Éksondo̱ 12:28 - Xo̱jo̱n eén Néná

²⁸ kósꞌe̱ katsꞌén ni xi Néná katsoó Moisee̱ ko̱jo Aaroo̱n nga sa̱ꞌín.

Éksondo̱ 12:28 ပူးပေါင်းရင်းမြစ်များ

Éksondo̱ 12:27

bi̱ tꞌínjnúu̱: “Kui nichiniee̱, kuí boá xi sꞌué paskuaa̱ xi niꞌán nganda tsi̱ꞌe̱ Néná. Kó niꞌánkjaꞌátsjien kjiꞌanga jaꞌajin nangi Ejipto̱ nga katsꞌénkꞌién ndí xíꞌín xi tjoón kui xotaa̱, ta̱nga jaꞌa ndojó ndiꞌaa̱ xota̱ Israee̱l, kó katsꞌénkꞌiénjínjne̱ ji̱n”». Ngije kamaá Moisee̱ nga tsíchji̱a̱jo ngayeje xota̱ Israee̱l, kui xotaa̱ asiéntikoó, kó katsꞌéndikón Néná,

Éksondo̱ 12:29

Kó nga kamá masien ni̱xtji̱e̱n, Néná katsꞌénkꞌién ngayeje ndí xíꞌín xi tjoón xota̱ Ejiptoo̱. Kó jesón ngayejee̱, ki̱a̱ ítsꞌi̱yanii̱ ndeskande ndí xíꞌín xi tjoón nda̱ ree̱, kui xi jaskan ko̱tíxomaa̱, ngaskande ndí xíꞌín xi tjoón xota̱ xi síndo ndo̱bo̱a̱ya̱à. Ti̱ jesón ngayeje ndí tjoón ngayeje cho̱ tji̱e̱é xota̱ Ejiptoo̱ nga.

Éksondo̱ 12:35

Kó xota̱ Israee̱l tsíꞌaá xota̱ Ejiptoo̱ ngayeje ni to̱ntiboa ko̱jo ni to̱nsinié ko̱jo ńjño xi tjiín, xikó má katsó Moisee̱ nga atíxomaa̱.

Éksondo̱ 14:4

Kó án boá xi sa̱ꞌin tajá án ini̱ma̱a̱ nda̱ ree̱, tsi̱ꞌe̱ nga ko̱e̱je̱tji̱ngijnú, kó nga bo̱a̱ sa̱ꞌín, sa̱ꞌinkjié an xota̱ juu̱n, kó kokòo̱ ngaꞌniúna. Bo̱a̱ tsꞌén nga xota̱ Ejiptoo̱ sku̱i̱e̱ nga án xi Néná án». Kó xota̱ Israee̱l katsꞌén ni xi katsoó Néná nga sa̱ꞌín.

Éksondo̱ 36:1

»Kuíni nga Besalee̱l ko̱jo Ooliaa̱b ko̱jo ngayeje já xí tsꞌénda ni tsjakon ki̱a̱ Israee̱l, kuí xí sa̱ꞌínda ngayeje nii̱ xikó má tsꞌén atíxoma Néná nga ka̱manda. Ti̱ bo̱a̱ ti̱ sa̱ꞌín ngayeje xota̱ xi Néná je katsjaá kjo̱a̱kjínkón ko̱jo kjo̱a̱kjíntakón, tsi̱ꞌe̱ nga sa̱ꞌínda ngayeje ni xi ka̱machjién kjiꞌanga si̱ꞌandikón Néná ki̱a̱ ndiꞌandikoón».

Éksondo̱ 39:32

Kó xota̱ Israee̱l bo̱a̱ má tsꞌén kijítji̱ngi xikótsꞌèn Néná atíxomaa̱ Moisee̱ nga si̱ꞌanda ngayeje nii̱, kó kamándo̱jo̱ó ndiꞌandikoón Néná. Kósꞌe̱ xota̱ Israee̱l kijíkoón Moisee̱, kó katsꞌénkꞌasꞌiee̱n ndiꞌandikoón Néná ko̱jo ngayeje ni xi niꞌánkjién ngi̱yaa̱ kui ndiꞌaa̱, ko̱jo pan xi niꞌánkꞌasꞌiee̱n Néná, ko̱jo isti̱ xi nanginjon xotaa̱ nga boeꞌéxaá, ko̱jo nisijee̱n, ko̱jo ngayeje ńjño xi boajá xota̱ xi tsꞌénxá ndiꞌandikoón Néná, ko̱jo ńjño xi ko̱a̱ja̱ chináꞌmi Aaroo̱n ko̱jo jaá.

Éksondo̱ 39:42

Ngayeje kui nii̱ xi katsꞌén xota̱ Israee̱l, xikó má tsꞌén Néná atíxomaa̱ Moisee̱ nga si̱ꞌanda ngayeje nii̱.

Éksondo̱ 39:43

Kó nga kamábe Moisee̱ nga xotaa̱ nda katsꞌénkjatjosón ni xi kiꞌmií, katsꞌénchikonñé ngijee̱.

Éksondo̱ 7:10

Kó bo̱a̱ tsꞌén Moisee̱ ko̱jo Aaroo̱n kijíkoón nda̱ ree̱ nangi Ejipto̱. Kó kjiꞌanga nda̱ ree̱ tsíꞌaá nga ko̱kó ngaꞌniú xí tjiín, kui jaá katsꞌén ni xi katsoó Néná nga sa̱ꞌín. Aaroo̱n tsꞌajmi tꞌanangi yánísieé ngindyi̱ko̱n nda̱ ree̱ ko̱jo mosoo̱, kó kui yánísieé ye̱ kamá.

Éksondo̱ 7:6

Kó Moisee̱ ko̱jo Aaroo̱n bo̱a̱ má tsꞌén katsꞌénkjatjosón xikótsꞌèn atíxomaa̱ Néná nga sa̱ꞌín.

Lebitiko̱ 24:23

Kó Moisee̱ katsóyaà ngayeje kui nii̱ xota̱ Israee̱l, kó kui xotaa̱ tsꞌaxiéni ki̱a̱ nínga síndo ndiꞌaa̱ xotaa̱, kui xi chꞌo katsoó Néná, kó ndi̱jo̱ tsꞌaya nga katsꞌénkꞌién. Bo̱a̱ tsꞌén katsꞌénkjatjosón kui xotaa̱ kui kjo̱a̱botíxoma xi Néná katsjaá Moisee̱.

Xki̱ 1:54

Kó xota̱ Israee̱l bo̱a̱ má katsꞌén, xikótsꞌèn Néná atíxomaa̱ Moisee̱ nga sa̱ꞌín.

Xki̱ 31:31

Bi̱ kjiꞌi kamá xki̱i̱ ínchjín ko̱jo cho̱ xi íxki̱ Moisee̱ ko̱jo Eleasaa̱: jun úchán ichítié ko̱jo kan ún mi̱ kamá cho̱tsa̱nga̱a̱,

Xki̱ 31:47

Ngo nga xki̱ ichítié ínchjín katsꞌénkꞌasꞌiee̱n Moisee̱ xota̱ tji̱e̱e̱ Lebii̱, xikó má katsoó Néná nga sa̱ꞌín. Kó ti̱ katsꞌénkꞌasꞌiee̱n ngo nga xki̱ ichítié cho̱o̱ nga.

Xki̱ 5:4

Kó xota̱ Israee̱l tsintꞌiéꞌén kjo̱a̱a̱ ni xi Néná atíxomaa̱ Moisee̱ nga sa̱ꞌín, kó tsangatji̱ngii̱ ki̱a̱ nínga síndo ndiꞌaa̱ xotaa̱ kui xi kisꞌiee̱ kui chiꞌii̱n.

Ndeuteronomio̱ 34:9

Moisee̱ ngindiee̱ nga ko̱yà, íjñasoón tsja to̱ko̱ Josuee̱, kó Néná íkitsie maá kjo̱a̱kjínkón Josuee̱. Kuíni nga xota̱ Israee̱l tsintꞌiéꞌeén Josuee̱, kó katsꞌénkjatjosón kjo̱a̱botíxoma xi Néná katsjaá Moisee̱.

Xota̱ Ebreo̱ 11:28

Ta̱ngatꞌanii̱ kjo̱a̱sꞌijii̱n Moisee̱ kuíni nga katsꞌén sꞌué paskuaa̱, kó katsangiya nga jín kachjatjónjón nga̱ntjo̱a̱a̱, tsi̱ꞌe̱ nga ndítsjiee̱ kjo̱a̱bo̱yaa̱ sa̱ꞌínkꞌiénjín ndí tjoón xota̱ Israee̱l.