Éksondo̱ 12:29 - Xo̱jo̱n eén Néná

²⁹ Kó nga kamá masien ni̱xtji̱e̱n, Néná katsꞌénkꞌién ngayeje ndí xíꞌín xi tjoón xota̱ Ejiptoo̱. Kó jesón ngayejee̱, ki̱a̱ ítsꞌi̱yanii̱ ndeskande ndí xíꞌín xi tjoón nda̱ ree̱, kui xi jaskan ko̱tíxomaa̱, ngaskande ndí xíꞌín xi tjoón xota̱ xi síndo ndo̱bo̱a̱ya̱à. Ti̱ jesón ngayeje ndí tjoón ngayeje cho̱ tji̱e̱é xota̱ Ejiptoo̱ nga.

Éksondo̱ 12:29 ပူးပေါင်းရင်းမြစ်များ

Jenesii̱s 15:14

Ta̱nga kui na̱xi̱ńdaá ti̱ ánní xi sa̱ꞌinjée̱, kó ngije kjo̱tjo xotaa̱ kui ngi̱ndiee̱, achichí kjo̱a̱cho̱n kjo̱tjojo̱.

Joo̱b 34:20

Ta̱niján má fesón xota̱ nga̱sondiee̱, kó nga ma masien ni̱xtji̱e̱e̱n tsꞌénxchán xota̱ na̱xi̱ńdaá, kó chaja ngi̱jin a̱si̱én, kó xota̱ xi tjiín ngaꞌniuú, nde jmí ngaꞌniú niꞌánkjiénjiín nga niꞌánchaja.

Xo̱jo̱n Salmoo̱ 105:36

Néná katsꞌénꞌoón nga katsꞌénkꞌién já xo̱ngò xi ꞌniú ko̱jo xi nda ngasee̱ nangi Ejiptoo̱, ¡ngayeje na̱xi̱ńdaá nga jesón ndí xí tjoón nga ngo nga ngo xtín xota̱ ngo ndiꞌa!

Xo̱jo̱n Salmoo̱ 135:8

Ki̱a̱ nangi Ejipto̱ katsꞌénꞌoón nga katsꞌénkꞌién ndí tjoón nga ngo nga ngo xtín xota̱ ndiꞌa, kó ti̱ katsꞌénkꞌién ndí tjoón cho̱ tji̱e̱é kui xotaa̱ nga. Katsꞌén chi̱bo̱a̱ ko̱jo kjo̱a̱ndikón, kondraa̱ ree̱ ko̱jo xota̱ xi nkꞌa xaá xi tsꞌénxájo̱,

Xo̱jo̱n Salmoo̱ 136:10

Kuí boá xi katsꞌénꞌoón nga katsꞌénkꞌién ndí tjoón xota̱ Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 78:50

ko̱jo kjiꞌanga katsꞌén ni xi mejeén nga katsꞌénxchán, kó tsꞌaxiéꞌájín ini̱ma̱a̱ ngi̱ya tsja kjo̱a̱bo̱yaa̱, ¡ta̱sá ki̱a̱ katsꞌénkꞌasꞌien yojoo̱ tsi̱ꞌe̱ nga kju̱i̱e̱són!

Xo̱jo̱n Salmoo̱ 78:51

Kó katsꞌénꞌoón tsi̱ꞌe̱ nga jesón ndí tjoón xota̱ Ejiptoo̱, kui ndí xí tjoón ngaꞌniú xí kisꞌiee̱ xota̱ ndiꞌaa̱ Kaa̱n.

Éksondo̱ 11:1

Kó jaskan Néná, bi̱ katsoó Moisee̱: «Ingo ndi̱yà nginí nga kotijée̱ nda̱ ree̱ ko̱jo xota̱ na̱xi̱ńdaá. Jaskan ngije sa̱tíjeé, tsja̱ndièjnú nga kjo̱tjojnú kui ngindiee̱, kó ngaskande ko̱ngatji̱ngi ndi̱yàjnú kui na̱xi̱ńdaá.

Éksondo̱ 12:12

»Kui ni̱xtji̱e̱e̱n an kjo̱a̱ꞌa an ngi̱jii̱n ngayeje nangi Ejiptoo̱, kó sa̱ꞌinkꞌién an ngayeje ndí xíꞌín xi tjoón nga ngo nga ngo xtín xota̱ Ejiptoo̱, ko̱jo cho̱ tjié xi tjiín nga. Án boá xi Nee̱ xota̱ Israee̱l, kó án boá xi tsjachjíi̱ ne xi tjín nangi Ejipto̱.

Éksondo̱ 12:28

kósꞌe̱ katsꞌén ni xi Néná katsoó Moisee̱ ko̱jo Aaroo̱n nga sa̱ꞌín.

Éksondo̱ 13:15

Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Éksondo̱ 4:23

Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Éksondo̱ 9:6

Nga kamángindyiojón, Néná katsangiyaa̱ ngo chiꞌin xi ta̱nisién ꞌniú ngayeje cho̱ tji̱e̱é xota̱ Ejiptoo̱, kó jesón ngayejee̱, ta̱nga cho̱ xi kisꞌiee̱ xota̱ Israee̱l nde ngo jesónjín.

Xota̱ Ebreo̱ 11:28

Ta̱ngatꞌanii̱ kjo̱a̱sꞌijii̱n Moisee̱ kuíni nga katsꞌén sꞌué paskuaa̱, kó katsangiya nga jín kachjatjónjón nga̱ntjo̱a̱a̱, tsi̱ꞌe̱ nga ndítsjiee̱ kjo̱a̱bo̱yaa̱ sa̱ꞌínkꞌiénjín ndí tjoón xota̱ Israee̱l.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.