Éksondo̱ 13:14 - Xo̱jo̱n eén Néná

¹⁴ »Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:14 ပူးပေါင်းရင်းမြစ်များ

Jenesii̱s 30:33

Nga kjo̱a̱ꞌa ni̱xtjii̱n xchi̱e̱ ji nga ndakjiꞌi ni xi tꞌíxiaán. Kó ni̱xtjin nga mejeén stsitsíjìi̱n cho̱ xi tsa̱ꞌa̱n, ka̱ma tsitsíjìi̱n, kó tsi tjín tindso̱ ko̱jo tsi cho̱tsa̱nga̱ xi indójín ko̱jo tsi ndií cho̱tsa̱nga̱a̱ xi jmájín, ka̱ma bo̱a̱ sé jí nga katsꞌenchejeé.

Xo̱jo̱n Salmoo̱ 136:11

Kuí boá xi tsꞌaxié xota̱ Israee̱l ki̱a̱ nangi Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 145:4

Ji̱n boá xi ko̱ndókjo̱a̱jne̱ kjo̱a̱a̱ ngaꞌniúu̱, ko̱jo kjo̱a̱tsjakjiꞌíi̱, ko̱jo kjo̱a̱jèe̱, ko̱jo kjo̱a̱a̱ ni xi fíndikónná xi kiniꞌín ji, achichí sa̱ꞌinkjó án kjo̱a̱a̱ kui nii̱, kó kuí má ndína xi xiyàa̱.

Xo̱jo̱n Salmoo̱ 78:4

Ka̱májín kꞌuiꞌmáa̱ ndíná kuí nii̱, chjiéngá kꞌuiyáa̱ xota̱ xi jaskan kꞌuieé xikótsꞌèn niꞌántsjáa̱ Néná, ko̱jo ngaꞌniú xí kisꞌiee̱, ko̱jo ni yiꞌi xi katsꞌén kuí.

Éksondo̱ 10:2

Bo̱a̱ tsꞌén ka̱ma kꞌuiyée̱ ndíi̱ ko̱jo ndíndée̱ ngayeje ni xi katsꞌenjo̱ an xota̱ Ejiptoo̱, ko̱jo kótsꞌèn nga tsajnókie an, tsi̱ꞌe̱ nga sku̱i̱e̱ nga án boá xi Nee̱ xota̱ Israee̱l».

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 13:8

»Ni̱xtjin xi ma yitoo̱, bi̱ kꞌuínjnúu̱ ndíjnú: “Kui sꞌueé kiniꞌán ñá kjo̱a̱a̱ nga kiniꞌánkjaꞌátsjien ni xi katsꞌén Néná nga tsꞌaxiéná nangi Ejipto̱.

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 6:1

Kó Néná bi̱ katsoó Moisee̱: —Ngotꞌe̱ má xchi̱e̱ ji nga achichí ꞌniú sa̱ꞌinjée̱ nda̱ ree̱ nangi Ejiptoo̱, kó ngaskande ti̱ kuii̱ ku̱i̱ꞌájnú nga kjo̱tjojnú kui na̱xi̱ńdaá. Án boá xi Ne tse̱.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Ni xi kamá 13:17

Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Ndeuteronomio̱ 6:12

Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.