Éksondo̱ 13:3 - Xo̱jo̱n eén Néná

³ Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 13:3 ပူးပေါင်းရင်းမြစ်များ

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Xo̱jo̱n Salmoo̱ 105:5

Ngatjaꞌátsjienná ni xi fíndikónná xi je katsꞌén Néná, ngatjaꞌátsjienná kjo̱a̱ndikón ko̱jo kjo̱a̱botíxoma xi katsjáná.

Xo̱jo̱n Salmoo̱ 114:1

Ndeskande ni̱xtjin nga xota̱ Israee̱l jatjoni nangi Ejipto̱, kui na̱xi̱ńdá xi kje̱ꞌeé,

Xo̱jo̱n Salmoo̱ 136:11

Kuí boá xi tsꞌaxié xota̱ Israee̱l ki̱a̱ nangi Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 136:12

Ki̱a̱ boá nínga akó ngaꞌniuú. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 89:14

Kjo̱a̱kixi̱i̱ ko̱jo ni xi kixi̱i̱ boá xi kamándani ngi̱ndie nínga botíxome ji. Kjo̱a̱ni̱ma̱takoón ko̱jo ni xi ja̱koxi̱i̱ boá xi fotsoꞌbátjoón jí.

Éksondo̱ 12:2

«Kui saá, kuí boá xi sá tjoón kui noó ka̱majnú jún, kó kuí boá xi ꞌniú ndikón ngase.

Éksondo̱ 12:42

Nga ngo kui ni̱xtji̱e̱e̱n nga Néná askoo̱n kui xotaa̱ tsi̱ꞌe̱ nga jmí ni ka̱májiín ko̱jo nga nda tsꞌaxiéni nangi Ejipto̱, kuíni nga ta̱ngatꞌanii̱ kui ni xi katsꞌén Néná ngandaa̱ xota̱ Israee̱l, nga ngojín kui xotaa̱ xi foyojofé kjiꞌanga tsꞌén sꞌué paskuaa̱.

Éksondo̱ 12:8

Kó kui ni̱xtji̱e̱e̱n chjiéngá yojo xi ꞌbítsjó skji̱ni̱e̱, ko̱jo pan xi jmí nisanjiín ko̱jo xka̱ xi sa.

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 20:8

»Ngatjaꞌátsjienjnú nga ni̱xtjin xotoo̱, ni̱xtjin ndikón boá, tsi̱ꞌe̱ nga an si̱ꞌandikónna.

Éksondo̱ 23:15

»Sꞌueé pan xi jmí nisanjiín, sá xí ꞌmí Abii̱b boá nga si̱ꞌánjnú, ngatꞌa̱ kuí boá kui saá nga jatjonijnú nangi Ejipto̱. Yito ni̱xtjin kꞌo̱ndíyaá kui sꞌueé, kó ngayeje kui ni̱xtjii̱n nga xi̱ni̱e̱jnú pan xi jmí nisan mindyiajiín. Ta̱ xi kji̱ndi̱bá tsꞌéndíkónna, chjiéngá ko̱a̱ꞌa̱na ngo kjo̱a̱tjó.

Éksondo̱ 3:20

Kó an sa̱ꞌinkjièn án ngaꞌniúna, kó kjín ni xi fíndikónná xí sa̱ꞌin an xi sa̱ꞌínkjié kui xota̱ Ejiptoo̱, kósꞌe̱ kjiꞌá boá nga tsja̱ndiè nga kjo̱tjojnú kui ngi̱ndiee̱.

Éksondo̱ 34:18

»Ti̱ꞌánjnú sꞌueé pan xi jmí nisan mindyiajiín. Yito ni̱xtjin chi̱ni̱e̱jnú pan xi jmí nisanjiín, ki̱a̱ tangíntji̱ngíjnú kjo̱a̱botíxoma xi je katsjajnúꞌun. Sá xí ꞌmí Abii̱b boá nga si̱ꞌánjnú kui sꞌueé, ngatꞌa̱ kuí boá kui saá nga jatjojnú nangi Ejipto̱.

Éksondo̱ 6:1

Kó Néná bi̱ katsoó Moisee̱: —Ngotꞌe̱ má xchi̱e̱ ji nga achichí ꞌniú sa̱ꞌinjée̱ nda̱ ree̱ nangi Ejiptoo̱, kó ngaskande ti̱ kuii̱ ku̱i̱ꞌájnú nga kjo̱tjojnú kui na̱xi̱ńdaá. Án boá xi Ne tse̱.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Matioo̱ 10:12

Kó nga ku̱i̱tjásꞌi̱e̱njnú kui ndiꞌaa̱, ti̱ꞌantindéjnú xotaa̱, kó xió ngatjaꞌbéjnú tꞌínjnúu̱.

Rkaa̱ 22:19

Ti̱ iskjíbé paa̱n nga, katsjaá ndokꞌóchjì Néná, akjángá, nga bi̱ katsó: –Kuí xi̱ꞌbi̱ xi yojona, kui xi si̱ꞌankꞌien ta̱ngatꞌanii̱ nga kjo̱tjoꞌajnú, ti̱ꞌánjnú kui nii̱, tsi̱ꞌe̱ nga kjo̱a̱ꞌátsjienjnú an.

1 Xota̱ Korinto̱ 11:24

kó ngije katsjaá ndokꞌóchjì Néná, akjángá, kó bi̱ katsó: “Kuí xi̱ꞌbi̱ xi yojona, kui xi si̱ꞌankꞌasꞌien nganda tsa̱jún, ti̱ꞌánjnú kui nii̱ tsi̱ꞌe̱ nga kjo̱a̱ꞌátsjienjnú án.”

1 Xota̱ Korinto̱ 5:8

Kó kuíni nga chjiéngá si̱ꞌán sꞌué paskuaa̱ nga nda tjíjintakón, ko̱jo nga ja̱koxi̱ ni xi ndyi̱niꞌán, xikó maá pan xi jmí nisan xchájiín. Ngiti̱ si̱ꞌánjín ñá ni xi ndajiín ko̱jo kjo̱a̱too̱n, ngatꞌa̱ kui nii̱ xikónií nisan xi xchaá.

Xota̱ Éfeso̱ 1:19

Kó nga ka̱makjínjnú kókjiꞌi je ngaꞌniú xí tikoón Néná nganda tsa̱ñá xí sꞌijinná kuí. Kui ngaꞌniuú kuí boá xi Néná akó,

Ndeuteronomio̱ 13:5

Kó kjo̱a̱a̱ kui chji̱ni̱e̱ꞌén ndísoó, chjiéngá ti̱ꞌankꞌiènjnú, ngatꞌa̱ kuí boá xi tjítsꞌén nga jún ngiti̱ ko̱nda̱ꞌyáꞌénjínjnúu̱ Néná katsaki. Kó bo̱a̱ tsꞌén nga si̱ꞌankjiejnú kui ni xi ndajín xi tikónjinjnú. Néná boá xi katsꞌéndéjnú jún kjiꞌanga moso̱ ka̱majnú ki̱a̱ nangi Ejipto̱, kuíni nga ta̱kuítsí xi chjiéngá ko̱nda̱ꞌyáꞌénjnúu̱.

Ndeuteronomio̱ 13:6

»Tsi tjín xí ka̱tso̱yàjnú tsi̱ꞌe̱ nga kje̱ꞌe ne si̱ꞌantsjajnúu̱, tsi tiña ko̱jo tsi kjin chji̱a̱ni, ngata̱ niꞌánsénjínjnúu̱. Ta̱sá ti̱ꞌankꞌiènjnú kui xotaa̱, kó jún boá xi tjón ngatamajnú nga si̱ꞌankꞌiénjnú. Ngata̱ ni̱ma̱jín májnú, jmí ndasénjín tsi ntsꞌiejnú má, ko̱jo tsi ndí xíꞌínjnú, ko̱jo tsi ndí chjo̱ónjnú, ko̱jo ndatsi chjo̱ónjnú ma, ko̱jo tsi nda̱ xi ꞌniú nda yaꞌajnú. Ngata̱ niꞌánjetakónjínjnúu̱ kui ni xi ndajín xi katsꞌén, ta̱sá ndi̱jo̱ tjayàjnú nga si̱ꞌankꞌiénjnú. Kuí boá ni xi tsoboaá ta̱ꞌya xota̱ní xi sa̱ꞌínkjinjnú Néná xi chji̱a̱ni Israee̱l, ngatꞌa̱ kuí boá Néná xi tsꞌaxiénijnú nangi Ejipto̱, kó kuí boá xi katsꞌéndéjnú. Bo̱a̱ tsꞌén nga ko̱e̱ꞌéjnúu̱ ngo chi̱bo̱a̱ xi nda ngayeje xota̱ na̱xi̱ńdaá, kui xi chjiéngá stsa̱kjonní, kó nga ngiti̱ ka̱májiín sa̱ꞌín nginí kui jeé.

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 16:1

Moisee̱ bi̱ katsó ngasee̱ xota̱ na̱xi̱ńdaá: «Sá Abii̱b boá nga si̱ꞌánjnú sꞌué paskuaa̱ nganda tsi̱ꞌe̱ Néná. Ngatjaꞌátsjienjnú nga ngo má ni̱xtji̱e̱e̱n sá Abii̱b nga Néná katsꞌéndéjnú ki̱a̱ nangi Ejipto̱.

Ndeuteronomio̱ 16:12

»Ti̱ꞌankjatjosónjnú kui kjo̱a̱kitii̱, kó nga jmíni̱xtjin niꞌánchíyájnú nga moso̱ kamájnú ki̱a̱ nangi Ejipto̱.

Ndeuteronomio̱ 24:18

»Ngata̱chiíjín niꞌánchíyájnú nga xota̱ moso̱ kamájnú jún ki̱a̱ nangi Ejipto̱, kó nga Nejnú boá xi tsꞌaxiéꞌájnú. Kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱.

Ndeuteronomio̱ 26:8

Kó bo̱a̱ tsꞌén nga Néná katsꞌénkjién ngaꞌniú jèe̱, kó achichí kjo̱a̱ndikón katsꞌén nga indyiándikoón xota̱ Ejiptoo̱, kó tsꞌaxiéjne̱ kui ngi̱ndiee̱.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Ndeuteronomio̱ 6:12

Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.

Ndeuteronomio̱ 6:21

jún bi̱ kꞌuínjnúu̱: “Mosoo̱ nda ree̱ nangi Ejipto̱ mára kamájne̱ kjín nó, ta̱nga Néná katsꞌénkjién ngaꞌniú jee̱, kó tsꞌaxiéjne̱ kui ngindiee̱.

Ndeuteronomio̱ 7:8

Tsi Néná jè katsꞌéndéjnú nga moso̱ kamájnú ki̱a̱ nangi Ejipto̱, kjo̱a̱a̱ nga tjórií jún. Katsꞌénkjién ngaꞌniú jee̱ nga katsꞌeén nda̱ ree̱ nangi Ejipto̱, kó bo̱a̱ tsꞌén katsꞌénkjatjosón ni xi katsóyàtjoón xota̱ xi xcháná.

Ndeuteronomio̱ 9:12

An bi̱ katsóna: “Ti̱tjaje̱n ji na̱xi̱i̱ ngotꞌe̱ má, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ngiti̱ ndyi̱ntꞌièꞌénjínna, ¡achichí je tsá katsꞌénkjatsón yojoo̱! Ngo ni je katsꞌénda xi ne ndyi̱tsoó, kó je ndyi̱tsꞌèntsjaà.