Éksondo̱ 12:27 - Xo̱jo̱n eén Néná

²⁷ bi̱ tꞌínjnúu̱: “Kui nichiniee̱, kuí boá xi sꞌué paskuaa̱ xi niꞌán nganda tsi̱ꞌe̱ Néná. Kó niꞌánkjaꞌátsjien kjiꞌanga jaꞌajin nangi Ejipto̱ nga katsꞌénkꞌién ndí xíꞌín xi tjoón kui xotaa̱, ta̱nga jaꞌa ndojó ndiꞌaa̱ xota̱ Israee̱l, kó katsꞌénkꞌiénjínjne̱ ji̱n”». Ngije kamaá Moisee̱ nga tsíchji̱a̱jo ngayeje xota̱ Israee̱l, kui xotaa̱ asiéntikoó, kó katsꞌéndikón Néná,

Éksondo̱ 12:27 ပူးပေါင်းရင်းမြစ်များ

Xo̱jo̱n Salmoo̱ 44:1

Ji Ne, tji̱bo̱a̱nijón má ji̱n xi je tsintꞌié, kó xota̱ xi xchájne̱ katsóyàjne̱, ni yiꞌi xi ꞌniú fíndikónná xi kiniꞌín ji ni̱xtjin xcháján.

Xo̱jo̱n Salmoo̱ 78:5

Néná índa ngo ni kjo̱a̱a̱ xota̱ tji̱e̱e̱ Jakoo̱b, kó íjñá ngo kjo̱a̱kiti tsi̱ꞌe̱ xota̱ na̱xi̱ńdá Israee̱l, kó xota̱ xi xcháná atíxomaa̱, tsi̱ꞌe̱ nga kui kjo̱a̱kitii̱ xi sa̱ꞌínkjién nga sa̱ꞌínchji̱ni̱e̱ ndií,

Éksondo̱ 10:2

Bo̱a̱ tsꞌén ka̱ma kꞌuiyée̱ ndíi̱ ko̱jo ndíndée̱ ngayeje ni xi katsꞌenjo̱ an xota̱ Ejiptoo̱, ko̱jo kótsꞌèn nga tsajnókie an, tsi̱ꞌe̱ nga sku̱i̱e̱ nga án boá xi Nee̱ xota̱ Israee̱l».

Éksondo̱ 12:11

Ka̱májín kjo̱a̱ꞌátjó chií kui cho̱o̱ tsi̱ꞌe̱ nga nga kamángindyiojón skji̱ni̱e̱, ngatꞌa̱ kjiꞌá boá sꞌué paskuaa̱, kui xi niꞌán nga nganda tsa̱ꞌa̱n, cho̱ xi kꞌo̱ngii̱ chjiéngá ngatꞌítí.

Éksondo̱ 12:23

Kó bo̱a̱ tsꞌén, kjiꞌanga Néná kjo̱a̱ꞌa ngi̱jii̱n nangi Ejipto̱ nga sa̱ꞌínkꞌién ndí xíꞌín xi tjoón xota̱ Ejiptoo̱, nga sku̱i̱e̱ kui jiín nga yajájón yá nga̱ndee̱ nga̱ntjo̱a̱a̱, kjo̱a̱ꞌa ndojó. Kó Néná tsja̱ndièjín nga ngo jún xi ko̱yàjnú.

Éksondo̱ 12:28

kósꞌe̱ katsꞌén ni xi Néná katsoó Moisee̱ ko̱jo Aaroo̱n nga sa̱ꞌín.

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:8

»Ni̱xtjin xi ma yitoo̱, bi̱ kꞌuínjnúu̱ ndíjnú: “Kui sꞌueé kiniꞌán ñá kjo̱a̱a̱ nga kiniꞌánkjaꞌátsjien ni xi katsꞌén Néná nga tsꞌaxiéná nangi Ejipto̱.

Éksondo̱ 34:25

»Kjiꞌanga si̱ꞌankꞌasꞌienjnúꞌun ngo kjo̱a̱tjó xi ngo cho̱, ngata̱ kjiꞌájín nijan niꞌánkꞌasꞌiénjnúꞌun jiín kui cho̱o̱ ko̱jo pan xi tjiín nisan. Ti̱nde ngata̱ chjaꞌátjójínjnú ni xi kꞌo̱ngii̱ kui cho̱ xi si̱ꞌankꞌiénjnú kjiꞌanga ka̱ma sꞌué paskuaa̱.

Éksondo̱ 34:8

Ti̱ kjiꞌa kisꞌijñaxtien Moisee̱ ngaskande nga kisitꞌaa̱ kje̱n tꞌanangii̱ nga katsꞌéntsjaà Néná,

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

1 Xota̱ Korinto̱ 5:7

Kó kuíni nga chje̱ꞌéxínjnú kui jeé, ngatꞌa̱ kui jeé tsꞌénkjátsónjnú jún. Kuí xí xikoó nisan xi mindyiakátjo̱ nda̱ꞌyo̱paa̱n, kó ta̱sá xikoó tsi nda̱ꞌyo̱ tja̱tsi̱e̱ ngatamajnú, kui xi niꞌánkjién nga manda pan xi chinie ni̱xtjii̱n sꞌué paskuaa̱, nda̱ꞌyo̱ xi tja̱tsi̱e̱ xi jmíjiín nisan xchá. Ja̱koxi̱ nga jún xi bo̱a̱ kónjnú ngotꞌe̱, ngatꞌa̱ Kristoo̱ kuí xí cho̱tsa̱nga̱a̱ sꞌué paskua̱ná kui xi kiniꞌánkꞌién nganda tsa̱ñá.

Ndeuteronomio̱ 16:2

»Ni̱xtjin tjoón sꞌué paskuaa̱, nga jñoó, chjiéngá kongínjnú ki̱a̱ ndiꞌandikoón, kó ngo cho̱yojo, ko̱jo ngo cho̱tsa̱nga̱ ti̱ꞌankꞌasꞌiénjnúu̱ Néná. Ngata̱ ki̱a̱jín na̱xi̱ńdáꞌniú xi tsja̱ajnú Néná niꞌánkꞌasꞌiénjnú kui cho̱o̱, chjiéngá ta̱ ki̱a̱ tsí ndiꞌandikoón ti̱ꞌankꞌasꞌiénjnú, kó nga kjimajñoó boá nga ti̱ꞌánjnú kui nii̱, ngatꞌa̱ bo̱a̱ chon nga jatjojnú nangi Ejipto̱. Ka̱má xi̱ni̱e̱jnú yojoo̱ kui cho̱o̱, ta̱nga ta̱ pan xi jmí nisanjiín tsí xi ka̱ma xi̱ni̱e̱tꞌajo̱jnú, kó ka̱májín chií si̱ꞌankꞌangíjnú tsi̱ꞌe̱ kamángindyiojón. Chjiéngá xi̱ni̱e̱ yejejnú. »Ngo xomana̱ ndo̱jò ndójo̱ nga ka̱ma kui sꞌueé. Ngayeje kui ni̱xtjii̱n ta̱ pan xi jmí nisanjiín tsí xi ka̱ma xi̱ni̱e̱jnú, xikoó xi kichiniejnú kui ni̱xtji̱e̱e̱n, kjiꞌanga xi tsá xi boaꞌa jatjojnú ki̱a̱ nangi Ejipto̱. Kui paa̱n, kuí boá xi “paa̱n kjo̱a̱ni̱ma̱” kꞌuin. Ngatsjéni̱xtjin nga xi̱ni̱e̱jnú, chjiéngá kjo̱a̱ꞌátsjienjnú kui kjo̱a̱ni̱ma̱ xi ikitjajinjnú ki̱a̱ nangi Ejipto̱, ko̱jo kótsꞌèn jatjojnú kui ngi̱ndiee̱. Ngayeje kui xomana̱ nga ka̱ma kui sꞌueé, nde ka̱májín chií nisan chjiéngá kꞌuié ngayeje kui na̱xi̱ńdaá. »Nga kamángindyiojón, ngije kiniꞌánchjánjnú ko̱jo ngije kichiniejnú kui cho̱ xi kiniꞌánkꞌasꞌienjnúu̱ Néná, ka̱ma kongín nginíjnú ndiꞌajnú.