Éksondo̱ 13:13 - Xo̱jo̱n eén Néná

¹³ Kjiꞌanga ko̱e̱ꞌéjnú ngo kjo̱a̱tjó kjo̱a̱a̱ ndí tjón xi xi̱ꞌii̱n bórró chjo̱on, ka̱ma si̱ꞌankꞌasꞌienjnú ngo ndií cho̱tsa̱nga̱. Kó ti̱ chjiéngá bo̱a̱ si̱ꞌánjnú kjo̱a̱a̱ ndí xíꞌín xi tjónjnú nga.

Éksondo̱ 13:13 ပူးပေါင်းရင်းမြစ်များ

Éksondo̱ 12:21

Kó Moisee̱ ítikó ngayeje xota̱ ngito̱ko̱o̱ xota̱ Israee̱l, kó bi̱ katsoó: «Nga ngo nga ngojnú tangínchja̱ꞌájinjnú ngo ndií cho̱tsa̱nga̱ xki̱ ngo xtín xota̱ ndiꞌa, kó ti̱ꞌankꞌiènjnú tsi̱ꞌe̱ sꞌué paskuaa̱.

Éksondo̱ 12:3

Bo̱a̱ tꞌínjnúu̱ ngayeje xota̱ Israee̱l nga xki̱ ni̱xtjin tiee̱ kui saá, nga ngo nga ngo xtín xota̱ nga nga tꞌijñánda ngo ndií cho̱tsa̱nga̱ tsi̱ꞌe̱ nga skji̱ni̱e̱. Chjiéngá cho̱ xi xi̱ꞌin ngatama kui cho̱o̱, xi sꞌe̱ tsí ngo noó, ko̱jo xi onjiín. Ta̱nga nda má nga kosoón nga kjo̱chóꞌá ngayeje xi skji̱ni̱e̱ kui cho̱o̱, ngatꞌa̱ nga ngo nga ngo kui xotaa̱ chjiéngá skji̱ni̱e̱ xikó kjiꞌi kjinie síkijí. Tsi ngo xtín xotaa̱ xi kjínjín má, kó tsi kju̱i̱e̱jiín kui cho̱o̱, chjiéngá nga kjiniejo̱ xota̱ tꞌa ndiꞌaa̱.

Éksondo̱ 13:2

«Ndí xíꞌín xi tjoón nga ngo xtín xota̱ ndiꞌa, án boá xi si̱ꞌankꞌasꞌienna. Ko̱jo ngayeje ndí tjoón cho̱ tjié xi tjiín xota̱ Israee̱l ti̱ an si̱ꞌankꞌasꞌienna nga».

Éksondo̱ 34:20

Kjiꞌanga ko̱e̱ꞌéjnú ngo kjo̱a̱tjó kjo̱a̱a̱ ndí tjón xi xi̱ꞌii̱n bórró chjo̱on, ka̱ma si̱ꞌankꞌasꞌienjnúꞌun ngo ndií cho̱tsa̱nga̱, ko̱jo tsi ngo ndií tindso̱. Ta̱nga tsi si̱ꞌankꞌasꞌienjínjnúꞌun kui cho̱o̱, chjiéngá chjátꞌósénjnú to̱ko̱ ndí bórró xíꞌiín. Ti̱ bo̱a̱ ti̱ tsꞌén kjo̱a̱a̱ ndí tjónjnú ka̱ma si̱ꞌankꞌasꞌienjnúꞌun ngo kjo̱a̱tjó. Ngojín xi ka̱ma kjo̱e̱ꞌétsꞌendíkónna tsi jmí ni yaꞌajín.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,