Éksondo̱ 12:42 - Xo̱jo̱n eén Néná

⁴² Nga ngo kui ni̱xtji̱e̱e̱n nga Néná askoo̱n kui xotaa̱ tsi̱ꞌe̱ nga jmí ni ka̱májiín ko̱jo nga nda tsꞌaxiéni nangi Ejipto̱, kuíni nga ta̱ngatꞌanii̱ kui ni xi katsꞌén Néná ngandaa̱ xota̱ Israee̱l, nga ngojín kui xotaa̱ xi foyojofé kjiꞌanga tsꞌén sꞌué paskuaa̱.

Éksondo̱ 12:42 ပူးပေါင်းရင်းမြစ်များ

Xo̱jo̱n Salmoo̱ 136:11

Kuí boá xi tsꞌaxié xota̱ Israee̱l ki̱a̱ nangi Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 13:10

Ngatjaꞌátsjienjnú nga xki̱ nó si̱ꞌánjnú kui sꞌueé, ti̱ kui ni̱xtjin xi je ikꞌíjñaá nga ka̱ma”.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 34:18

»Ti̱ꞌánjnú sꞌueé pan xi jmí nisan mindyiajiín. Yito ni̱xtjin chi̱ni̱e̱jnú pan xi jmí nisanjiín, ki̱a̱ tangíntji̱ngíjnú kjo̱a̱botíxoma xi je katsjajnúꞌun. Sá xí ꞌmí Abii̱b boá nga si̱ꞌánjnú kui sꞌueé, ngatꞌa̱ kuí boá kui saá nga jatjojnú nangi Ejipto̱.