Éksondo̱ 12:40 - Xo̱jo̱n eén Néná

^40-41 Xota̱ na̱xi̱ńdaá Néná kjiꞌá má jatjoni nangi Ejipto̱, kjiꞌanga tsꞌasꞌien nijón úchán ko̱jo kantié nó nga kisꞌińdo kui ngi̱ndiee̱.

Éksondo̱ 12:40 ပူးပေါင်းရင်းမြစ်များ

Jenesii̱s 15:13

Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Éksondo̱ 3:10

Kuíni nga ti̱ndyinde ji, ngatꞌa̱ ki̱a̱ sangiyáa nínga tikón nda̱ ree̱ nangi Ejipto̱, tsi̱ꞌe̱ nga ji xi ko̱ꞌna̱xié ji xota̱ na̱xi̱ńdána ki̱a̱a̱.

Ni xi kamá 13:17

Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn.

Ni xi kamá 7:6

Kó Néná bo̱a̱ katsoó, nga xota̱ tji̱e̱e̱ kꞌuíndo xikoó xota̱ xi kje̱ꞌe nangi síndo, ko̱jo nga moso̱ xi stiñá ka̱ma, ko̱jo nga ndajín ka̱mataꞌin nijón úchán nó.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.