Éksondo̱ 14:13 - Xo̱jo̱n eén Néná

^13-14 Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Éksondo̱ 14:13 ပူးပေါင်းရင်းမြစ်များ

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 49:18

»¡Ji Ne tsa̱ꞌa̱n, to̱kó tsꞌénkoya an kjo̱a̱bosíko̱jóo̱ ki!

Xo̱jo̱n Salmoo̱ 3:8

Néná boá xi ꞌboxiéꞌáná, ¡ti̱ꞌinchikonñí ji xota̱ na̱xi̱ńdáa̱!

Xo̱jo̱n Salmoo̱ 68:21

¡Nga ja̱koxi̱ Néná boá xi sa̱ꞌínꞌoón to̱ko̱ xota̱ xi kondra̱a̱, kui to̱ko̱ tjen toko xota̱ xi ngatsjéni̱xtjin nga ndyi̱tsꞌènjeé!

Xo̱jo̱n Salmoo̱ 78:53

katsjandieè nga nda ko̱e̱je̱, tsi̱ꞌe̱ nga stsa̱kjonjín, tji̱e̱nga ndáchíkoón yíꞌmá kondra̱a̱ kui xotaa̱.

Xo̱jo̱n Salmoo̱ 91:8

Nga ja̱koxi̱ ndyikin má ji xi sku̱i̱e̱, kótsꞌèn nga xota̱ xi ꞌniú ndajiín ko̱e̱ꞌéchjií.

Éksondo̱ 14:30

Bo̱a̱ kamá kui ni̱xtjin jàn nga Néná tsꞌaxiéꞌá xota̱ Israee̱l. Ngayeje xota̱ Israee̱l kamábe xota̱ Ejipto̱ xi jesoón nga ki̱a̱ kisꞌiyojo tꞌa ndáchíkoón.

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Kjo̱a̱chaꞌaá 3:26

Achichí ndakjiꞌi nga xió tsꞌén xchiyàa̱ nga Néná kꞌo̱xiéꞌáná.

Xki̱ 14:9

Ta̱nga ꞌniú ndikón nga ngata̱ kondra̱jín mindyiónjnúu̱ Néná, ti̱nde ngata̱ ndakonjínmájnú kjo̱a̱a̱ kui xota̱ xi síndo kui ngi̱ndiee̱ ngotꞌe̱. Niꞌínjín si̱ꞌaa̱n nga ku̱i̱xkánjo̱, ngatꞌa̱ kui xotaa̱ jmíjín xi ndyi̱koo̱n. Kó ñá tikónná kui Néná xi tsꞌénbosikójoná, kuíni nga, ¡ngata̱ ndakonjínmájnú!»

Matioo̱ 28:5

Kó kui ndítsjiee̱, bi̱ katsoó ínchjiín: –Ngata̱ ndakonjínmájnú jún, ngatꞌa̱ jè be an nga Kjisoo̱ xí ndyi̱mindyiséjnú, nda̱ xi akjatꞌa kroo̱,

Ndeuteronomio̱ 20:3

“Ndaꞌyájnúꞌun jún xota̱ Israee̱l, ngotꞌe̱ ku̱i̱xkánjo̱jnú kondra̱jnú, ta̱nga ngata̱ ndakonjínmájnú. ¡Xín ti̱ꞌankjaꞌájnú kjo̱a̱tsiendikoón, kó xota̱ chꞌokon ti̱ꞌánjnú yojojnú!