ndeuteronomio̱ 3:24

“Jè kamábe an kjo̱a̱jèe̱ ko̱jo ngaꞌniúu̱. Ti̱nde nkꞌa jàn, ti̱nde tꞌanangii̱ jmíjín ingo Ne xi xikoó jí, xi maa̱ tsꞌén kjín ni xi fíndikónná.

Ndeuteronomio̱ 33:26

Kó nga fetꞌani, Moisee̱ bi̱ katsoó ngayeje xotaa̱: «¡Jún xota̱ Israee̱l, jmíjín ingo ne xi xikoó Néná! Néná boá xi nda̱ ree̱ ndiꞌakꞌajmii̱, kó ngatsjéni̱xtjin nga ko̱síko̱jójnú.

Ni xi akakoo̱ 13:4

kó katsꞌéndikón kui cho̱ tamá xí yito to̱koo̱, ngatꞌa̱ kui xi katsjaá xá kui cho̱ chꞌokjiꞌii̱, kó ti̱ katsꞌéndikón kui cho̱ chꞌokjiꞌii̱ nga bi̱ katsó: –ꞌYá xi bo̱a̱ kon xikoó kui cho̱ chꞌokjiꞌii̱, kó ꞌyá xi sa̱ꞌiín nga skjánjo̱.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.

Ni xi akakoo̱ 4:8

Kó nga ngo nga ngo nga nijón kui xi síndoo̱, jun nga̱ kisꞌiee̱, kó xtji̱e̱e̱n ndi̱tsen ko̱jo xtji̱e̱e̱n ngi̱yaa̱ kui nga̱a̱ kisꞌiee̱ ndyi̱ko̱n, kó nga ni̱xtjin ni̱xtji̱e̱n nga bi̱ katsó: ¡Tsjie, tsjie, tsjie Ndi̱a̱ná, kui Néná xí tjiín ngaꞌniuú, kui xi ta̱kó kui ngasꞌe̱, kui xi kui ngotꞌe̱, ko̱jo kui xi sꞌe̱ ndibaá!