Éksondo̱ 13:15 - Xo̱jo̱n eén Néná

¹⁵ Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Éksondo̱ 13:15 ပူးပေါင်းရင်းမြစ်များ

Xo̱jo̱n Salmoo̱ 105:36

Néná katsꞌénꞌoón nga katsꞌénkꞌién já xo̱ngò xi ꞌniú ko̱jo xi nda ngasee̱ nangi Ejiptoo̱, ¡ngayeje na̱xi̱ńdaá nga jesón ndí xí tjoón nga ngo nga ngo xtín xota̱ ngo ndiꞌa!

Éksondo̱ 12:29

Kó nga kamá masien ni̱xtji̱e̱n, Néná katsꞌénkꞌién ngayeje ndí xíꞌín xi tjoón xota̱ Ejiptoo̱. Kó jesón ngayejee̱, ki̱a̱ ítsꞌi̱yanii̱ ndeskande ndí xíꞌín xi tjoón nda̱ ree̱, kui xi jaskan ko̱tíxomaa̱, ngaskande ndí xíꞌín xi tjoón xota̱ xi síndo ndo̱bo̱a̱ya̱à. Ti̱ jesón ngayeje ndí tjoón ngayeje cho̱ tji̱e̱é xota̱ Ejiptoo̱ nga.

Éksondo̱ 3:19

»Jè be an nga nda̱ ree̱ nangi Ejiptoo̱ tsja̱ndièjín nga kjo̱tjojnú kui ngi̱ndiee̱, ta̱nga án boá xi sa̱ꞌìi̱n kjo̱a̱ꞌniú.

Éksondo̱ 34:20

Kjiꞌanga ko̱e̱ꞌéjnú ngo kjo̱a̱tjó kjo̱a̱a̱ ndí tjón xi xi̱ꞌii̱n bórró chjo̱on, ka̱ma si̱ꞌankꞌasꞌienjnúꞌun ngo ndií cho̱tsa̱nga̱, ko̱jo tsi ngo ndií tindso̱. Ta̱nga tsi si̱ꞌankꞌasꞌienjínjnúꞌun kui cho̱o̱, chjiéngá chjátꞌósénjnú to̱ko̱ ndí bórró xíꞌiín. Ti̱ bo̱a̱ ti̱ tsꞌén kjo̱a̱a̱ ndí tjónjnú ka̱ma si̱ꞌankꞌasꞌienjnúꞌun ngo kjo̱a̱tjó. Ngojín xi ka̱ma kjo̱e̱ꞌétsꞌendíkónna tsi jmí ni yaꞌajín.

Éksondo̱ 4:23

Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Xki̱ 18:15

»Ti̱ tsa̱jún ka̱ma ndí tjoón ngayeje xota̱ Israee̱l, ko̱jo ndí tjoón cho̱ xi maxchaá, ta̱nga ka̱má ngo kjo̱a̱tjó ko̱sítꞌani ndií kui xotaa̱, ko̱jo ndí tjoón cho̱ xi maxchaá tsi tsjiejín ngindyikón án, xi májín chinie ko̱jo xi májín niꞌánkꞌién nga niꞌánkꞌasꞌienna.